الساعة 1 ظهراً و بثوث التيك توك وأسلوب الشحاذة و التسول إلكتروني شغالة. العدد أصبح مهول وكبير لدرجة أن بين كلُ مقطع ومقطع في التيك توك ربما يظهر لك بث. والله العظيم أقرفتونا وكرهتونا في التطبيق قم أشتغل بدل البث ويضيع وقتك "ساعتين أو ثلاث" من أجل 20 ريال

عبدالعزيز مع احترامي للمتحدث لا تنهى عن فعل وتأتي مثله عار عليك إذا فعلت عظيم قبل كم يوم فايز متسدح بالبث وداعم واحد في زواج !! كيف يفسر الجمهور هذا الدعم !! اخيرا طالما مصرح من الدوله خل العالم تبث الصاحي والمجنون كلن بيجيه حقه طيب ولا ردا

أنت الشخص البسيط مثل فائز ! نجم ومعروف وله قاعدة متابعين ومعجبين "هو عنده مايقدّمه"

نجم ومعروف داعم واحد من الباب للطاقه في زواج مبلغ وقدره وش موهلات المدعوم ؟ ج: شخص بسيط 😅 منطقيا مليون واحد مثل هذا الشخص البسيط بيشوفها فرصه ويحط حلمه بث ويجيه فايز يدعمه

وش دخلك بالناس ماتقول انهم مالقوا اي شي يونسهم الا البث لا رياضات موجوده لاترفيه موجود وش تبيهم يسوون

طبّق فكرة وش دخلك للناس ولاترد علي 😅

انت فرضت رايك على الناس انا اقولك غلط تفرض رايك لازم توضيح كل نقطة الله المستعان

أتشرف بكل تعليق لك، من باب المزح فقط .. ودي الرسالة تصل فقط وليس فرض 👏

فعلت خاصية عدم البثوث المباشرة وارتحت منهم

عطنا الطريقة تكفى 👏

كثرت البطالة وضعف الدخل المادي يسبب مثل هالاشياء ، لو مايبث وش تبيه يسوي ؟ يسرق مثلا او يهرب او او او الخ ؟ ، لا تحارب هذي الظاهرة حارب الاسباب المسببه لها ، قبل كم سنه ماكنا نشوفهم بهالكثرة الحين زادو وش السبب ؟ اسال نفسك

الحل ضريبه على دخل التطبيق من هيئه الزكاة

الحل رفض مجتمعي ونقد لهم.

فايز المالكي اكبر شحاذ اكتسب ثروته من التهريج و الاعلانات حلال عليه حرام على غيره عزالله انا نعيش في ارذل حقبة زمنية الرويبضة يتفلسف و الدهماء يطبلون له

ياراجل هو بنفسه جالس مع المشاهير يضحك وينكت ويضحك وياهم كلهم بالهواء سواء 😂 ملفوف مع ملفوف مايمشي 😂

يعني عشان فايز انتقد الشي هذا نشوفه غلط ؟ فايز من أوائل الناس اللي كانوا يفتحون بثوث و ينتظر الدعم، و بشكل عام هو شخص متلون للآسف فيه ناس خرجوا من دوامة الديون، و الفقر، و تحسنت حياتهم بفضل الله أولًا ثم بفضل البثوث بس اللي يده في النار مو زي اللي يده في المويه

هو كان يبث معهم بس ماضبطت معه قام قلب عليهم

زمن فايز المالكي زمن راح وانتهى الان زمن الجيل الجديد بثوث وتيكتوك كان في زمنه ومسلسلاته ناس تنتقده بنفس الكلام والحين هو ينتقد وراح يجي جيل جديد تطلع اشياء جديدة ويجون حقين التيكتوك وينتقدونهم وهذي هي الحياة

والله غريب هالكائن اكثر المشاهير يتواصل معهم ويعزمهم ويخليهم يصورونه ويظهر بسناباتهم ويستفيد من شهرتهم وايضا يبث وبين فترة وفترة يداعب مشاهر الناس بهالكلام يافايز خلاص يافايز خلااااااص يافايز

محملين برنامج بثوث وجايين تصايحون هنا احذفوه طيب وهذا مسوي فيها ناصح وهو فاتح الهدايا بس ذبحه الحسد الداعمين اللي سماهم زلايب دعموا شباب وحالات انسانيه وغيروا المستوى المعيشي لااسر كثيره

مشكله تاخذ نصيحه من هالانسان التافه الي ماضيه كله عفن والحين صار نظيف وينصح ويستنقص من خلق الله كريييييييه ماله قبول هو بكبره

بعضهم يدخل راتب رئيس تنفيذي بأسبوع واحد وتبغاه يترك البثوث ؟؟؟ طالما فيه معاتيه يدعمون بمبالغ ضخمة لايعرف مصدرها لن تنتهي البثوث

هذا حسد

كل واحد يشوف الدنيا بعقله، وفيه فرق بين اللي يفهم الفرص، واللي يهاجمها مايهمني انتقاد فايز، ولا يهمني كلام احد مو كل شي ما يعجبكم يعني غلط، فيه ناس صنعت رزقها وفرصها من هالمقاطع والبثوث اللي أنتم شايفينها تفاهة … حتى لو اني ضد بعض البثوث والمقاطع لكن هل لي حق اقول انتم خطأ وافرض اعتقاداتي على الناس.. مثل مقطع ريري حق دانكن لو مريت عليه بيكون مقطع عادي بتقول وش ذا الخرافات ومرطسة الاكل لكن رزقها وجاها من الله سبحانه من مقطع فالناس ظروفها غير عنا إذا ربي أنعم علينا غيرنا ماندري وش ظروفه فخلوا الناس تبث وتنزل مقاطع وترّزق الله

التسول الإلكتروني ليس حاجة بل هو اغتيال للمروءة.خلف كل "منشن" بائس قد يختبئ محتال يسرق حق المتعفف الذي لا يسأل الناس إلحافاً.الحقيقةمن يطاردالترند لبيع أوجاعه، لا يبحث عن ستر بل عن استغلال. تعاطفك الرقمي قديمول مجهولاً.لا تجعل طيبتك وسيلةلسرقة حقوق المحتاجين.#التسول_الالكتروني

مالقو لهم وظايف وظفو خلق الله وماتلقونهم بالتيك

فيه ناس تسوق المثاليه والله العظيم لو حاله زي حالهم بالفقر ان تشوفه بالبثوث من الصبح لليل

الوضع منفلت في التيك توك ياعبدالعزيز

رزق وجاءهم ياكثر اللي كان ماعندهم مصدر دخل وتغير حاله ودام مايسوي شئ حرام كيفه الآن كل انسان يملك قناة مو محتاج واسطة علشان يطلع هو يطلع بذراعه لو ماعنده شئ الناس مادعمته الشحاد يستمر شحاد لكن فيه من صار مذيع وممثل وغيرها الحمدلله أن الرزق بيد الله

التسول الالكتروني جريمة يعاقب عليها القانون

طيب هو بنفسه طالع لايف ومفعل الدعم يعني مايفرق عنهم، للأسف الوضع الان لايطاق اشكال تسد النفس وشغل شحاذه درجة اولى

وش دخلك فيهم يعني عشانه دخل بدون جهد يذكر تبيهم يكرفون

وانتو وش دخلكم فيهم ؟؟ وش ذا الحسد مالكم شغل فيهم خلوهم يفتحون بثوث يعني م اضروك ولا غصبوك تشوف بثوثهم خلو الناس شدخلكم ي عالم بفهم

شكلك زعلان انه ما بث و لا نزل نقطة الشحاذ

سبحان الله ... الرازق في السماء والحاسد في الارض وش دخلكم فيهم هل فيه داعم يدعم غصب عنه ؟ سبحان الله ناس تحب تنتقد كل شي ... يعني فايز المالكي مسوي لي فيها المثالي وهو بنفسه يبث ويدعم كل واحد حر بماله @fayez_malki

20 ريال ؟ انت مصدق ان فيه ناس تبث ٢٤ ساعه عشان عشرين ريال فيه ناس فتحت بيوت من هالبثوث والشحاذه

عندك شغل لهم؟

مستوى البثوث انحدر اشد من قبل وظاهرة التهريج لجلب دعم انتشرت ، أتمنى من الجهات الرقابية قمعهم

ماني فاهمه ليه تنتقدون الداعم ! طيب هو راضي بالاخير ما اخذ شي من جيبك الله يرزق الجميع اذا بتنتقدون انتقدو بعض الحركات والكلام المسيئ في البثوث وفيه كثيررر مشاهير يسونه حركات تفشل وعيببب

الله يرزقهم فيه المحتاج بالبث كثير وفيه اللي يبث ويجيه دخل وتحصله يتصدق ولا كافل له يتيم واليتم رزقه ماشي من رزق اللي يبث ويدور خلو العالم تاخذ وتعطي

ذكرتني بروح افتح بث حياك dh_0tb