أعطوني أفضل حل لها غير انها تصبر وتحتسب الأجر ابغى حل مقنع يقدر ينهي المشكله !

قاعدة كونية مافيه شي ثابت ولا في شي على حال واحد .. الأيتام بكرة بيكبرون و عدوهم ضيوف و ما تدرين من ينفعك اولادك ولا هالايتام 💔 الصغير يكبر و الفقير يغتني و الضعيف يقوى ادعي بالبركة و التوفيق و يا بختكم بكفالة ايتام موب يتيم

والله في هالمواقف الإنسان يعيد بوصلته عشان يرتاح نفسياً إذا مابيده شي يعيد استثمار نيته انه عمل لله وخذيها مني والله ما في هللة تروح على يتيم إلا باذن الله تجيك أضعاف لكن(الشيطان يعدكم الفقر)متأكدة قريب بإذن الله بتتغير جذرياًحياتك للأفضل بشكل مدهش احتسبيها لله وشوفي كيف الأثر🤌

انزلي اشتغلي لتحسين دخلكم واخوان زوجك كل من انهى دراسة وتخطى 18 ولد او بنت لازم ينزل يشتغل ويعول نفسه ويساعد بالمصروف ماينفع الكل جالس وشخص واحد فقط يعول الجميع

طيب الأيتام ينزل لهم معاش ترا ما فهمت كيف يحط كل فلوسه عليهم!! كلامك غير منطقي

حاولي تشتغلين بأي طريقك مثل كثير من النساء . اعملي بهارات و بيعيها او طبخات بيعيها . او كوني حاضنة للاطفال في حارتكم. او مدرسة خصوصي للاطفال اولى و ثاني .الحياة كفاح و تعب . او صلحي سندوتشات و بيعيها في الحدايق الكبيرة مع بعض المشروبات . او اشتغلي في مدرسة اهلية حول بيتك

ما تعرفين وش معنى أيتام ؟ يمه الردود تخوف الرسول قال أنا و كافل اليتيم كهاتين ، القرآن تكلم كثير عن الأيتام انتبهوا من التحريض و انتبهوا من الذنب .

مافي اداره ماليه اول م ينزل الراتب خذي النص من الراتب. اولادك وزوجتك لهم حق نفسك لها حق واهلك لهم حق ولايكلف الله نفسا الا وسعها انتي بعدين امسكي اداره البيت يعني العروض ع المواد الغذائية بالهبل وبكل مكان ايتام بس في مسؤليات كمان لايقصر ع جانب ويهتم بجانب واحد بس

إذا الأيتام كلهم صغار فالصبر واحتساب الاجر أما إذا الأيتام كبار وبالغين فأنتم أولى لان الكبار يستطيعون العمل وغير كذا عندكم الضمان وحساب المواطن مع الراتب إذا هم يشتغلون تتعدل امورهم وتزين

تفاهمو على الوضع الايتام رعايتهم تنقسم لشقين اشراف و متابعة و توجيه لحد مايشتد عودهم و يتوظفون و شق مادي اللي هو صرف و إعاله ( هذا الدولة مو مقصره فيه و الجمعيات الخيرية برضو تدعم) مايحتاج الراتب كامل يروح عليهم و لهم دعم ينزل بس يحتاج تعرفو القنوات الرسمية باختصار صارحي زوجك

بما أنهم أيتام. لهم عذر قوي. الحل تشوفين شغل وتزيد الدخل لاجل عيالك وهو مايقدر يخلي اخوانه لأنهم أيتام وأمانه برقبته. وربي يكتب اجركم

اذا زوجك كويس وتلمسين فيه انه يتعب عشانكم ويحاول مثلا يتطور بشغله عشان يزيد راتبه او يبحث عن مجال ثاني يشتغله زياده عشان يوفر زيادة فلوس نصيحه اصبري واحتسبي الاجر مصير اهله يغنيهم ربي ويعيشون حياتهم وانتي بعد يفتحها الله عليك حاولي تشتغلي

الصدق هي اختارت وما اعرف ليش ماتتحمل نتيجة اختيارها الحين تقرر اذا هو كويس تشتغل واذا هو ماهو كويس برضه تشتغل وتنفصل عنه

انتي وافقتي الله يعينك لازم تشتغلي

واذا هم ايتام اذا سعوديين ابوهم اكيد له راتب تقاعد يصرفوا منه واذا ماعنده تقاعد يصرف لهم ضمان وتصرف لهم الجمعيه مونه للبيت لازم زوجك يطالب لهم الزمن ذا صعب وهو لوحده مابيقدر على صرفيتهم الله يرزقكم ببركة هؤلاء الايتام ويرزقكم من حيث لاتحسبوا

ي حضك بصبرك على الوضع لانه يهتم بايتام تعتبري مشاركه بالاجر ي حضضك ي حضك ماشاءالله صدقينيني بيجيك العوض ولا تخافي على عيالك ربي معاكم وقاعد يشوف اللي قاعد يصير وحيعطيك ويرضيك باذن الله

والله والله والله تمشي الايام موقصةولا قصتين ولا ثلاثه كل الي زي حالك وصبرت عوضها الله عوض عجيب بعد سنين الصبر والرضى وع فكرة ممكن تشتد زيادة عليك لاتنصدمي ربنا اذا احب عبد ابتلاه ممكن هادا الزوج مايقدرك في يوم من الايام فانت غيري نيتك لله واحتسبي أجر الايتام عشان الله اخلصي

وش تتوقعين بنقول يتخلى عن أهله علشان يرضيك طبعا لا مالك الا تصبرين أو تمسكين أنتِ ميزانية البيت بحيث تقسمين الميزانية الجزء الأكبر لكم ويعطي أهله الباقي ويقدم لهم على الضمان والراتب التقاعدي بإذن الله يكفي الدنيا كذا تضيق وتفرج إن شاء الله

ادعي الله يفرجها عليك وعليهم هذي قسمة الله لك وش ممكن تسوين؟ أو يسوي رجلك؟ الله يكون بعونكم ويوسع لكم بأجر هالأيتام إنما تنصرون وترزقون بضعفائكم

بعضهم يصرف على اهله لدرجة ينسى عياله

ايتام عندهم ضمان وحساب مواطن وش هالكلام اللي ما يدخل العقل وهو اذا راتبه متواضع عنده حساب مواطن له ولزوجته ولعياله

اشتغلي عشان عيالك

امي صبرت مع ابوي ، والان اللهم بارك افضلهم حال والى الان يفزع لهم ، واعطي كل منفق خلفه ، والانفاق من صفات المتقين الذي لاخوف عليهم ولا هم يحزنون احتسبي الاجر واشتغلي على عيالك بدراسه والمهارات عشان يفيدوك لمن يكبرو ولو تدخليهم تحفيظ ترى تجيهم مكافئه تقدري تستفيدي منها

ممكن انك ماتدرين اولا الدوله ماقصرت في جمعيه الايتام يهتمون ب الدق التفاصيل منها مخصصين بطاقتين وحده فقط للأكل من العثيم ووحده لبس واذا ناقص اثاث عبوها لهم والكهرباء والإيجار يدفعونه من غير الضمان حساب المواطن واذا فيه تقاعد بعد كلنا عايشين بخير وطنا وحكومتنا اللهم ادمها من نعمه

خذي صرفية المقاضي كامله من زوجك اول ماينزل الراتب توضع في حسابك وانتي اصرفي على البيت وخليه يصرف عليهم اللي يبي

اشتغلي

تدور لها على وظيفة …👍🏼

لا هذي ما يبغالها صبر

يقسم بالنص

الايتام يجيهم تقاعد وضمان اجتماعي وحساب مواطن بخير ونعمه بلاش هالكذب

فيها خير تدور لامهم وظيفه تعف نفسها عن حاجتهم اعوذبالله بس الزوج يعطي عيال اخوه وهذه حاطه عينها علي يعطيهم زوجها ماتعرف هي الرزقه بيد المسكين تتبارك ولا رزقه محسوده شرعًا عيال اخوه واجب عليه يعطيهم لكن الله يغنيهم من فضله عن كل قرش يعطيه زوجك لهم

الحل الوحيد المقنع انها كانت تنفصل قبل لا يكون بينهم عيال! الحين خلاص ما تقدر تنسحب خاصة انها ما ذكرت عيوب تستحق الانفصال.. الشيطان نساها قول الرسول أنا وكافل اليتيم في الجنة كهاتين وأشار إلى أصبعيه. يا تدور لها وظيفة عشان تساعد زوجها بمصاريف عيالهم أو تحتسب الأجر.

بيعوضك الله ويفتحها عليكم أيتام هم ساقهم الله لكم زود برزقكم ماهو بنقص بتشوفين الخير اللي من وراهم بكل شي الحمدلله تأكلون منتم ميتين جوع ماكلو اكلكم

الافضل انها هي تبادر تقول انا بهتم لهم معك وتتقضا لهم مع زوجها وتشوف بنفسها لان يمكن زوجها يكذب عليها ويقول فلوسي راحت على اخواني وهم مالهم ذنب

الحل عند الشات جي بي تي هو اللي الفها وهو اللي عنده حلها