الخطابة أم سعود: الحريم عندنا، أكثرهن ملسونات، وإذا جابت طفل أو طفلين، أهملت الرجال؛ تعطي كل حياتها وروحها واهتمامها للعيال: أكلهم، شربهم، وثيابهم. والرجّال إذا رجع من دوامه تعبان، يبي حرمة تقابله، يبي بسمة وضحكة، وأكيد، إذا ما لقى هالشي، بيطفش.

بالمناسبه ام سعود مطلقة لان زوجها طلب منها ترك العمل ورفضت، لكن مفهوم جدًا انحيارها للرجل لان هو عميلها المميز 💰💸

لن نصبح من عملائك يام سعود مهما اسقطتي عليهم وب العكس كل كلامك مردود عليك الا الله يجزاهم خير ومتحملين وصابرين وم فيهم اللي مقصره لا في بيتها ولا عيالها ولا حتى زوجها

الخطابات لا ثقة في كلامهن ابدًا ولو كانوا صادقات لخسروا مصدر رزقهم حتى ولد اخوي البزر يعرف أن سبب التفكك والأهمال أساسه الرجال يكون اناني نرجسي تسلب همه كرشته وذاك الشي بسس

ممكن لان الحريم عندنا ماخذين دور الام والاب وهي اللي تربي وترعى وتهتم وتنظف وتغسل وتطبخ وتداوي اذا مرضوا وتدرس وتنوم؟ليش اللوم على الحريم فقط بدون النظر الى الاسباب واهمال الاباء لأبنائهم الاب يدوام ٨ ساعات ويرجع يرقد الام كل يومها مداومه مع عيالها ولسى لكم عين تلومونها فوق تعبها

والحرمه مب آله تطبخ وتنظف وتربي وتتكشخ وتدلع كمان هو لازم يحس فيها ويراعيها ويجيب لها عامله تساعدها لو بالساعات لمتى كل شيء ع الحرمه ؟؟!

لك الجنة أيتها المرأة السعودية كل من أراد الشُهرة أسقط نقصه وغيرته وضعفه عليها لاحول ولا قوة الا بالله العلي العظيم

الله يالدلوع يزعل عشان زوجته أعطت عياله الأطفال اللي هم عياله واللي هم عاجزين عن رعاية أنفسهم أهتمام أكثر منه البيبي يبي تقصر معهم عشان تهتم فيه هو البالغ اللي قادر ع رعاية نفسه أشوف بدل مايزعل يساعدها هي ماتنشغل عنه إلا لأنها شايله كل شيء لوحدها فما تلقى وقت حتى لنفسها

الزوجة: منتج مخرج مؤلف مصور مصمم رسام مهندس

الحل انا نبيد الحريم ونقمعهم ياجده، اهم شي الرجال لايتضايق ولازم تتوفر له كل سبل الحياة الرغيده ولايطفش ابد، وهي بلعنه اصلا ليش جت عالدنيا من سمح لها ؟!! 😏