الجديد في مدح #السعدون الأشراف شيوخ قبائل المنتفق والإهداء لأخي الغالي رياض ثامر السعدون راعي الجمايل والشعر يفخر بمدحهم ،، رايح الغربي اللي منتشي من عصر لين عقب الأخير وهاجس الشعر هاض بين راعي جميل وبين طيّب ذكر إنتشى والطواري مثل ريح الفياض علّها الوسم وإخضرّت ومبطي قفر ومن... هل السرح ماقد سِحْب فيها حياض إستوا من نباهم كل عودٍ خضر لابةٍ صيتهم برق بسما المجد ناض وأمطر أجيال وأنبت بالصدور الفخر من كثر فعلهم كفّا وللناس وفاض ياسلامي على اللي للعذارى ستر وريف حال الضعيف إليا غدوا له مناض بالسنين العجاف وبالسنين الخضر كم يتيمٍ ربّا في ضفّهم وإستعاض إيه ذولا مغذين اليتاما عمر حق الافعال مدح وللوجيه البياض الكبر بالمضايف مالحقهم كبر للمسير عزيز النفس فيه إنخفاض الكرم والشجاعة والسطر والظفر حطها الله بالسعدون وأضحت فراض للبقا ياشيوخ المنتفق والشعر يورق بذكرهم مثل النفل بالرياض دولةٍ مستقلة مامعاهم خشر إنشد الفرس عنهم والصحايف عراض وإن طرى كون فضلية وذاك النصر فضلهم بالعرب في ما مضى وإستفاض البيوت إتّوارد في كبار القدر مثل ذودٍ بمضمى وردوه الحياض قلتها من غلا وأفعال وافي شبر هيّض الشعر فعلٍ لبوثامر رياض نادرٍ شيخته ورثٍ فبطن وظهر هاشميٍ وساسه ماعليه إعتراض حادرٍ من شبيب وبالنسب منصهر مع هل البيت وأرهى بالحسب وإستراض إختزل فيه طيب أهل البيوت العشر وألحق الطيب لين الطيب منه استغاض ياهل الموتر اللي بين جمع وقصر فاهقين الرفيعه وجهكم للرياض لاوصلتوا عقب وعثا وطول السفر وصّلوا للفريد اللي عن الكل عاض السلام لجنابه والثنا والشكر وقولوا الفعل فرْحت فيه سبع الأراض والجمايل تورّث معْ طويل الدهر عندنا كان عند الغير راحت رضاض جعله بخير وبصحّة وطولة عمر وجعل الأمجاد ماتفقد فعايل رياضshow more

حمد عبدالكريم السعيد

389,754 subscribers

Paylaş İndir