الصراحة ما ادري منين ابدي!! شسوالنا الشيعي او السني او الكردي حتى شاد رايتي واگول اني شيعي عراقي/سني عراقي؟! حضرة النائب اني #عراقي ومذهبي ما له علاقة بحكم دولة اني عراقي يريد كهرباء وماء وجواز محترم ومنازل باسعار معقولة، شنو الفائدة اني ……… والناس وضعها سئ؟! هذا العرف السياسي... خلقوها اللي اجوي قبلك لمصالحهم، مو دستور، يعني قابل للتغير من اجل مصلحة #العراق..show more

هذا تفكيرهم وبهذه الطريقه اقتسموا الكعكه

كيف تحمل هذا الشخص د قصي

الاثنين #زبايل

علما أن المتحدث من أكبر السراق و المبتزين. يستلم رواتب فضائيين من الحشد يزيد على 750 أسم شهريا. لذلك الطائفية عنده رأسمال دائم.

يسري حبيبي ترى خطابه مو الك خطابه للسذج والمراهقين اللي يحبون هالسوالف والهوبزة الفارغة أما شسوالنه الكردي الكردي سوة للشمال وبس وشسوة السني فأنت كلك نظر وشوف العراق بالستينات والسبعينات أما النايب الشيعي شسوة للعراق أو للجنوب هاي كدامك يبوكهم ويريد يصفكولة وينتخبوا

يا سر حبيبي چا معارضة وثورة تهديد وملاحقة وقتل على شنو ؟ ترا المطلب بهوية عراقية وطنية اولا ! اما ما يقال فهو خريط انتخابات لا يقدم ولا يأخر

هذا هوا الحال المفرض على هذا الشعب المسكين ولذي يتاجرون به هم وهذا دليل انهم لم يفوزو بأصوات الشعب بل من يتحكم بهم من الخارج وهذه الحقيقة

والله ما يثق بيهم الا الغبي او المستفاد

هاي شعارات وسوالف الوطنية كلاوات گدام الاعلام اما تجي لعملهم كلاوات ومنافع شخصية ، ابسط مثال احد دوائر الدولة عدها نقص بالكوادر العاملة،طلبو تنسيب كوادر من غير شركة فااجت موافقة وتنسبو، احد النواب بالفديو رجع نقلهم والله لان انتخابات واصوات، فا المنفعة الشخصية اهم من خدمة الوطن

هذا موسم التخندق الطائفي .. لعد شلون يحشدون الجماهير! 😉

انا شيعي وافتخر بولاية محمد وال محمد انا شيعي والما يعجبه يطم روحه باقرب منهولة

أحسنت يوسف الكلابي.....هذا قصي كل همه الفلوس كلهم يتكلمون بأعلى أصواتهم اني سني...اني كردي...اني تركماني .. بس الشيعي من يكول اني شيعب تنكلب الدنيا عليه والمشكله وين انه الدونيه من الشيعه همه الذين ينتقدون.... كل شيعي يكول بأعلى صوته انا شيييييعي والميعجبه يطك راسه بالحيط.

واضح ع ضال جان بالتربان ودافع عن العراق والله هاؤلاء البرلمانين لايمثلون الشيعة ولا التشيع الشيعة منهج رسول الله صلى الله عليه وآله ليس بطلاب سلطة ولامحبين مناصب ...وبالنسبة الي قاتلو من الابطال وقت داعش ليهسة حقوقهم مسلوبة وهذا وغيره سالبين حقوقهم . سيحاسبكم الله يابرلمان السحت

كلام عبارة عن شعارات لا تغني من جوع ويلعبون بها على مشاعر المواطن يستغلون صوته في الأنتخابات وبعدها يدخلون الناس في نفس الدوامة. برلمان لايعقد جلسات حكومة تتشكل بعد أكثر من سنة الفائز لا يشكل حكومة الكل نزيه والكل يتهم الآخر بالفساد

هذا ابو 1000 ماستر اكيد يستقتل ع الحكم

اثنيهم من التوافه الذين افرزتهم عملية سياسية فاسدة وتافهه

مطالبك هوايه شنو انته متستحي تريد كهرباء وماء وبيت رخيص وجواز محترم لابعد كول اريد تعليم مجاني ومستشفيات مجانيه صدك شعب ميستحي 😉😉😉