افضل مظبي بالرياض 🥩 في جولة بين اقدم واشهر مطاعم الرياض كانت رحلة من التجارب الكثيرة عشان نحصر لكم ألذ وافضل المطاعم 😋 بعض المطاعم عمره يتجاوز 40 عام و بعضهم حافظ على اصالة المظبي بالنمط القديم والبعض طور في المظبي وقدمه بأسلوب حديث وعصري لكن في البداية خلونا... نوضح كيف طريقة المظبي سواء اللحم او الدجاج 👇🏻 بإختصار هو لحم او دجاج يشوى على الحجر يعني بين النار وبين اللحم يكون فيه طبقة من الصخور البركانية من نوع خاص وقبل وضع اللحم عليها يتم مسح الأحجار بطبقة من الشحم 👌🏻 وهذي قائمة بأفضل المطاعم الي تسوي المظبي بالرياض 👇🏻 📌 مطعم الكندي / فرع الروضة 📌 مطاعم السعيد / الصناعية 📌 مطعم سعد المهري / جنب الجوازات 📌 مطعم الموروث / حي غرناطة 📌 مطعم اهبد / طريق الثمامة 📌 كرم العرب / حي المنصورة 📌 دكة المظبي / حي الملز 📌 مظبيكم / عدة فروع 📌 حكاية الشواية / عدة فروع 📌 جمرتي / عدة فروع ملاحظة: بعض المطاعم يقدم فقط مظبي اللحم وبعضهم يقدم فقط مظبي الدجاج وبعضهم يقدم الاثنين لحم ودجاج عشان كذا الافضل تدخل حسابهم بقوقل ماب وتشوف الي يناسبك 🙏🏻show more

قائمة افضل مطاعم تقدم مظبي عالحجر 👇🏻

مطعم ومطبخ الموروث الافضل دائماً ( مظبي / تنوري / مندي ) لحم طازج وبلدي ، وجلسات وطاولة للي ما يحب الجلسات الارضيه كل شيء متوفر عندهم وهذا موقعهم على طريق خالد بن الوليد

الكندي حالة استثنائية ماشاءالله ….. مع كامل الاحترام للبقية

السعيد في الصناعية مظبي اللحم لايقارن بأي مطعم أخر له أكثر من ٣٥ سنة ومحافظ على جودته ماشاء الله تبارك الله.

انصحك تروح تجرب مطبخ وليمة نجد طريق الخرج القديم حي غبيرا لهم يمكن 40 سنة في المظبي

إذا مارحت مطبخ نجد وجربت المظبي حقهم اعتبر نفسك ماكلت مظبي في حياتك ، تحت كبري غبيره مقابل وكاله عبدالله هاشم هوندا

هات الزبده الوالد من عشاق المظبي (اللحم) ودي على طول اروح للي بتوصي عليه

الله يحفظها لكم دام الوالده معكم فأنصح تروحون مطاعم الموروث في غرناطه جلسات حلوه ويقدم اللحم والدجاج لكن اذا تحبون اللحم فقط انصحك في مطعم اهبد طريق الثمامة والافضل تتصل قبل تروح عشان يجهزون طلبك وبالعافية مقدماً 🙏🏻

العم علي ياساتر والله وانا بالجامعه عام 1418 لازم في الشهر مرتين ثلاث نجي مطعم الكندي كميه لطافه ودائم يبتسم ويحفظ اسماء الزبائن وذكي وشغلهم الافضل في المظبي

مظبي حوش بقشان واغسل يدك من البقية

للاسف ماكنت بشارك عشان مايصير زحمه بس شفت كم واحد فالمنشن تكلم عالمطعم السري بلا منازع مطعم نجد فالمظبي والباقي كلام

ومطعم وليمة نجد / تحت كوبري غبيراء مستحييييل مايكون بالقائمة وبالمرتبة الاولى واتحدى كمان 💪🏼

@ask_riyadh1 🤩🤩

أكل المطاعم غير صحي ❌ والنظافة ❌ والأسعار 💰💰💰 غالية جدا 🟣 نفر اللحم وصل ل 90 ريال ❌❌❌ 🟢 خذ لك تيس🐐 من السوق ولا هرفي 🐏 أفضل لك ( ونقنق على أنفاسه 😂 ) 🔴 وطبيا 👨‍⚕️ ينصحون بعدم الإكثار من اللحم 😎

شهادة نقدّرها كثير سعداء بأن مظبي اللحم والدجاج كان عند مستوى تطلعاتكم، وتشريفكم يزيدنا شرف وفخر 🌹

العفو وشغلكم الطيب يفرض نفسه 🙏🏻

الكندي معرووووف زمان يافن لاكن المظبي حق السعيد ايام المرحوم عبدالله النهدي كان خرافه من بعد المرحوم قفل الموضوع

هل طبيعي يكون المظبي درجة استواء متدنيه ام فيه مطاعم يكون مستوي؟

السعيد فرع الصناعية ولا تدور غيره

مضغوط نجد اطلب منه اي صنف تبي مظبي مضغوط كبسة نجد اذا ماعجبك ارسل الفاتوره خاص

الحمدلله نعرف من وين ناخذ المظبي على اصوله مع احترامي للترشيحات بس ما افكر اخذ منهم ابد 😂

أنا بصراحة جربت مطعم جمرتي عندهم المظبي طعم لذيذ جدا فرعهم اللي في طويق على طريق نجم الدين كذلك عندهم فروع في الشفاء ولبن وبصراحه طبخهم صحي ويستخدمون في الطبخ زيوت نباتيه صحيه