السلوم تختلف اجل صارت العزيمه للمعزب ؟؟ الضيف ساكت معقوله ؟

العزيمة ما هي للمعزّب، ولكن المعزب يرد عن ضيفه خدمة له، ورفعاً للحرج عنه، وهو أعرف بحاله. فإن كان يعلم أن ضيفه سيمكث مده أطول فيوافق للعزيمة عنه، وإن كان يعلم أن ضيفه سيذهب فيعتذر نيابة عنه. وهذا من حسن الضيافة وإكرام الضيف ورفعاً للخرج عنه كي لا يقع في خطأ او حيا أو غيره.

What are your thoughts on the H1-B Visa program?

قالوا سلوم العرب 🫡 وفيها خير كثير والضيف في حكم المضيف. ألا يكفي إن الضيف في وجه مضيفه وحماه .. هذه بعض العلوم اللي تخفى عالغالب والخافي أعظم ! فكروا قبل ماتنبرشون ناقدين ناقمين على سلوم عظيمة ، تجهلون ويش وراها من علوم .

نوجه عزيمه الضيف للمعزم ، والمعزب إما أن يوافق أو يحيلنا على الضيف يقول أخذوا من راسه ، وهذا سلم ولكل منطقه وقبيله أسلومها .

هالسلم معروف ع عند اهل نجد المطران والعتبان العزيمه توجه للمعزب اما قفل بابها لظروف خاصة يعلمها المعزب ولا عاونه على الضيف ولا قال خذ من راسه

نعم المعزب هو المسوؤل عن ضيفه وظروفه لكن من قبل هالتغريدة إنت وضعك غريب وكنك منت من عرب خل الإستفزاز وجلب المشاهدات حتى من ناحية مقاطع لشعراء المحاورة اللي تنشرها تجيب محاورات لشعراء المحاورة نص كم وتقعد تبجّل فيها يوم نسمع المحاورة يتضح لنا أنها ليست من موروثك دوادي

هذي سلوم اهل نجد ، اذا احد يبي يعزم الضيف لازم يستأذن معزبه الأول ، لأنه الضيف ساكن عنده وفي محله، والمثل يقول : الضيف في حكم معازيبه.

لا تستنقص من سلوم العرب اذا ماتعرف السلوم وفيك نقص وبلا .. مايستنقص من سلوم الرجال الا الناقص الضعيف

الوكاد يا زين مزارق الطيب بين الناس وكلٍ وسلمه إذا كانت الدعوة كرامة وعزيمة وما فيها باس إذا اللي يبي يعزم الضيف إنه يستأذن معزّب الضيف وقتها انا اشوفها تبجيل واحترام لراعي الديوان والكل مجتهد بارك الله فيكم

كم مره تنزل مثل هالسالفه واحد جاي معزوم من طرف المعزب ومايعرف الضيف تبيه ينقز في حلج الضيف ويعزمه وهو مايعرفه هذي تعتبر لقافه وتعدي على المعزب وعلى الضيف الرجال بالمقطع يتكلم عن عزيمه عامه أما إذا كان يمون على الضيف ومن ربعه القريبين يعزمه والضيف بيرد يعتذر أو يقبل

كل ما زاد عرف الرجال زاد عقله