البارحة أعلنت شركة Unlimited عن إطلاق مشروع "بارك فيو" وهو استثمار بـ 200 مليون دولار في ريف دمشق بمنطقة يعفور وهو مشروع يجمع بين السكن الحديث والخدمات المتكاملة ويقام على مساحة 50 ألف متر مربع ويضم 420 وحدة سكنية وهو أول مشروع تكشف عنه الشركة رسميا بعد إنجاز نحو... 40% من أعماله الإنشائية شركة Unlimited رائدة في التطوير العقاري ورئيس مجلس إدارتها هو الشاب السوري ماهر مهاجر وخبرتها تمتد لنحو 20 سنة في دولة الإمارات ويعمل بها نحو ثلاثة آلاف موظفshow more

كل المشاريع بمنطقة يعفور وهي بالأساس منطقة اغنياء والأسعار فوق الخيال، بدي اعرف بس هالشعب الملكوم يلي تشرد وتقتل والتعن ابوه مين بدو يعمروا ويرجعوا بيتو وحياتو متل العالم والخلق

بصراحة بكل دول العالم في طبقات ومو كل الشقق فيهن يشتروها كل العالم.. لكن وجود هيك مشاريع بشجع المستثمرين الآخرين يجوا عالسوق ويعملوا مشاريع مختلفة وأكيد حيكون فيها للطبقات كلها.. وطبعا ما فيه حدا يفرض عالمستثمر شو يشتغل وكيف، الدولة فيها تعطي حوافز وتشجع المستثمرين عالبناء المناسب لكل الفئات والأخص الفقيرة لأنه من حق الفقير تملك منزل محترم يكفيه عوز الإجارات

هلأ بنطوا جماعة غالي وغالي بكرا بيفتح اكتتاب ابيات هيلز وبتشوف اول ساعة راحت كل البيوت السيارات بعد التحرير باسبوعين نزلت جديدة موديل السنة الشعب كله صار عنده سيارات جديدة بس النق على النت والسق مابيخلص

حابب قول شغلة : يا ريت يبتعدو عن الاراضي الزراعية او المجاري المائية بحيث المدن والمناطق يلي تنبنى تبنى فوق اراضي غير قابلة للاستعمال كالزراعة او غيرها وغير قابلة لتكون اماكن للتنزه لانه في سوريا نحتاج حدائق كثيرة للتنفيس عن الشعب وضغط الحياة ومن ناحية اخرى فأنت تحيي اماكن منسية

أخي قتيبة لنكن واقعين لمن هذه المشاريع انا مقيم في أوروبا واقسم لك ان لا أستطيع أن اجمع 150الف دولار لدفعهم مقابل شقة 100م² بالتأكيد هذه ليست للشعب بل لحيتان السرقة

بتمنا هل مشاريع يحسن الي ماعندو بيت يشتري فيها وفي التقسيط المريح ويكون سعرها بنور الله والكل قادر يشتري لانو وقت الي عم يطلعو ويقولو ٢٥٠ الف دولار وبكون عم يقولها وكأنو هل مبلغ تافه بالنسبه لشعب (ارحمو من في الارض يرحمكم من في السماء)

سوريا بحاجة مشاريع عمرانية للطبقة المتوسطة والفقيرة

يا أخي بدنا مشاريع لهالناس اللي ماعندها بيوت وما عندهم قدرة يشترو بهيك مشاريع.. كل المشاريع اللي أعلنه عنها مابيقدر يشتري فيها إلا التجار وأبنائهم وما إلى ذلك..

بناء كامباوندات تزيد العزلة بين طبقات المجتمع وتخلق شعبين في بلد واحد... وطبعا أسماء أعجمية غريبة لا أحد يعرف لما تستخدم...

كم مليار سعر البيت؟ بتعرف الشعب السوري الو 14 سنة عايش بانتعاش اقتصادي منشان هيك عم يفكر يشتري بدل البيت بيتين

ينعن اخت يعفور مافي غيرها بريف دمشق في مليار منطقة الغوطة الشرقية الغوطة الغربية القلمون

هذه المشاريع لمن يستطيع أن يدفع ربع مليون دولاد،متى تبدأ مشاريع الناس العادية؟؟؟

طمنا شو صار بابراج الفراشة ومليون فرصة عمل ليش المواطن السوري معو حق ربطة حتى يقدر يشتري عقار فقط كل مرة سلطة دمشق بدها ترند جديد وعلي الاساس فيه تطوير ومشارع استثمارية يازلمة روح كيف الناس واقفة علي الطابوركل اليوم بس لتبدل مليون ليرة سورية بالعملة الجديدة

مين رح يسكن فيه ومين رح يقدر يشتري بهيك مكان .. اكيد مو انت عزيزي المواطن الفقير الملعون سلافك فلا تتحمس

الله يعطيهن العافية بس لو يحطوا اسماء متل الخلق ليش الأسماء تبع المشاريع كلها اجنبية وياريت أسماء حلوة كلها مستهلكة وبايخة، "park view" منظر عالحديقة 😂😂😂

ماعجبني ..نفس مبدأ مدينتي بمصر

تم اختزال سوريا كلها بيعفور

والله فرحان لسوريا وللسوريين يارب اتم على خير وترجع احلى واقوى من ما مضى حتى نرجع نزورها ونعيش فيها 💚

مو صاحبها مهند المصري ؟

ريف دمشق الغربي يتم اكمال احراقه بمشاريع خنفشارية....أبشركم إذا بقي الوضع هكذا فلن يبقى شجر ولن يبقى ماء خلال الاعوام الثلاثة القادمة......شكرا للعهد الجديد على هذه المشاريع الغبية

عفوا لمن هذه ؟؟؟

كل المشاريع الي عليها القيمة لدمشق وريفها باقي المحافظات ما لنا بواكي

المحيسني وما ادراك 😂

200,000,000/420=476,190.476 $ تكلفة الشقة فوق ال 480 الف دولار !!! اكيد الفئة المستهدفة عايشة برا البلد …

انعدمت الأسماء العربية خلص ما عنا ولا اسم بلغتنا !!!؟

لا حول ولا قوة الا بالله ع هل المعدل يمكن حتى ولاد ولادنا ما رح يستفيدو من شي

يا قتيبة الناس بدها مشاريع ابنية. سكنية للي ما بيقدروا يدفعوا لهيك مشاريع يعني مشاريع موازية لهيك مشاريع الناس ما معها مئات الالاف لازم الدولة تدخل وتنشئ ابنية ومنازل للموظفين باسعار يمكن تقسطها على مدى كم سنة متل بقية الدول

كالعادة في دمشق

اخي شفنا انو اطلقو كتير مشاريع من بعد التحرير .. بس سؤالي انو بلشو بشي من المشاريع ولا لسا ؟

هي المشاريع مخصص لل Syrians نحن ما دخلنا .

وسعر البيت مليون دولار

اعتقد يجب على الدولة ان تستصلح البراري المحيطة بالمدن و توزيع اراضي بمساحة دونم ارض لكل شخص على ان يلتزم المالك بمخطط و مساحة بناء ٢٥٠ متر طابقين لا أكثر مع إجبار المالك بعدد معين من الأشجار وموقف سيارة ضمن الارض و مكان مخصص للحيوانات لمن يرغب بذلك لكن يكون بشكل جميل و مدروس

قد تكون المبالغة بسعر الأرض مثل هذا المشروع ما يكلف 20مليون

يعني مافي غير هالمنطقة بكل الريف لحتى كل المشاريع هناك