اسمع واضحك😂... بيتك ساكننه ويقدر مأجر وايجاره يضاف للدخل انزين ترا الفوائد اللي ياخذهن البنك عشان قرض البناء أضعاف قيمته لو تأجر

المعادلة عندهم .. ان يبقى المواطن الموظف بقرة حلبوة لهم وللبنوك وشركات التمويل والتأمين الى ان يموت ..؟!! الرحمة والانصاف والعدل عند الله العزيز الحكيم وحده ..

شر البليه مايضحك

كله مدروس عشان ما تزاد الرواتب او اضافة علاوة بدل تضخم للاسعار

اصبح كل شي يزيد ويرتفع ويتغير في حياة المواطن الا الراتب….. لا ترقيات ولا علاوات ولا زيادة رواتب اصبح الوضع غير منصف وسط تضخّم الاسعار وارتفاع مستوى المعيشة

خبرو البرواني انه احنا مستأجرين بيت الملك من عند البنك بعقد لمده 25 سنه قابله لزياده بمبلغ وقدره اكثر من نص الراتب الله يلعن الغباء الصناعي الي وصلكم لهذي المرحله مثل هاذي الدراسات وهذي العقول الي تضحك على الشعب يحتاج حد يحطهم بجونيه ويرميهم البحر

الملاحظ أن إحتساب دخل الأسرة يشمل جميع مصادر الدخل، حتى العوائد الناتجة عن الممتلكات الخاصة، بينما لا تُراعى في المقابل المصروفات والإلتزامات الفعلية التي يتحملها المواطن، كالقروض والإيجارات وفواتير الخدمات والعلاج ومتطلبات المعيشة اليومية. العدالة لا تتحقق بحساب إجمالي الدخل وحده، وإنما بالنظر إلى صافي الدخل المتبقي بعد خصم الإلتزامات الأساسية، خصوصاً في ظل الإرتفاع المستمر للأسعار. فقد يكون دخل الأسرة مرتفعاً في ظاهره، لكنه لا يكفي إحتياجاتها بعد سداد مصروفاتها الضرورية. لذلك نأمل أن تكون آلية التقييم أكثر واقعية وإنصافاً ، وأن تقيس القدرة المالية الحقيقية للأسرة، لا مجرد أرقام الدخل المسجلة على الورق والذكاء الإصطناعي. شكلنا دخلنا في دوامه أخرى تماثل ذيك الجهة في التربيع و الجذر التخميسي و الراتب المكعب

أخي سلطان اجر البيت وسوي خيمة في السطح جاي شتاء والجو عليل

مشكلة في أدم ما حد يريد يستأجر

يحاولو يبررو أخطاءهم بس والله انه المواطن العماني ما يستاهل كل هذا التخبط

السياسه معروفه حرفيا يلقموك ذنك وانت فاك حلقك ..

جايتكم ضريبة الدخل وبقوة...

😂😂😂هوشنا وبوشنا بعد يحسبوهن تراهن مصدر دخل ..

ومن هو البرواني حتى يتدخل في أملاك الغير وفرض الأتاوات؟

البرواني يمثل الحكومة ما يمثل نفسه

عجيب

وعندهم موتى وعندهم اجداد اجداد هل تم حصرهم 😭

😂😂😂😂😂😂 بيتي باننه بتعبي وشقاي ويحسب عليي بهذي الطريقه عندي اقتراح ليش ما يحسبوا أولادي وكم يجيبوا لو بعتهم

مرطوها البيسة مرط

هذا الكلام و من مسؤول في الحكومة و يراس وحدة تختص بعمل المسوحات الاحصائية هو العبط بعينه... و كأنه يدخل طريقة تكلفة الفرصة البديلة الاستثمارية و عوائد الاستثمار في موضوع تقدير متوسط دخول الأفراد و من ثم دمجها في متوسط دخل الأسرة... ما هكذا تورد الإبل.

عاد مشكلة اذا ساكن مسقط بيتك اللي انته ساكننه إجاره أكثر. 😆😆😆😆😆

والسيارة ما داخله في المدخول تقديرها بكم قيمة البيع؟

عندما يكون التفكير عالمي 😂

اسميها سالفه

سبحان الله استخدمتو المسح العالمي أو الدرسات ف هالشي بس.. تراه الدول العالميه الي تستخدم هالمسح تقدم الكثير للمواطنين ورواتبهم عاليه.. اي دراسه ضد المواطن عطول تنتهي ما تاخذ وقت اما الدراسة الي للمواطن تاخذ سنوات ودهور.. ويش تبوا منا جيبوها ع بلاطه الواحد يستغفر ربه وينتظر يومه

😂😂

إذا لم تستحِ فقل ما شئت.

أستغفر الله.

ما نقول غير حسبي الله ونعم الوكيل

حتى البقرة داخلة من ضمن متوسط الدخل .. بإمكان صاحبتها تبيع منها رقيق /كامي / سمن ..

حسبنا الله ونعم الوكيل وكفى

أستغفر الله

لاحول ولاقوة الابالله العلي العظيم 😂 😂 😂 😂 😂 😂 😂 😂 😂 بيوت عمان كلهن مرهونا عندكم.

حقيقة عقلي لن يستوعب هذا الكلام ولا كنت أظن أنه في يوم من الأيام عقلي لا يستطيع ويعجز عن التفكير .... إذن بكرة سهل تحاسبونا على استنشاق الهواء ادخلوه من ضمن دخل الأسرة وكذالك الشمس ولليل والمطر تعتبر من أساسيات الحياه هذي كلها فرص لدخل الاسره تستحق البحث

مانقول غير حسبنا الله ونعم الوكيل إنما أشكو بثي وحزني إلى الله

ترا بيتي ساكن فيه حال من أدفع الإيجار 😅 وبعد أدفع عنه فواتير مايدخل علينا فلوس!! كل شي سويو منه مداخيل 🤣

تلك البنوك التجارية وشركات التمويل وشركات التأمين لمن هي بالضبط ..؟! عندما المواطن الموظف قريب 60 % من راتبه الإجمالي لتلك الجهات لمدة تزيد عن 20 سنة متواصله ؛ مع فؤائد يفوق قيمة القرض الإجمالي ..؟!! ثم يتم الحديث عن قيمة دخل المواطن الموظف ؛ فالحقيقه المواطن راتبه ليس له .؟!