اسمـع كلامي وافـتـهـم قصد معـنـاي وضحت لـك كل الحقـايق وجـادلـت مـالـك ومـال الـهـزب يـا تـايـه الـراي ظـلمت حـظك يالحقـود وتـجـاهـلـت أولاد وايـل تـعـرف أقـصـاي وأدنـاي عن ساس منسب عزوتي ماتحولـت مـعـروف أصلـي بالقـبـيـلـه ومربـاي ولا هـمني كـذبـك ولـو كـان بـلبـلـت من عزوة الفدعان هم سـاس مجناي يالمفـتـري كذبـت فـي... كـل مـا قـلـت ربـعي ضنـا عـنـاز عـضـدي ويمـنـاي ذكـرتهـم ما منهـم الـلي لـه اهـمـلـت مجّدت اللي يـفـرح بهـم كـل نـصّـاي تـاريـخ مـاضيهـم كـتبـتـه وسجـلـت الـيـا حـدا يـوم الـــقــاء كــل حــدّاي خيالهـم تخشى العـدا سيفـه الصّلـت رجــالـهــم بـالـكـون لـلــذّود حـمّــاي مالـك نصـر يالمعتـدي لـو استبسلت كـلن يقـول احذر من طـراف شلفـاي كثيـر الـلي مثلـك من القـوم جندلـت يـالـلي بـهـرج الـزور قـادح وهـجـّاي لا تـفـكّـر انـي مـن كـلامـك تفـشّـلـت صـرت بسمـاج الهـرج بايـع وشـراي وش عاد لو أنك على النـاس ضللّت يـالـلـي تـشـدّق بالـمـخـالــيـق زراي غيـر الأثم والـذنب ما ظـنـتي نلـت للمصلحـه مـن ديرتك جيت غــزّاي عـلى عنـزه درعمت مسرع وسبّلت لا زلـت لاعـب بـالـمـغــفّـل ولـهّــاي تـنـفـخ هوا بوجيههم كنّـك اسبلـت تـدرق علـى غرات الأجــواد عــدّاي بالـكذب غـريـّت الشيوخ وتحـيلـت تدرق سوات اللي على الكوع حبّاي ومـن ريـع تـزويـر الـوثايق تمولـت واليـوم صـرت لشمـل عـنـاز شـظـاي حـيثـك لنـار الشـر ولّـعـت واشعلـت مـا تـاجـد الـلي لشعـلـة الـنـار طـفّـاي كلن لأجل تسعر يحلت الحطب حلـت ارضيت الـلي ينساق مـع كـل غـواي والمنصف اللي به حميـه لـه ازعلـت وحضيت بالتشجيـع من كل حـضـاي من كثر مـا تسمـع مديحك تهـرفـلـت شجعك اللي في صاحب الصّدق هزاي وعلى الـذي شجّـع على الـزور عوّلـت الربـع صـاروا لـه مثـل حـاتـم الطـاي وقـال ابشـروا بأنساب وايـل تزهلـت أبـدع غـزيـر الكذب مع شربة الشـاي وانـتـم تصغـون لمنطـقي لـو تقـولـت هــذي اصـنــفـهـا وابــدع لـكـم هــاي وخلطت سـت مـن القبايـل وسلسلت حـسـب طـلـبـكـم لـلـمـشـاهـيـر نـقّـاي تـغـلـب وبـكـر صوبكـم لـهـم رحـّلــت والـكـل صـوبـك صـار هــادف ودواي عـرّوك حـيـث انـك بـعـنــاز هـتـلــت في كـل يـوم مـفـطـحـه عـنـد شـوّاي طـاروا فرح يوم انت معهـم تعاملـت كلـن يقـول اقلـط عـلى جـال مـقـراي وكـلـن يـرحـب بالـهـلا حيـن حـولـت والـلـي دعـوك الـكـل بـالـردن ومّــاي مـنهـم عـلى تزويـر الأوراق زنـقـلـت لا زلــت تــقــرق بالـخـرافـات هـذّاي وبعـقـول جـهّـال الـقـبـيـلـه تـوغلـت كـنـّك ابـن سـيـريـن للـحـلـم حـزّاي ولا لـدغـفـل راسـخ الـعـلـم مــثّـلـت العلـم عنك ابـعـد مـن حـدود بمـبـاي كـيـف عـنـزة سـتـة كيـانـات شكّـلت عن مصدر التاريخ غمضت بـغضـاي بدعـت مـن نسج الخيـال وتخيّـلـت واصبحت متحـدث وبالـزور حكّـاي لـكـن مـن اعـراف القبـيلـه تنصلــت بالسـب تكـرب محـزمـك تـقـل لقّـاي تجـمـخ وفـي ماضي زمانـك تغزلـت اغـواك شيطانـك وحـطـك ابمـرمـاي ما اتّرك دام أنك على عـزوتي صلـت اعـــرف تــــرى لابـــد يـــزواك زواي ومهما نسجت الكذب ماعنك سايلت مـن بـدع فـكـرك للسـوالـيـف نـطّـاي فــرّقــت عــزوتــنـا وللـجــد بــدلـت ما اقـول بـك لـو ما تعرضت لرشـاي لـكـن عـلـيـه فـي كـلامك تـطـفـلــت غـديـت مـثـل اللي بـالأكواخ صـواي مـن كـثـر تـزويـرك وكـذبـك تـرزلـت جـاهـل وتـوّك بــأول الـعـرف بــدّاي ومـن خوضك بأصل القبيلة تهولـت مـا دام انـك تــو مـا جـيــت لــفــاي مـتى مـع انـسـاب القبيـلـه تفـاعلـت خمسين سنـه فـي مقيضي ومشتاي ابـحـث مـع الـلّابـه ولا يــوم وكـلـّت أخـطيـت يـالـلي لـجـد عـنـاز غـبـاي عـلى مـزاجـك للنسـب كيف شكّلـت خـل التكهـن مـا انـت فـاهــم ودراي حـقّـرت في كـل الـقـبـيـلـة وهـزّلـت اسرعت بالمنطوق كنّك على سكاي عن سرعـت المشوار ليتـك تمهـلـت لو أنسحبـت وقـلـت للكذب بي باي مـا كـان من صبيان وايـل تبهـدلـت الـلي غـرّوك يحسبـون النسّـب راي وأنت بتحريف انسابنا كيف خُوّلت الـجــد صـنـفـته مـن اعـقـاب زنـاي ومـن أيدوا قولـك عليهـم استهبلت مـا للقـيـط أن كـان هـو مات نـعـاي قدحـت في جد الـقـبـيـلـه وعـزلـت الـراس اللي مصدوع يحتـاج كـوّاي عـقلـك تعـطّـل وأنت مثـلـه تعطلـت عالج ترى راسـك من السقم بـه داي تلـقى الخلل بالجمجمه كـان حلـلـت وصـلّـوا عــدد مـا يـارد البـيـر رواي عـلى الـذي يـارب بأمـرك لـه ارسلت #عبدالله_بن_عبارshow more

عبدالله بن عبار

16,125 subscribers

Share Download