استمرار خدمة نقل الطلبة إلكترونيًا عبر تطبيق «سهل» تواصل وزارة التربية إتاحة خدمة نقل الطلبة إلكترونيًا عبر تطبيق «سهل»، بما يتيح لأولياء الأمور تقديم طلبات النقل ومتابعتها إلكترونيًا، دون الحاجة إلى المراجعة الحضورية، بما يسهم في تسهيل الإجراءات وتسريع إنجاز الطلبات #وزارة_التربية

تعالو شوفي الازدحام بالمناطق التعليمية اخذو جولات اطلعو من مكاتبكم تلمسو احتياج المواطنين

اخواني مطلوب تحديد المراحل أنا اليوم وامس فقط لنقل بنتي من مدرسه إلى مدرسه والحمدلله على كل حال ونتمنى منكم تسهيل الأمر فالوضع في بعض الإدارات ضغط على أولياء الأمور والإداريين بسبب تعطل البرنامج . وغيرها من الملحوظات وكلنا ثقه ان القادم اجمل وستتسهل الامور باذن الله .

تفنيش المعلمين والمعلمات الوافدين فجأة بدون خبر مسبق مثلا مع بداية الاجازة الصيفية كثير منهم دفعوا اقامة وتأمين ومصاريف مدارس ودروس خصوصية ل ابنائهم ف ثانوية عامة ! قالوا احنا في كربة وصدمة ! مارتبوا امورهم ! واحنا في بلد الانسانية الله يعينهم ويجبرهم🤲🏻

بلا فايده تقدم الكتروني وبعدين تروح نفس المشوار القديم من المدرسه الجديده لا مانع بعدين القديمه يعتمدون ويعطونك 4 ورقات بعدين الجديد توقعهم ثنتين لهم وثنتين للقديمه ياخذونها ويعطونك الكتب والملف ، نقل موظف اسهل من نقل الطالب والي عنده 3 والا 4 مدارس الله يعينه السستم معلق 😅

لم يتم اي اجراء من 18 يوم اين الخلل؟

افتح تحقيق يامعالي الوزير وحط ايدك ع الخلل شلون في سهل تم نقل ويردون أولياء الأمور للمناطق التعليمية

مو صحيح أنا اخذت اجازة 3 ايام بس عشان نقل طالب و ما خلصت

جذب سوونا كعب داير على النقل

شنو الفايده و المدراء ما يقبلون !!!

وين بس في سهل لازم نراجع المدرسة ولفه

انتم بعيدين عن الميدان والواقع

تعين المعلمين الجدد متى؟

مدراء المدارس مايقبلون النقل الالكتروني تونى رايح لمديرمدرسه و عطيته النقل الالكترونى من سهل رفض وقال لازم تجيب ورقه من المنطقه التعليميه الفروانيه رحت المنطقه لقيت نص محافضة الفروانيه فى المنطقه التليميه زحمه بشر وزحمة سيارات كرهتون بالدراسه

حجي فاضي والله العظيم رحت وجيت 3 مرات ، وانتر يسون وتجي تاخذ 3 اوراق وتروح وترجع وتجيب ورقتين سالفتكم سالفه يالتربية 🤣🤣🤣

الام الي عندها ولايه تعليميه ليش ما تقدر تنقل عيالها ؟

والواقع ؟ واللي يقولونه الناس بالميديا؟ بين كتابنا وكتابكم

ماتفعلت هالخدمة شوف شنو يطلع لك

قدم بسهل روح المدرسه القديمه كلمهم يستقبلون ورد للجديده قولهم يعتمدون ورد للقديمه تاخذ اربع اوراق يوقعونهم المدرسه الجديده وتردهم. للقديمه عشان تستلم الكتب الي عنده متوسط وابتدائي وروضه شؤن الطلبه مو مداومين والمدرسه السستم واقف قسم بالله جلطه من المطلاع الى العاصمه

عقبال تسجيل المنازل والمسائي يكون بسهل

هذا هو الشي الإلكتروني الوحيد في هذه العملية ( الرسالتين ) ، تقدم طلب بسهل و تروح للمدرسة الجديدة تاخذ ورقة لامانع وتروح فيها للمدرسة القديمة يوافقون ويعطونك الملف وترجع الجديدة معاك الملف ويجيك الرسالة الثانية بسهل 😂 قصرتوا

هذا الكلام عاري عن الصحه من يوم الأحد إلى اليوم لم تتم الموافقه ولا الرد حتى رحت منطقة العاصمه مراقب التعليم المتوسط بالانابه مدير مدرسه يداوم الساعه ١٠ قال لي روح المدرسه ينقلون ولدك رحت المدرسه اليوم مافيها مدير مدرسه و المدير المساعد رفض قبول ولدي بحجة انه ليس لديه صلاحيه

المشكله مو بسهل يااخوان المشكله من موظفين المدارس مايدشون السستم ويتابعون الطلبات ينطرونك تجي تقولهم

شنو الحل

والي وصل له لامانع من المدرسه الجديده. في اجراء ثاني او خلاص مايحتاج امرهم

حجي فاضي واعلان غير صحيح الشغل كله عند المراقب بالمنطقة التعليمية الصراحة اهو اقوى من الوزارة بكبرها للاسف هذا الواقع ، روحو شوفو المناطق التعليمية اشلون زحمه وفوضه للاسف انكم نايمين بالعسل ولا تدرون عن شي .

خطوة موفقة من وزارة التربية في استمرار خدمة نقل الطلبة إلكترونيًا عبر تطبيق «سهل»، بما يختصر الوقت والجهد على أولياء الأمور ويخفف الازدحام والمراجعات الحضورية. نتمنى سرعة إنجاز الطلبات ومعالجة أي تأخير، خصوصًا مع بداية العام الدراسي. #وزارة_التربية #سهل

وين هذا

مو صحيح توني مار ٣ مدارس بالمطلاع كلهم يقولون روح المنطقه التعليميه ورحت شفت الزحمه ومشيت ،،

مدرسة حمود البرغش في السره بدون مدير معقوله والمدير المساعد يقول ماعندي صلاحيه و مراقب تعليم المتوسط في المنطقه التعليميه العاصمه يقول النقل من خلال المدرسه و الوزاره تقول النقل عبر تطبيق سهل وانا المواطن دايخ بين إنجازات العباقرة الشوارع زحمه بسبب هذي الفوضى في التربيه