أسماء البعير من بداية عمره

من : 0-12 شهر (حوار ) 2-1 سنه (مفرود ) 3-2 سنه (لقي) 4-3 سنه (حق ) 5-4 سنه ( جذع ) وبعدها يصير ثني ويطلق عليه اسم بعير الي عرفناه من بدونا الاولين ان سبب تسمية (لقي) والمختلف عليها هو ان الحوار يلاقي اخوه المولود حديثا لان بينهم سنتين بالضبط والمسميات تختلف من منطقه لمنطقه

للتوضيح الحساب بالاشهر من ولادته لين 6 شهور حوار من 6 الى 12 شهر مخلول من 12الى 24 شهر مفرود من 24 الى 36 شهر حق من 36 الى 48 شهر لقي من 48 الى 60 شهر جذع من 60 الى 72شهر ثني ومن تمام 60 شهر ومافوق فهو يضحي من 72 شهر لين 84 شهر فهو رباع

المتكلم هو فضيلة الشيخ سعود بن مطلق الودعاني من أهل العلم والفضل وهو من الرجال الكرام الذي يندر أن يوجد مثله في الكرم والفضل والمرجلة

غلط من يولد لين يجي عمره سنة اول حوار بعدين مفرود ايش يعني مفرود هذا ماهو بالسن هذا يعني فرد عن امه ما عاد يرضع من سنة الي سنتين حق من سنتين الي ثلاث لقي من ثلاث الي اربع جذع السنة الخامسه يدخل ثني الجمل يضرب جذع البكره تلقح لقيه ع ثلاث سنين ايش يعني لقيه يعني تبي الجمل

الحق اصغر من اللقي!! ..اللقي من اسمه الي لاقا اخوه من بداية السنة الثالثه يلاقي اخوه

المطوع. سايقها. شيز. عليهم. هههههه. من تظرة الجد. فيه. تدري ان ماعنده. سالفه

يا ليت احد يكتبها كتابه لن الصوت ماهو واضح

انا عندي بكره يوم تمت ٤سنين وهي تقلع ثنيه وتطلع ثناياها وانا مولدها

الله الله الله يوفقه والله ماعرفه لاكن ان شاء الله ان كلامه هو الصواب وصدق الي يجري في الاضحيه من الابل المكمل خمس سنوات من الولاده إلى تقريباً سنه حوار بعد السنه إلى السنتين يسمى مفرود وهو المفرود عن امه ماعاد يحتاج لرضاعه وهو العمر المفضل لذبح