الزعل فالمحاورة الشعريه ممنوع والملعبة نقض وفتل ههههههههه

شف هنا وش سوابه العياضي وهو ابو 17 سنه ووين نزل من شب على شي شاب عليه الرجال العاقل الاستاذ يرفع نفسه عن مخنثة السرابيت بس التربايه ترباية شارع

الحين فهيد يقول أنا غازي ديركم وهو يرد يقول ياليتك تزور ؟ الشاطري خطييييير وسفر بلش فيه واختار نزول وهو مجبر

والله يا متعب كلمة حق ابقولها الشاعر فهيد الشاطري رغم سنه لكن شاعر بطل يقابل شعار كبار ويواجههم ولايخاف منهم ويكسب خبرهـ وما يخاف المشكله فيك انت تخاف وما تقدر تلعب معهم ولاتواجهم مثله 😁

كنت العب وجاني بيت فقع قلبي ولاعاد طبيتها هههههههه

هههههههههه😂😂😂

بالعكس اشوف فهيد ضغط سفر لين خلاه ينزل في الرد وهذا يعتبر شح عند الشاعر اذا نزل

هذا كلام يطلع من مراهقين فاستراحة ماربوهم شيبان لكن انه يطلع من رجال بعمر سفر متجاوز الخمسين وتعزز له انت بعمر الستين مانقول الا واعيباااه ياوجه استح انت وسفر ومنهو على مستوى عقليتكم

الإسقاط على شباب الحوية وعفيف في نهاية المحاورة ليس قوة، بل دلالة على العجز عن مجاراة الخصم والرد عليه. الشاعر فهيد، رغم صغر سنه، أبدع في المحاورة، ولم يلجأ للإسقاط على سفر رغم مكانته وخبرته الكبيرة، وهذا يُحسب له.

مع احترامي للقاريء بس هو يقصد ان شباب عفيف وشباب الحوية يتراكبون بعضهم 🙆🏻‍♂️ يسدهم حالهم الله يصلحهم

ابو بجاد ( سفر قنبله موقوته) لا تلعب بالنار معه بأي حال من الاحوال ما بالك اذا تعديت الخطوط الحمراء الله يعينك على الرد ويبقى بالاول والاخير محاوره شعر وملعبه لذلك الشاعر جاب بيت يدور السياحه وجاء رد ( سياحيه درجه اولى وانتبه يبو بجاد لا تقرب القلطه

صدقت تحركه ..! كلمتك في حد ذاتها كارثه تحركه ....! هذي تقال للروائح المزعجه ..! (لا تحرك .... يذميك ) تريد تضحك الناس وصرت تحفه .

والله عجزت افهم كلامك ههههههههه

المثل يقول ..يقول لا تحرك القمامه تذميك ريحتها ..!! وانت تقول لا تحرك سفر ..! فكر وانت أبخص .

لاحركت العود زاد طيبه والله يبيض وجه ابو سعد

والله انك كذاب وعارف معنى بيت سفر لاكن العنصريه اعمتك ودهورتك

اتوقع لو سفر قال القبلة جنوب قلتوا عزالله انه صادق ومحنك لكن قلتها انت حركه ويعفنك

يا متعب هذا بيت مخا ن يث ماهو بيت محاوره

هههههههههههههه اذكر الله ولدعوى امزوح

ولاكارثة ولاشي شاعر اذا انحشر صار دون في دون شاعر منفوخ على ولاشي… فهيد شاعر مبتدي وجيد وان غلط يبقى غير ملام لأنه مبتديٱ لكن سفر وش مبرره

النزول ماهو رد من شاعر محسوب على شعراء المحاورة التزول اي شاعر ضعيف اذا انحشر نزل بالكلام

الحمد لله الذي عافانا مما ابتلاك به وفضلنا عليك وعلى كثير ممن خلق تفضيلا

ههههههههههخ وراك زعلان ياعياد بيه هههههههه

ياليتك تسكت عن بعض البربره

فهيد الشاطري كسبها شهرة الحين وهو شاعر مبتدئ وجيد كذلك أما سفر إساء للاهالي عفيف والحوية وشبهم ب تشبيه سيئ!! بعض السوالف لبسوها شراعي والمشكله شاعر وله جمهور وله نظرة في ******* لكن غبر ياثور على قرنك تحياتي لك يابوبجاااد 🤝

كلامك سليم ١٠٠٪ هذه المحاورة فيها حك قوي ، والله العظيم مانيب عتيبي ولا مطيري ، لكن بيت فهيد أصلًا يهمز وجابها على راسه والله من سمعت بيت فهيد اني حنيته ودريت انها بيتحصلها وفعلًا خذاها بين عيونه الله يصلحه ، اعماه سفر على قولتهم لاتمعك بالزمل وانت حويشي

إذا اللي في بالك هذي إسقاط ع العتبان وأنهم كذا وهذا جدا اهانه ولا يرضى فيها عتيبي عاقل انهم يصفهم انهم كذا وسفر يدل انه راعي الفكر كذا لان هالسوالف الواحد عيب يفكر فيها فضلا ان يتكلم فيها والله

معروف شاعرك اذا انحشر عود لعادته بيض الله وجه فهيد شاب ماتجاوز العشرين عام ضغط شاعر القدور

فعلاً مافيها شي والمحاورة فتل ونقض وكل شاعر يتحمل مايجيه . وابو سعد نيته طيبه بس الناس فسروها غلط😂

ينزلون واذا نزل ابو سعد صاحو عالم منتهيه 😂

للامانه بيت فهيد ساذج وفيها ايحاء غير مؤدب ولكن سفر لجمه وقفل فمه

كلهم غلطانيين وسفر غلطه أكبر والتاييد لمثل هذه الأمور لايصح لاي طرف الشعر الذي يتجاوز الادب والاخلاق والقيم مستنكر من صاحب البدع والجواب مهما كانت أعمارهم او منزلتهم الاجتماعية

السؤال يابوبجاد هل مثل هالمحاورات تستحق دفع مبالغ ومتابعة وتحفظ وتنقل بالمجالس وهل تراه قاف ناري على قولتهم والله يوفق الجميع

والله الكلام من الطرفين ماهو لائق وسفر رجال عاقل وشاعر كبير ما ينزل إلى هذا المستوى المحاوره التي تنزل إلى هذا السقوط الأخلاقي ماهي محاوره وانت رجال عاقل المفروض ماتشجع مثل هذه المحاورات تحياتي لك

تحركه تطلع ري ح ت ه تبلش 😂😂😂😂 اتوقع فيه ردود اقوى من هذا الرد

الله يرحم صياف الحربي ومستور العصيمي ومطلق الثبيتي الشعراء الدواهي اللي ماسمعنى منهم الا شعر المحاوره الحقيقي.

شكوكش اللي في شباب البومب يعرف بالمحاوره توني ادري

سبحان من زين المراءه بشعرها .. والرجال بلحاها

شاعر الطبل ماعنده إلا الهتيت

هذا ما زال عايش الى وقتنا هذا ماشاء الله تبارك الله. الله يمد بعمره

عايش وبخير والله يديم النعمه يالحهني ههههههه

دوم 🤲 يارب الله يديم عليك فضله