🔻أشوف أجواءنا ما ينفع معاها إلا المقاعد من القماش في حال ما دوامت على ترطيب الجلود و تبعدها عن الشمس قدر المستطاع بتكون هذي نهايتها .

عشان كذا يفضل بالسيارات الجديدة فئة الفل يكون الاختيار للعميل مابين الجلد والقماش مو ضروري فخامة = جلد الجلد متعب مع شمسنا مايفرق تظلل ماتظلل، عندك مظلة ماعندك، الجلود مثل ماقلت انت تحتاج ترطيب من الحر لوحده التظليل والمظلات هي فقط تأخر التلف ماتحميك منه كذا كذا اجواءنا ماتساعد

أحسنت 👍🏻

بغض النظر عن جلد او قماش ما توصل السياره إلى هالحاله عند شخص طبيعي استخدمنا سيارات جلد سنوات و واقفه في الشمس بس هذا اللي نشوفه موبس إهمال هذا وساخه كيف يسوق و يركب انسان سوي سياره بهالحاله

شريت المنتج هذا من فتره طويله، وعندي ما ستخدمته لحد الان، وهذي حالة الجلد عندي حاليًا، وبديت احس ان الجلد بدا يقسى ويبغاله ترطيب واهتمام. وش رايك في المنتج هذا اخوي سلطان ؟

هذا ثلاثه في واحد ينظف يرطب يحمي و فيه منتجات فقط ترطيب مثل هذا استخدمته

للأسف جلود اللكزس سيئه من يومها مضحوك على عملائهم بإسم العلامه وهي أصلا في الحقيقه كثيرة أعطال في نظام ABS و A/C Actuators ليش الجلود في باقي السيارات تصمل أكثر من اللكزس ؟ مجرد وجهة نظر شخصيه ✋🏼

لا والله الا جلود لكسز ابو كلب وصناعية تعال شف الامريكي والالماني كم سنه والجلد مثل ما هو ولو اختلف شي بسيط

معاك 100% انحش عن الجلد حتى اذا قالك فيها تهوية وتبريد القماش افضل واريح بالاستعمال

اللكزس باي دوله نفس المشكلة خاصتاً موديلات من. ٢٠٠٣ الى ٢٠٠٨ معي وحده بامريكا ٢٠٠٦ نفس المشكلة

للأسف ما نشوف هذا التشوه في الجلود بشكل كبير إلا في اللكزس والتويوتا والان اصبحت مرسيدس تنافس هذا الفشل في بعض الفئات

جلود لكزس تتأثر بسرعه للاسف، صارت لاخوي ما كملت ٥ سنين الا تقطعت

اذا كان جلد محترم مايجيه شي لو تصكه الشمس يوميًا اللي في المقطع سوء استخدام او عيب مصنعي

لفت نظري الشغل الجباااااااار ما شاء الله تبارك الله أحد يفيدنا مين هذولا؟

موجود رقم تواصل بصفحتهم على التيك توك

اللكزس دايم جلدها تعبان

هذا مستخدم السيارة اكثر من 3000 سنه

الجلد افضل للتنظيف وافضل بالراحه والملمس. وترا يحي تبريد وتسخين فيها. والجلد يجي انواع فيه سيمي الينين وفيه نابا وفيه صناعي وفيه طبيعي. الجلد يحتاج محافظة فقط

والله يا أستاذ سلطان كثر خيرها 20 سنه 😅 وفوق هذا واضح من الشكل فيه سوء استخدام تحيتي لك

جلود المقاعد وفتحة السقف/البانوراما... كلها ميزات يُفترض تكون اختيارية للمشتري حتى على أعلى فئات السيارات.. لا تحطها لي وأنا ما ابغاها أجواءنا ما تساعد على الإستمتاع بذي الميزات ومع الوقت تتحول إلى عيوب مزعجة جداً أثناء الاستخدام

صدقت يا بو صادق

ايش الحل مع هذي الهبة القبيحة اللي ما اعرف كيف اوصفها إلا انها اقبح شيء انا وصل مع الموضوع ان اتنازل عن مواصفات اهم شيء تكون قماش، الجلد سيء، جدا جدا من كل النواحي وغير مريح وجلسته غير مريحة ولا لطيفة ابداً. رأيت توجهات في صنع مقاعد صوف فاخرة او قماش فاخر لكن ما وصلت لنا للأسف!

اول شيء صاحب السيارة معفن ثاني شيء اللي اشتغل على السيارة فنااااان ربي يبارك له

الي يقهر إن لم يكن كل فغالب الشركات ماتطرح القماش إلا بفئات استاندر وبالكثير نص فل !؟ طيب الواحد يبي فل بس قماش مافيه !؟ غير ماذكرت بالنسبة للعملية والحر حتى كراحة جلوس القماش أفضل ، والداخلية السوداء والرمادي ذبحونا فيها ياحلو القماش بخيارات البيج ودرجاته والبني المحروق

المخمل المناسب لأجوائنا وعساه يتحمل بعد

الأفضل من اول ما تشتري السياره تكنسل كراسيها وتحط مجلس شعبي وعيششش

انشهد انك صادق الجلد في الصيف حار جداً وخاصة للي يلبس شماغ او غترة تنعفل وفي وقت الشتاء بارد وينكمش لذلك للأوزان الثقيلة يبدا يتمزق

دايم اخلي معي مرطب جلد وكل ما رحت اغسل السياره عطيتهم العلبه يمسحون المراتب والحمدلله السياره الان ماشيه ٢٠٠ الف وحالة الجلود جيده جدا، وما يمنع بعد فتره اوديها لمحل مختص يعالج العيوب البسيطه

في ٢٠٠٥ شريت تاهو موديل ٢٠٠١ ال تي استخدام امريكي وطبعا الأستخدام الأمريكي يجي بمواصفات كثيرة ماتشوفها في السعودي وكانت المراتب جلد وماارتحت عليها فرحت ولبستها قماش عند افضل واحد في الرياض ومازالت حتى الأنه رغم ان المراتب فيها تسخين وبعض المزايا

المشكلة صار الجلد حتى في الستاندر

المقاش شكله قديم تحس انك ركب كرسيدا 92 الجلد احلى ويجي فيه تبريد مقاعد واذا استهلك بعد فترة رح محل تنجد يجددونه لك

المسكين اللي بيشاريها بعد التعديل

المفروض مافي قنصلين في سيارة وحدة لازم كل واحد في مدينة مختلفة

قماش الأفضل

هذي مشكلة جميع سيارات لكزس والمصيبة انها تبدا بعد فترة بسيطة وكل السيارات تتعرض لنفس الظروف لكن للأسف جلد اللكزس اقصرهم عمر وأكثرهم حساسية وتعرّض للشقوق وأتحدى تلقى أي سيارة ثانية من أي شركة ثانية سواء أمريكي أو ياباني أو ألماني تتعرض لنفس الظروف وتوقف في الشمس وتتحول لهالوضع

ما يحتاج هالسالفه ترطيب هذا اللي يسوقها شكله اسد ولا شي مفترس 😅 يابوي التكايه موب لهالدرجه كذا هذا شكله يسوق وياكل منها يابوي

القماش أرحم بالحر لو تبغا تحمي الجلد وتستمتع بفخامته بدون تشققات، خط الدفاع الأول هو العازل الحراري الصحيح🛡️ درع وعازل بست شيلد المعتمد يعكس الحرارة قبل ما تدخل سيارتك ويحمي مقاعدك من الجفاف والتلف. ومع الخصم الاستثنائي 26% تقدر توفر وتقلل الأضرار بكود MZ9X

والله معي برادو حديث و موقف عند البيت و موقف في العمل و لاكن مقاعده قاسيه مره و ملبسه مدري شكلي بغير المقاعد بشوف اش افصل و اغير

شغله نظيييف ، مستحيل اركب غير قماش لسيارتي ، الشمس عندنا تصلخك صلللخ