أسامة الراشد : المسميات الوظيفية..

الردود على هنا الي ينتقدون على اسامة الراشد في المقطع هذا . كلهم حقين هياط ، خرب عليهم 😂😂😂

سبحان الله القبول صفر بعدين كلامة غير صحيح إلا الناس تفخر بمسمياتهم الوظيفية الواحد درس طب او هندسة من الطبيعي إذا جا يعرف بنفسة بيقول الدكتور الفلاني المهندس الفلاني يحس بالفخر على مجهود تعب وشقى فية اما شغل التهريج وانا خفيف الدم بالمجلس بيحطونك عند الباب وتستحي تعرف بنفسك

معليش هالمره مقطعك ذا ماله داعي حاول تاخذ راحه وتجدد أفكارك

و اقع حقيقي حلو الشخص يعتز ب نفسه بس لكل مقال مقام من جد لمن اكون في مناسبه كل همي و ناستي ايش لي بدا الملل الطويل

قيمة الناس ليست في مناصبهم بل في وقفاتهم و اعمالهم البطوليه .. رأينا كثير من أهل المناصب لا يحركون ساكناً و لا يتقدمون شبراً و لا يتأخرون و بعد ان ينتهي وقت منصبهم تصبح قيمتهم مجهوله غير معلومه ..

مااداني اسلوبه وطريقته بالكلام ومسوي انه يضحك وهو من جنبها ثانيا ابدا مافيها شي بالعكس شي جيد توسع دائرة معارفك ويمكن تستفيدون من بعض بيوم من الايام يمكن يتم استقطابك ويمكن يطلبونك تصير مستشار بجهة معينةوالاخ قاعد ينظر لها بمنظور ضيق جدا. صحيح لو بين اخويانك وربعك لاتسولف بالدوام

صح لسانك كلام بالصميم "لكل مقام مقال" الطلعات والاستراحات والكشتات للوناسه مديرك ومشاكلك معه مالي دخل به عطني علوم توسع الصدر والا اسكت

لا تروح عندك هنا في تويتر يسدح لك فالبايو شهاداته و دوراته تنزل تقرا تغريداته عن الكوره و دبل كرستيانو طيب يالحبيب يوم انك دخلت تويتر عشان تفلها و تغير جو تسدح لي السيفي حقك فالبايو ليش!!!!!

والله انك صادق. ما عاد فيه اريحيه تحس انك في عالم صناعي

المسمى الوظيفي او الشهادة وبعضهم مزورة ولا تناديه إلا بمسمى الشهادة مهندس دكتور واذا ماعنده الأستاذ ، نبينا محمد ﷺ يدخلون عليه جالس بين صحبه يسألون ( أي منكم محمد؟ ) ، سؤال يوضح لك أن نبي الأمة لايميز بكبر ولا غطرسة ولاكرسي أو تاج وهو أحق ، وبعضهم لاغي أسمه إلا تناديه بكنيته

الموضوع هين لو ناس من بعيد ما يربطك فيهم إلا عمل . لا صار اهلك ربي رزقهم مناصب وخير ولا يجون عندك علشان برستيجهم وسياراتهم لا توقف عند بيتك لأنه بنضرهم يفشل ما أحزن إلا على أمي إذا سالت عنهم ويتحججون بالبعد والدوامات

ياخي أسامة 🫶 اههههههههههههههههههههههههههههههههههههههههههههههههههههههههههههههههه🤣😝🤣🤦🏻‍♂️🤓

😂ااااخ ياهو يبرد قلبي هالآدمي

احد يعلمه انه صار سامج وذباته اسمج خلاص ضحكوا الناس شوي لا تصدق ستوب

والله يا أسامه الكميديا يمين وأنت يسار وياليت ماتعيد. ذباتكً الخايسه

انا تقاعدت ولازالوا يعرفوني بفلان المهندس واقول لهم خلصت من الهندسه انا احب وضعي الاجتماعي المتواضع اكثر من وضعي العملي شبعنا منه ولله الحمد وبقي والله الذكر الحسن والدعاء

كانك داخل لينكدن 😂😂👌

أسامة أسلوبه انتقادي ساخر ، بس احيانا يكون غير موفق هذي عادات الناس ،

ونصهم traumatized و فاشلين بالحياة الاجتماعية و يحاولون يعوضون بالحياة المهنية

للاسف ظاهرة التفاخر بالمظاهر منتشرة في مجتمعنا كالنار في الهشيم

العصر ياصاحبي أصبح / بات عصر علاقات ومصالح وهياط . Com

المجالس كنوز وفيها مغانم.. إدارة الحديث فيها فن وبس.... افهمها زي ماتبي💌🌹😁

الدعوى ماهي ياسم الدعوى فعل

فعلا المهايط تعدى الذبائح والصواني الممتده إلى المسميات الوظيفيه !! أتذكر في مكتبي في عملي الخاص دخل علي رجل بلباس مدني زبون وعندما انتهت إجراءته وهم بالمغادرة وقد عرفني باسمه ، ناديته بابوفلان وتضايق وسالته لماذا أجابني : نادني برتبتي العسكريه !! ورديت عليه هذا في عملك يانقيب

مجالس ومساحات صارت كانها حلقة نقاش عمل

رهيب ياأسامه 😂😂😂😂😂😂😂😂😂😂😂😂

لا والمشكلة الي أسوأ من كذا انه متوظف بواسطة (فساد) او متستر . حط عليهم ياأسامة لعلهم يطفون @osama_ir

حتى بالمساحات الأستاذ والأستاذة والدكتور والدكتوره شدخلنا في أمك وإنجازاتك مهايط وهرطقه مجتمعه

والمصورين قبل الضيوف ……. الله يديم علينا النعم ويحفظها من الزوال.

فعلا كلامك صحيح للأسف الله يهدي الجميع ويصلحهم..

هذول اهل نجد هم كذا نفوسهم مريضه وثقيلين طينه وفيهم كبر وشوفه نفس وماديين ولا تقله سلام عليكم مايرد عليك السلام إلا مارحم ربي

صحيح الناس وش عليهم من مسماك الوظيفي ! كأنه داخل على وزارة حكوميه الشعور بالنقص مخزي