الإبتكار في الهبد وصل الى مراحل متقدمة جداً.. تقدر تسوّق خدمات التدريب الشخصي بإحترافية ومصداقية بدون الحاجة الى الهبد والتضليل.

ايه تلاقيه حمضية الدم مرتفعه شوي فالحليب يزيد الحمضية فيسوي عكس للنتائج سبحان الله مع انه ملتزم بس معليش الحمضية وفصيلة الدم اهم 🫸🏼

كله بالخبرة ويضيع مجهود اسبوع كامل حليب بروتين 🤡😆

يعني ع مشروب بروتين بالبقالة م يبي يقول اسموه ضاع كل شيء ؟ شدعوه وش هالاوفر

هبد مستفز يارجل.

التكلف الزايد والفلسفه مشكله

والله ما ارتحت له

ورب الكعبة يا فيه ملاحظات و هبد فاخر مو طبيعي لدرجة المتدربين يعضلوا في 3 شهور حتى 💉 ما يمديها تكمل شغلها عالجسم و يقولك طبيعي بس من صدور الدجاج 😂😂😂😂😂😂

النشافة تجي بشكل طبيعي بس العضلات تحتاج وقت اطول بكثير من ٣ شهور واعتقد مشتركينه اغلبهم طبيعيين بس يتمرنون من فترة طويلة.

بالضبط أهم سطر انت ذكرته 👍 ( يتمونون من فترة طويلة ) بدون هبد انه النتيجة خلال ٣ شهور فقط و يتحول الشخص بشكل جذري اللي يضحكني اكثر شيء العرض اللي مو راضي يخلص و اليوم اخر يوم للاشتراك

صحيح الناس تعتقد ان التحول باكج كامل عضلات ودهون وهذا فخ كبير 😂🤡. والعرض اخر يوم خصوصاً اذا كان وقت رواتب 😂

كلامك صحيح اخوي منصور 👍🏻

هذا الشخص غير صادق ، اشتركت عنده كان جسمي فلات وصرت هيكل عظمي وبسبب الاكل القليل شوفان ورز وصدور دجاج بسببه عظامي صارت تعورني جسمي فقد مرونته صحتي النفسية اندهورت عصبية وزعل على اتفه شي جلس خمسة شهور ينشفني وتركته والله بسببه انا الى الان اعاني من عظامي

ماتشوف شر ، للأسف بعض المدربين مايراعي جوانب العضلات والصحة ونقص المغذيات واهم شي عنده ان الوزن ينزل بغض النظر عن الكوارث الصحية.

من أقذر أساليب التسويق يجيب لاعب خبرته سنوات بس نسبة دهونه مرتفعة 25 ينشفه في 3 شهور لـ 10 ثم يبيع الوهم ويقول هذا تطور 3 شهور فقط قذارة وتضليل للمبتدئين مالها حد

تحبه او ماتحبه مايهمني بس اشرح لي كيف يبان؟ وكيف يخرب مجهود اسبوع كامل بسبب حليب بروتين من السوبرماركت بدل من الوجبة؟

يارب انك تمزح 🥲

والله معلومة جديدة ، ممكن مصدر علمي موثوق ان الحليب يسبب طبقة؟ صح اني مجهول بس خذني على قد عقلي😆

سألت مدربين كثير وقالوا كلها خرابيط مافيه مشروب يخرب نتائج اسبوع كامل من الالتزام.

في فمي ماء لكن بتغرغر به وخلاص

@oo_pp_ss__ اخاف تختنق واضح إن كمية الماء كبيرة 😆

صح طبيعة جسمي تختنق من الماء 😝

@oo_pp_ss__ 😂😂😂😂😂

هو الصراحه نظامه وكانك تجهز لبطولة ف اللي يبغى كذا يشترك واكيد بيشوف نتيجه بحكم الجدول صارم بزياده

صحيح ، ولكن تسويق الموضوع وكأن عنده عصا سحرية فيه تضليل كبير والفيديو المرفق مثال على ذلك.

والله ناوي اشترك معاه ابي احد مجربه بس في واحد كاتب في تعليقات اذ مالتزمت معاه لاتشترك يعني مقصد مافي ولا اي وجبة مفتوحة يمكن ثلاث اشهر ويمكن لازم يكون باقي لك شغل اخف من الي عنده سمنه مفرطة

اذا تقدر تلتزم بأكل قليل وتمرين بتنحف بدون اشتراك مع احد.

@yarmubb قطع الأعناق ولا قطع الارزاق شخص حتى لو ماعجبك لكن هذا رزقه و فيه ناس تستفيد خله في حاله وأدع له

@yarmubb الله يترزق الله بالتضليل والكذب لازم نحذر منه.

هذا مابقى احد ما عضله 🤣

وذي ميزتي :

والله المدرب الافضل وصلت معاه لمستوى ما كنت احلم فيه

وكثيرين غيرك بس هذا لايعني ان كل كلامه صحيح.

سُبحان اللي ما حط له القبول بداخلي أبدًا 🙂

والله الكذب والتضليل هو سبب عدم القبول.

طبيعة جسمو طيب

😂😂😂😂

مستعد اناظر الشخص ذا و اطلعه غلطان.

اهاااااا اجل السر في مشروب البروتين الي ف البقايل 💀🥲 أنا عبالي السر في الشوفان يلد 😭👻

السر في الكرنج 🤡😂

للمصداقية هل التحديث من المتجر الرسمي 😭😭

حدث وماعليك 🤡😂😂

اسطورة الهبد

مدير التحولات الكرنجية

كلكم تعبانين انت وهوا

اكفشني وانا اهبد ترى اعترف على طول.

ليش التهجم وش مسوي لك الرجال ما ساعدني بعد الله في تغيير شكلي بفتره قصيره الا هو

التهجم على المعلومة الغلط وهو يعرف انها غلط بغرض التسويق للتدريب.. انت استفدت الله يبارك لك بس لاتجي تدافع بغباء عندي.

الظاهر اني داخل مجلس بيتكم (وانا ادافع بغباء عندك) تكلمت عن تجربتي معه وصرت ادافع بغباء راجع ردودك وبتلاحظ تهجمك على المعلومه الغلط فقط.

تجربتك لا اكترث لها و ان شاءالله تحقق مستر اولمبيا ١٠ مرات ، كل هذا لا يعني ان كلامه صحيح.

ما اهتم إذا تكترث لها او لا وما سألتك عنها من الاساس واتفق معك ان بعض الاحيان يقول أشياء غير منطقيه موفق.

وانا اتفق معك في هذا الأمر تحديداً وهو سبب انتقادي الرئيسي لأن الهبد ممكن يضلل ناس كثير ويعتقدون ان فيه حل سحري عند مدرب معين.

مايعجبني بس كلامه صحيح حليب البروتين ماهو زي الوجبه ولا يغني عنها وطبيعة الاجسام تختلف فعلا

يعني اذا استبدلت الوجبة بحليب بروتين تخرب نتائج اسبوع كامل؟ بعدين من قال ان حليب البروتين يغني عن الوجبة؟ وطبيعة الاجسام تختلف هذه معلومة بديهية اظن.

طيب هذا كلامه بالضبط قلك اذا ما التزمت بالجدول لاتتوقع انك توصل لنتائج ممتازه وين الغلط بكلامه بالتحديد؟

يقول ان شرب حليب بروتين كبديل للوجبة ممكن يمسح مجهود اسبوع كامل. تتفق مع هذا الكلام انت؟

اذا سويته اسبوع كامل نعم معناته انك مو ملتزم بالجدول يعني جزء من مجهودك ضايع لانك مابتوصل لاعلى نتايج

انت جالس نجيب كلام هو ماقاله.

هذا اشوف نتائج للمتدربين عنده بالتيك احس فيها شيء ماني مصدق

ممكن تكون حقيقية ولكن هذا لا يعني انه مدرب رهيب او عنده حل سحري.

هي حقيقية لكن مادري هل هي طبيعية او فيها محسنات أداء

المحسنات ما تؤثر في النشافة بفارق كبير بل على العكس الطبيعي لما ينشف يبين افضل. المحسنات دورها الأكبر في بناء الكتلة العضلية بفارق كبير عن الطبيعيين. أغلب للي يحط صورهم كتلتهم العضلية تبدو طبيعية ولكن نسب دهونهم منخفضة وانخفاض نسبة الدهون يجي من عجز السعرات.

كل شي إلا حبيبي كوتش ( يزن اليماني ) افضل مدرب موجود على الساحه الحين مع احتراماتي للجميع. كوتش يزن وبس مدرب من الاخر.

وش معيار الافضلية عندك عشان نفهم بس؟

هلا حبيبي كوتش منصور اي شي تقيسه بالنتائج أنا متابع كوتش يزن اليماني و مشتركينه و اعرف شخصيا مشتركين معه تغير جذري و اعرف جدول تغذيته و يارجل يتابع مع المشتركين ادق التفاصيل مثلاً طريقة الطبخ . وهذي طريقة تدريب يزن اليماني وهو حر في طريقته واللي ف المدرج يتفرج، والقمة تتسع لكل

ونتيجة هذا ؟

كوتش حبيبي مولازم يضبط مع الكل و المتدرب هو المسؤال الأول إذا ما ناسبك المدرب و البرنامج وقف . ماضبط معك يضبط مع غيرك. حبيبي كوتش منصور .

يعني المدرب ياخذ فلوسه مقدماً وغير مستردة واذا ماعجبني او ضرني لأي سبب ما اقدر استردها وفوقها صحتي تتدهور.. خوش منطق والله

حبيبي كوتش منصور بخصوص المبلغ هذا شي ثاني بعيد عن الحوار واتوقع انه المبلغ مستر مع كوتش يزن . بالله ياكوتش منصور مدرب يعطيك أكل نضيف (كارب بروتين دهون ص) وعلى حسب احتياجك وش تقول عليها. تحياتي كوتش و احب منكشاتك مع د بخش .

اذا المبلغ مسترد انا مستعد انزل اعتذار عن ردي عليك ، بس انا متأكد بنسبة كبيرة انه غير مسترد بتاتاً. وانا ماعندي اعتراض على الاكل النظيف والدقة لي الحساب، اعتراضي كان على الكلام اللي ذكره بالفيديو فقط. حبيبي سلطان وكل التوفيق لك 🙏

هذا اللي نزل وزنة ٢٠ كيلو باسبوع؟

الله الله 🤡

آخ منك يا مُحنك 🤡🤡

ابي مصدر واحد حتى لو غير علمي لو من منتدى عالم حواء عن ان طبيعة جسمه ما يصلح ياخذ هالمشروب من البقاله😂

يعرف طبيعة جسمه ياخي بالخبرة ما يبغى لها فلسفة 🧐🤡