اظن انه ( اصعب فيديو ) بالنسبة لي 💔

نصيحه لكل ولي امر لا يكون همك بس شلون ولدك يتفوق بدراسته وتبني حياته كلها على نتيجته بالشهاده في أشياء أهم .. ازرعو الوازع الديني فعيالكم هذا اهم رادع وشوفو ربعهم اللي يخالطونهم الصحبه سبب رئيسي في سلوكيات الشخص وكثرو من الدعاء في أن الله يصلحهم

اقتراح لماذا لايكون هناك فحص دوري الزامي عن المخدرات للأبناء لغاية عمر 21

صلاح اتمنى تتكلم عن حل لموضوع التربية لان الرجل موظف و المراة كذلك موظفة و الاثنين مو فاضيين للعيال كل واحد و وظيفته و رامين العيال غالبا للخدم اتمنى حل واضح و جذري بهذي النقطة الولد محتاج مجابل و اهتمام مو خدم و خلاص صرنا نتكلم عن حقوق المرأة و الرجل و الولد منسي و شكرا

الوضع خطير جدا .. هدم الدوله من الداخل عن طريق الشباب اخطر من الغزو والمسيرات

في اسامي ما تتخيلها بنات و مراكز كبار وصغار شبو وكيميكال وخمر كومبو بوقت واحد قريت مرة تقرير ان تجار المخدرات يستهدفون الاسر المستقرة لان المادة متوفرة ويكسب زبون دائم

والله انها ( حرب ) معلنة ضد البلد و الاجيال

طبعا تجارة ودول اقتصادياتها قائمة على المخدرات… سوريا كانت خزينة الدولة قائمة على تصدير الكبتي امريكا ليش حاربت بابلو اسكوبار؟؟ خوفاً على الامريكان من الادمان؟؟؟ لا طبعا!! لان هجرة مليارات الدولارات تروح لكولومبيا.. اقتصاد امريكا تأثر… اهي مو بس جريمة… اهو استنزاف مالي حقيقي لاقتصاد الدولة.. ناهيك عن ان الدولة اللي فيها نسبة كبيرة من المدمنين تتكلف بتقويمهم واعادة تأهيلهم..

الوضع خطير اللي قاعد يصير غزو ثاني أخطر من الصواريخ 👌

قلبي عورني وانا اسمع الكلام الله يحفظ الشباب والبنات من هذي الآفه 💔

كلام واقعي 👍 اكثر شي اتمناه اي قبض على تاجر مخدرات يعلقونه حبل المشنقه على طول وبث مباشر ⁉️

إذا أردت ان تهدم دوله اهدم شبابها

اهمال حكومي جسيم تسبب بهذا الامر من الثمانينات ننبه ونحذر بأن مشكلة المخدرات ستتفاقم وتصبح ظاهرة والديناصورات الامنيةوالتشريعية حينذاك يهونون منها لا بل نشطت الواسطات لغض النظر عن حالات كثيرة ! الاسعار الرخيصة دليل على تشبع السوق خاصة مع دخول منتجات جديدة ! يمدي .. مع الجدية 👌🏼

بما انه التعاطي نزلت عقوبته بالقران ويحاكم عليها القانون اذن هو ليس #مرض إنما انحراف سلوكي … والمخدرات لا تاتي وحدها بل ياتي معها الزنا والسرقه والخيانه ..الخ وانا دائما اشبه المتعاطي بالشخص الزاني، الذي جرب الزنا واستمتع،، فلن يتوقف عنه إلا بالتوبه والاقلاع عن الفعل..

بارك الله فيك يا صلاح لكن السؤال إذا الأب أو الأُم فتِّشوا غرفة ولدهم أو قاعدين يسئلونه عشان يتطمنون هل الولد له حق يرفع قضية على والدينه بحجة قاعدين يعنفونه نفسيًا ؟!!!!!!!!

للتشكك الناس في عياله انصح بس مو بالطريقه هذي

أتمنى أستاذي الفاضل أنكم توجهوا دعوة رسمية لسعادة اللواء وليد السيسي وكيل الإدارة العامة لمكافحة المخدرات ومساعد وزير الداخلية سابقاً في مصر ليلقي ندوات في كل من: وزارة الداخلية، كلية الطب، والجامعات. هذا الرجل مدرسة تبارك الله. نسأل الله ان يحمي عيالنا ويبعد عنهم هذه السموم 🙏🏻

اخر كلمتين 👍👍👍 قبل تنتقدون الشوارع والقرارات والدولة شوفوا بيوتكم فعلاً هم ماقادرين يضبطون بيت فيه كم نفر. وينتقدون دوله كامله مايبون فيها خطا قابلوا عيالكم وبيوتكم يامال الصلاح ان صلحوا صلح المجتمع والا ما خذتوا فالمدرسة ان الاسرة نواة المجتمع

شوف استاذ صلاح ماكملت الفيديو مالي خلق بس ٨٠ بالميه سبب وقوع الأبناء هي تربية الاهل ياتلاقيهم اهمال فضيع او دلع اوفر ضروري اي متزوج ياخذ دورات تربوية علشان لا تطلع هالفئات وتكثر او يشوفها باليوتيوب ياخي !

الله يستر على سائر بلاد المسلمين

انت محامي طبيعي كل شغلك بلاوي وقضايا الأسرة غلط التعميم على مجتمع عشان واجهت ١٪ منهم لو بين خمسين عائلة لقيت شخص مبتلى هذا مايعني إن شباب المجتمع كلهم فيهم هالمشكلة بالعكس الأغلب يعيش حياته طبيعي ومحافظ والمفروض تتكلم عن المشكلة بوعي بدون ماتعطي انطباع إن مجتمعاتنا مليانة مخدرات

اعوذ بالله الله يحفظ بنات المسلمين وعيال المسلمين

فعلاً ارتفاع نسبة تعاطي المخدرات كبيره في الكويت الله يحفظكم جميعاً ولا يريكم في أحبابكم سوء اخوكم/ محمد الشمري حائل محافظة الشنان 🩶

المشكلة قلة محاضرات التوعية عن المخدرات الي كانت تجينا في المدارس قبل.

الحل بالتقوى والرجوع لديننا مافي حل اقوى من مراقبة الله في النفوس

كان فيه مشروع فرقه تفتر بالدوامات ويسوون فحص مفاجيء للموظفين والموظفات وينهم ماشفناهم؟

مشكله يوصل للادمان ويؤثر على النواقل العصبية فيصيب الانسان بالهبوط وتعب العام وسرعة العصبيه المسؤوليه المجتمعية مطلب مهم لوعي وحماية الانسان ~

شيخ من شيوخك يا مركوب اكبر موزّع للمخدرات شتبي تسوي يا نعال

المفروض كل ست شهور تسوي فحص واذا ماسويت يوقفون كل شي عندك سهل حتى راتبك او المساعدات وأي طفل عمره 15 سنه يسوون فحص لهم بس مدة سنتين وبعدها كل شئ يرجع طبيعي

الله يكون بالعون ، يفترض والله الجهات المعنيه تثقف بالمدارس ويكون فيه تحليل ورقابه خصوصا على المراهقين ووضع عقوبات صارم جدا بمعنى الكلمه لردع من تسول له نفسه بالترويج او استهداف افراد المجتمع

تشديد العقوبات على المهرب والمروج وعدم الرحمه معهم اول خطوات التصحيح حسبنا الله عليهم وعلى من يعاونهم

عدل كلامه ، عندي اقتراح يحطون مادة بالمدرسه توعيه وتعلمهم مدى خطوره المخدارت

الله يحمي اولادنا وأولاد المسلمين 🤲🏼

الله يحفظ ذرياتنا أجمعين ويهدي شبابنا ويبعد عنهم رفاق السوء.

لا يصلاح ياليتك مانزلت هالفيديو وياليتك ساكت احسن لك وصدقني اذا اولياء الامور بيشكون بعيالهم ويفتشونهم بسن المراهقه فابشرك ان المراهق اذا عاملته بهالطريقه وفتشته وقعدتله قعده بالمراقبه والاسئله راح يدمر نفسه لانه بسن المراهقه وراح يعاندك بالعكس ولدك وبنتك صاحبهم وعزز ثقتهم بنفسهم

شنو استفدنا الحين؟ لا احصائيات ولا توعية بنوع المخدر المنتشر بس تخريع ع الفاضي

من أراد أن يصل للحقيقة عليه أن يطلع ويقف على الحقيقة كاملة فالحقيقة لا يقبل جزء منها ويترك جزء خفي الأبناء عطايا الرحمن وأمانة أن مسؤول عنها وكل من يقع تحت يدك أنت مسؤول عنه يسألك الله عنها هل حفظت الأمانة أم أضعتها حافظوا على أبنائكم فإن أطفال اليوم هم رجال الغد والوطن