الحالة المرورية لمدينة #الرياض وتظهر أغلب الطرق السريعة مزدحمة

حلول عاجلة وغير مكلفة: 1-تنظيم مواعيد العمل والمدارس على دفعات كل ساعة 2-العمل عن بعد 3-الزام المدرسة باستقبال سكان الاحياء المجاورة 4-تخصيص مسار CARPOOL حلول استراتيجية: 1-إنشاء مراكز الأعمال الرئيسية على مسارات المترو 2-إنشاء مجمعات سكنية عالية الكثافة على مسارات المترو

شي مقرف ولا شفنا اي حلول بالعكس كل مالها تزيد اكثر واكثر كل سنه

يقهرك اللي يصدم حكه خفيفه او صدمه ما فيها اصابات او تلفيات ويقعد ينتظر نجم ويعطل الطريق علماً ان نجم تقدر تخلص اجراءات الحادث بالواتساب عن بعد اقترح على نجم تعديد اللغات في الخدمه عن بعد وعمل فيديو توعوي يوضح خطوات انهاء الاجراءات @NajmKSACare @najm_ksa

اهلا بك عزيزي سعود ملاحظتكم محل اهتمامنا ، ونسعى جاهدين لتطوير خدماتنا لتحوز على رضاكم

ماجبت جديد..!!!! ولوتوفرت باصات للمدارس بتخف 70٪ من الزحمة .. لأن كل باص بيشيل ع الاقل 40 سياره من الشوارع وبتقلل من الزحمه والتلوث والحوادث وحرق الاعصاب 😰..! معظم السيارات سواق وطالب اوطالبين ويمر مدرسه ثانيه لنفس الغرض ..! اكيد بيصير ازدحام .. !

لما نواجه زحمة في طريق نحاول قدر المُستطاع مواصلة السير على المسار نفسه بلا تجاوز ولا لفلفة هنا وهناك ولا غيره..✅️ ▪︎ السبب الرئيسي للإزدحام: هو قائد المركبة المخالف اللي يلفلف يمين ويسار ويحد هذا وذاك يحاول جاهداً تجاوز الإزدحام بأي طريقة كانت ولايهمه من اصطفوا قبله بوقت كثير مثال: ١. مخرج الطريق الدائري الشرقي الفرعي اللي يطلعك على كبري مخرج ١٢ + طريق العروبة. ٢. مخرج الطريق الدائري الشرقي الفرعي قبل كبري مخرج ١٣. والله فيه افلام حتى الرصيف اللي عليه حواجز خرسانية يطامرون عليه ▪︎ برأيي: ١. أكبر خطأ هو إغلاق بعض المخارج ، فهذه الطريقة لن تقلل الضغط على الطريق نفسه بل ستتضاعف على نفس الطريق في جهة أخرى. ٢. خلال أوقات الذروة يتم توزيع مركبات (المرور او السري أو الدوريات) بشكل مضاعف عند المخارج لتنظيم حركة المرور ومعاقبة المخالفين (باشر) مع عدم جلوس رجل المرور في سيارته ، ربما هذا الخيار نوعاً ما يفي بالغرض أو على الأقل يساعد في حل جزء من المشكلة. ▪︎ هذه المخارج في كل صباح فيها (حفلة) إزدحام

لازم يشفون حل مع العامل والسيارات متهلكه تمشي في الشوارع

طريق ابو بكر .. ال 9 كم ب 50 د😔 عجيب هالطريق كل الايام زحمه وفي طريق ثاني يعطيك ب 46 “ تخفيض "

مو طبيعي الوضع اليوم محدثك واقف وسط الزحام

اليوم وامس زحمه فوق العاده..