الرد على جعلك أطيب من أبوك؟

اذا مخك ضارب فانت تفهم ان ابوك ماهو بطيب واذا مخك صاحي تفهمها ان ابوك طيب وهذي دعوه لك بان تكون اطيب من ابوك اذا قال احد عساك اطيب من ابوك قل امين نعم بقول امين واقول لك بالمثل وابوي لاسبه ولا قال ابوك الردي مثلاً ناس ماعرف من وين تفهم

يقولون الحريم كلامهن نغز ، وهم اذا طلعت مقاطعهم ولاهم اللعن من دق الحريم بالكلام.. وبالمناسبه بعض الناس مؤذي ، مايرتاح لين يوذيك بكلامه بالمجلس.. وهذي والله ماهي مرجله انك تؤذي الرجال وعيال الرجال ، يسوي نفسه فرتيك وذيب ويرمي كلام مبهم ، وهو كلب عقور موذي ! عيب بطلوا هالحركات ترا المرجله انك تكون ضاري ع المرجله قول وفعل ومن طاب باطنه طابت مخارج حروفه. واللي يقولك مثل هالكلمه مايحتاج تجيب اقصاك الثقه بنفس زينه تكتفي بكلمه ( ان جينا نصفه راضين)

الرد طويل نبي اصغر من هالجملة <~ مايحتاج تقولون لي عالمطبخ بقولها لنفسي 🙂

تعارف الناس من أيام الأولين على هذه الكلمة أنها مدح للأب ودعوة طيبة للابن لكن بلينا في هذا الزمن من يحلل كلام الأولين ويقيمه ويحمله على محامل جديدة لم تكن معهودة من قبل وهذا الانتقاد الشاذ مخالف لما أجمع الناس عليه قديما وألفوه وأقروه فالزم غرز الأولين أو اصمت

صاحب المقطع يدعي المعرفه ويبغى يغير العلوم الي توارثتها الأجيال واقول له ؛ انت حر في ردك وتصرفاتك لكن لا تحاول التقليل من ارثنا والمعروف ان مهما بلغت طيبتك لن تصل مرحلة الكمال والتي ندعو الله لنا وللنشأ ان يقتربوا منها ؛ هنا الفرق بين محدودية الفكر والنظرة الأشمل

اعتقد ان الرجل لا يقول لك جعلك اطيب من ابوك إلا في مجال ذكر ابوك بالطيب وعلومه الغانمة ويمدحوك على فعل ... او لهم لزوم منك فشيء ويذكرون فعول ابوك ... اما اهل المزح فلهم جلد ينسيهم هذا المزح و قول جعلكم خير خلف لخير سلف كلها تقال من باب ذكر الأب والجد بالطيب

إذا قيل لأحدهم عساك اطيب من ابوك .. يختصرها الواحد على نفسه .. ويقول ؛ ( عساني في طيب أبوي ) .. وهذا من حسن الرد .. ومن البر بالأب والإحسان إليه .. ورفع قدره بين الناس .. وهذا الرد فيه اعتراف بفضل الاب وطيبه حتى صار هذا الولد يتمنى أن يصل إلى ما وصل إليه أبوه ..

كلام فاضي وكل صار يفتي هذي الجملة ما تجي إلا بصيغة مدح ومبنة على فكرة أن الرجال يتمنى ان ولده اطيب منه حتى لو هو اطيب الناس لذا هي دعوة جميلة تدخل السرور في قلب الأب وتقال حتى في حضرته

طيب جبتها صح في البدايه انها على وزن افعل يعني اكثر فعل من فلان لما يقول أطيب من ابوك معناتها ابوه طيب وانت تصير أطيب من ابوك

قل له ماعليك زود وفجر جبهته باحترام

قله عساك سالم الطيب ماخذتة الا من ابوي ابوي الطيب اصله وتفاصيله يبطي من قال عساك يوصل مواصيلة

كفو ينطح كفو

ردها في نحره و قله طيب أبوي من طيبي

ليتك بذلت مجهودك بنصح الشباب بالبعد عن الامور الردية .. المجتمعات تختلف لكن اشوف ان بعض مجتمعاتنا همها وش قيل ولا يقال ملن متحزم تقول على خط النار

طيب ابوي من طيبي وهذا الرد المناسب وش رايكم

وفيه كلمة دارجة عند الكثير من الناس يخاطب ابنة اوابنته الاطفال(ابوي امي) طفل اوبزر تقول له ابوي!!!

مرة قالوا لواحد على تمايم ولده "الله ينعم عليك و جعله اطيب من ابوه" قال لهم ماهو صاير اطيب مني "الا كانه يبي يطير" 😂😂😂😂

@Tvw54DRqWawJ0A0 محسسني انه يفك قنبله نووية ، وحذر بالرد وحالته حاله ، الله يصلحك وعساك أطيب من ابوك ..

ابد ابشرك،،،ابوي كفاني العنوة،،،هو يرد ويقول،،،يخسي ويعقب 😂😂😂

مدري بعض الناس شلون يفكر جعلك اطيب من ابوك تعني ان الاب هو مقياس للطيب من زود طيبه الابن الي يفهمها سبه معناته انه يحس ابوه ماهو طيب والاب الي يزعل منها معناته يحس نفسه ماهو طيب

معروفه من زمان هاذي ملغمه لاكن الخبل والضعيف تمشي عليه عاد بعض الكومنتات مادري هم عرب ولا مستعربه صار عادي عندهم 😂😂

ماعمري سمعت احد يقولها لواحد اصلا يعرف يتكلم… العادة تُقال للصبي او الطفل وبوجود ابوه. ولافيه ابو ينقال كذا لابنه الصغير والا ويقول آمين

بس هو مدح ابوي ان طيب مافي شي يخلي الواحد يتحسس

المشكله في التوجس فقط وهذه تربت عليها فئه فكل حديث يحملونه على السوء .

ياخي طولتها قول مافيه اطيب من ابوي. انتهى

جيل الفورت نايت اذا فكر بعمق هذه النتيجه

هذه الرد عليها بسيط ابوي طيب وانا على دربه طيب وش ردك على ابوك اطيب منك ؟

فيه مقوله تقال الاب الكريم بقوه : مايخلي لعياله شي الاب التاجر المبدع : مايخلي لعياله شي الاب العالم المبدع : مايخلي لعياله شي وهذي حقيقه لذلك مقولة جعلك اطيب من ابوك يقصد بها ابناء رجل علم في مكارمه سواء علم او تجاره او مكارم اخلاق الخ هنا رد وقول امين ويارب او رد وقول ليتي اجي لو شوي منه لذلك الابناء بوم القيامه ومن جود الله : يلحقهم الله بمنزلة الاباء بالجنه لو هم اقل من اباءهم بشرط لم يدخل دينهم بدع وشركيات لكن ابوي مافيه من الطيب صفه وشره على الناس معلوم الاكيد انها اهانه وتجريح لو هي حقيقه قول خير : او انطم

لا يبن الحلال ..أطيب صيغة تفضيل ..مثل قول الرجل أطيب ربعه ..يعني ربعه طيبين وهو أطيبهم !!

والله الذرابه في الكلام حلوة والفصاحة مطلوبة لكن ان تتحول الى دورس ومعادلات رياضية الامر ابسط من كذا

هرطقة. أبوك طيب. جعلك أطيب منه !! أين التعريض بالأب ؟؟

الرد ابوي اطيب مني ومنك

افضل رد (طيبي من طيب ابوي) بكذا نسبت طيبك الى ابوك وانك ماخذه منه

الرد ابوي مايلحق مداه