اضوى الدخيل بعد وصولها لـ 1,000,000 متابع بعد الشهره صارت في قمة تعاستها..! 😨 وش الرابط بين الشهرة والتعاسة؟ و ليه اغلب المشاهير نفس الكلام يحسون بتعاسه مع انه تجيهم اموال ورفاهيه..🤔

سوالف للظهور الاعلامي لا اكثر ،، (( المال والبنون زينة الحياة الدنيا ))

يعني تتوقعي انها تبالغ؟

طبعا ،، المال رفعة وعزة ونعمة ،، ويساعدك في امور كثيرة في حياتك وبالعامية ( يقلطك صدر المجالس ) لولا المال ماظهرت في هذا المنبر ☺️👌🏻

ترى سالفتها مثل سالفة الغني بعدما يسافر شهرين لأوروبا ويرجع يقول : يا زين رمال النفود ، وبيالة شاهي من براد أسود 😅😅

اولا : حتى ذي شو وبهرجه ( يعنني انا اشتهرنا ووجدنا الاموال ولم نجدو السعادتو ووو !!) النغمه السينمائيه المستهلكه ذيك. ثانيا : اموال ايش؟؟؟! والله انهم طفارى كذابين كلل حياتهم شو ، صح اول بداية الهبه فاز بها كم واحد ذلحين مليون مشهور محد يتذكره

نغمه سينمائيه مستهلكه وتنظير فقط لا غير . التعاسه انك تكونين عاطله لاوظيفه ولا دخل فقط تستنشقين الهواء ،، اسألي النساء المحتاجات اللي في بيوتهم يا أضوى وشوفي اوضاعهم ،، اللي تتمنى وظيفه واللي تتمنى دخل مادي يعزها ويرزها ،، اما انتي نجحتي واشتهرتي ودخلتي مجال المال والأعمال وتقولين والله أنا تعيسه ،، وش يضرك لو حمدتي ربك وتكلمتي عن قصة نجاحك اللي تلهم البنات وتخلي عندهم شغف وحب للحياه ،، وتعطينهم نصائح كيف يواجهون مصاعب الحياه .

حسب الدراسات ان ارتفاع الدوبامين يومياً كا متعة الشهره والاموال وكل شي تبغاه سهل يتسبب بهذي الاعراض

السعاده في هالحياة استثناء والاصل هو الكبد والتعب والارهاق. يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ

عشان يقنعون اللي مثلي و مثلك انه مايكون عندهم طموح ورؤية للمستقبل وهم يستمرون ياكلون ، دام يحسون بتعاسة وبؤس من انجازاتهم يتنازلون بكل مايملكون لغيرهم ، فيه غيرهم حيكونوا فخورين بالانجازات اللي سووها ومبسوطين ، هذي الحركات عفا عليها الزمن

السؤال // وش هالموضة الجديدة ان الوحده تطلع شيب الراس ‼️❓

هذي جبها تسولف بس، يعني عندك شركة خلها مديره، واجهه للشركه، كثير كذا اصلا حاطينه مدير او مديره لانهم متحدثين

وهذي مين بعد ههههههه وش هالحالة المزريه

صراحه شي غريب ومافهمته يسافرون يروحون يجون واموال ليه التعاسه هذي

مو كل شي الفلوس

الخواء الروحي

ياصبر الارض بس

كذابين ماصدقهم لو من جد تنازلو عن كل شي وبحثو عن السعاده

لأنهم يعيشون هاجس الهبوط بعد الصعود وصراع ركوب الموجة بمنافسة مع كثرة المشاهير ولكي يبقى في نفس المستوى لابد أن يكون المحتوى يعتمد على الاستمرارية في كسب ثقة المتابعي بتقديم مايرضيهم وكأنه في سباق مع الزمن وعيش شعور كيف أبدو ومارأيهم بما قدمت باستمرار وهذا نهايته يكون التعاسة..

كذابه. بعد ماشبعت.

انشغالك بغير نفسك .. و الله يقول الإنسان على نفسه بصيرة .. و لم يأمرك بالتبصر في حال غيرك .. و لكن حب الظهور و الفضول يدفع الإنسان إلى هلاكه ..

خلها توكل بس

ابشرك ماعرفها .. على فكرة اغلب مشاهير الفلس يشترون متابعين لايغرك الارقام

السوشل ميديا اغلبها عباره عن حياه وهميه واذا كثرو اللي يراقبون حياتك ( متابعين ) راح تتعب من كثر ما تمثل وتمل مع الوقت تبي تعيش حياه طبيعيه

التنازل عن القيم ✋🏻

صحَّ لسانك على المَنْطِقِ الجميل 🌹

طيب والله ما عرفتها غير منك

أظن افتقادهم للخصوصية هو السبب في هذا، لمن تصير كل حركاته محسوبة، وحتى طلعاته ودخلاته ملاحظة يعطيه عدم أريحية أحيانًا وبسببها تكون التعاسة إلى حد معين

الشهرة تسحب منك أغلى شيء تملكه الخصوصية والعفوية

في الظهور تختفي الخصوصيه وأي احد عنده مرض بيحطه عليك من وراء الشاشات هذا من الغير العلاقات الغير جيده والمقارنات والحسد فتكون في صراع نفسي طول الوقت .هذا رأيي

سبحان الله كيف المشهور يقدر يطلع خصوصياته او أشياء مخزيه امام هالعالم الي تتابعه !!

مين اصلا المتابعين آيش نوعيتهم اذا كان الشخص تافه اكيد الي يكون المتابعين تافهيين وناس مغسول مخهم فلا تعدهم ذولا متابعين أو ناس في وعيهم. اذا تابعني الف شخص واعي ومثقف فهدا يكفيني عن مليون متابع تافهه وسطحي

التشبيه ههههههههههه😂😂 عايشه جو ستالين أو هتلر وهو يلقي خطاب للحشود وهي لو طلعت بالشارع محد عرفها

بسسب انوستووووقغام