العزاء الغير مقبول:

احسن الله عزاكم ، ورحم الله ميتكم ويغفرله ويسكنه فسيح جناته جنة الفردوس الاعلى بدون حساب ولا عذاب يارب العالمين ، الافضل اتباع سنة الرسول في العزاء وهذا شرحه الشيخ صالح الفوزان الله يطول بعمره :

احسن الله عزائكم *غير المقبول وليس الغير مقبول

اصلا من الاساس القعده مالها داعي العشاء للضيوف و هذي كلها مالها داعي وتكاليف على اهل الميت وهم مو ناقصين المفروض تدخل تسلم تعزي خلصت؟ اقبض الباب الله لايهينك القعده و العشاء ذي كلها مالها داعي تثقل على اهل الميت يصيرون يفكرون في التكاليف بعد غير حزنهم على فقيدهم. عظم الله اجركم

كلامك صحيح ١٠٠٪ والله الي يختلف مع كلامك انه انسان غبي وهو متفهم الشعور، فكره العزاء بدون مبالغه اكثر شي المفروض مايصير والله انها تزيد الهم هم انت دوبك فاقد لك شخص مايمديك تستوعب الي تمر فيه تقوم تباشر بالناس؟ والناس تشوفك باسوأ حالاتك وعليهم نضرات شفقه عليك موضوع مزعججججج

هذا العمل ليس مطابقًا للسنة، ولا نعلم له أصلا في الشرع المطهَّر، وإنما السنة التعزية لأهل المصاب من غير كيفية معينة ولا اجتماع معين كهذا الاجتماع، وإنما يشرع لكل مسلم أن يعزي أخاه بعد خروج الروح في البيت أو في الطريق أو في المسجد أو في المقبرة، سواء كانت التعزية قبل الصلاة أو بعدها، وإذا قابله شرع له مصافحته والدعاء له بالدعاء المناسب مثل: (أعظم الله أجرك، وأحسن عزاءك، وجبر مصيبتك). - ابن باز (رحمه الله).

صادق يجي يعزي ويحاول يقرا ما تيسر من القرآن ويهدي ثوابها الى المرحوم ويمشي

يوم يتوفى اخوي رحمه الله الوقت اللي يكون فيه ناس معزيين ويفتحون مواضيع و فيهم من ينكت ينسيك الهم والحزن لانك انت راضي بما كتب الله لك لكن اذا كنت في مكان صامت تبداء سيل الذكريات ويبداء الحزن يخيم عليك والمعزي اللي ينكت ويسولف هو يساعدك على نفسك في تجاوز الحزن

ما عمري اقتنعت بفكرة العزاء والجمعات ببيت الميت حتى لو كانت من باب التخفيف على اهل الميت"مع انها العكس تمامًا" مجرد ما تخلص الزيارات بترجع كل المشاعر اللي كانت مركونه وقت العزاء🥲 المفروض العايلة بس يتجمعون والبقيه ياليت يوفرون الزيارات ويخلونها صدقات ودعاء للميت

الناس هذي جايه من بيوتها واشغالها عشان تسلم عليك وتعظم لك الأجر ومابيضحك بوجهك وهو يسلم عليك ولكن اذا جلس مو لازم يحزن ويعبس هو جاي يوجبك قد يكون مايعرف المتوفى ولا قابله من قبل ولكن جا من باب التوجيب ماينفع نخلي العزاء الزامي الحزن والكأبة فيه من الجميع هذا بيزيد حزن ذوي المتوفى

عظم الله اجركم واحسن عزاءكم .. للاسف الكثير من مجالس العزاء تحولت من تعزية لهدف الالتقاء مع من لم يروا بعضهم منذ فترات طويلة فيتحول المجلس لسوالف وضحك واخبار دون احترام لاهل المتوفي ..

اولًا الاكل صدقة للميت وغالبًا يكون مشاركة من القرايب مايكون خاص باهل الميت فقط ثانيًا حضور الناس والسوالف هي وسيلة للتخفيف عن اهل الميت واشغالهم عن حزنهم حتى لو كان لا يمكن الإنشغال عنه لكنها محاولة، والصديق الحقيقي مثلًا يبقى معاك بكل لحظات العزاء اول من يوصل وآخر من يمشي

كلامك غير صحيح اولا اهل الميت ما يطبخون العاده الاكل يوصل من اقرب الناس ثانيا المعزين ايون العزا عشان يطلعون اهل الميت من الجو الكئيب مب معقوله تبلهم ايونك بدون ما يبتسمون ولا تباهم يسولفون معاك ويغيرون جوك مادري كيف تفكر انت انا في عزا يدتي ربي كانو يحاولون يضحكوني بكل الطرق

انا توفى ابوي من شدة الحزن ضغطي مرتفع ومرضت ولله لولى الناس الي حضرو والناس الي تزرع البسمه في العزا اني ماتخطى وفاته فلا تحط نفسك مقياس للبشر وان كل الناس زيك

احسن الله عزائكم و اعظم الله اجركم و غفر لميتكم انا لله وأنا اليه راجعون

اول مره اتفق معك بفكرة لما الوالد أتوفى وجاء عيال عمتي لعىة الله عليهم كان الوالد متوفي امس واليوم الي بعده اشوفهم يتبسمون عند باب بيتنا رغم ان ابويا الله يرحموا لما كان يتوفى لهم قريب كان يحضر وهو ساكت ولا يبتسم ويحضر العزاء وهو ساكت ماله حس ويمشي من بعدها وانا كارههم

من خلال تجربتي في عزاء جداتي رحمهم الله وجعلها اخر الاحزان اقول ان وجود الناس والازعاج والسوالف تنسيك همك خاصة الايام الاولى لان الفراغ والالم قاتل وقتها كنت مجهدة مانام زين ولا اكل واشتغل اليوم كله واضحك واتناسى وفعلاً هالشيء خفف علي كثير وطبيعي جدًا بعد العزاء تطلع كل المشاعر

اولاً اسأل الله ان يرحم ميتكم ويغفر له ثانياً كلامك صحيح جداً واتفق معه يا اخوان الله يرضى عليكم العزاء مو عزيمة ولا هو اني انا اطلبك تجي عندي وابي اضيفك العزاء لمساندة عائلة الميت والوقوف معاهم كمسلمين بذكر الله عز وجل والتواجد معهم والدعاء لهم ليست مناسبة للتزين والتكلف

أولاً : الجلوس حول أهل المتوفي يكون للمواساة ويكون الاقارب والمقربين من قلوبهم حضورهم واجب لتخفيف عليهم ثانياً : الغداء والعشاء يكون ايضاً من خارج منزل المتوفي من محبينهم من اقارب وجيران لا مانع اذا استأذن من اصحاب المنزل حتى القهوجي يتكفل فيه احد من خارج اهل المتوفي والماء ..

انا شخصياً كنت شاهد لا موقف ما قدرت أتخطاه الى يومك هذا. أيام طيحة الأسهم كان فيه وفاة شخص عزيز وقريب لي وصاحب وجاهة في المجتمع ، صلينا عليه ورحنا المقبرة وكان الناس عددهم واجد ، الزبدة فيه 2 رجال اعمال من الجماعة وكانوا واقفين قريب من القبر وحنا يالضعوف نحفر وندفن، وشوي الا وضحكاتهم عالية وقربت منهم الا كانوا يضحكون من واحد ثالث غير موجود حط مبالغ ضخمة في الأسهم وما قدر يسحبها ويرونها لبعض بطريقة كوميدية. نزلوا من عيني الله يرحم من ذهب منهم الى رحمة الله. ففعلاً وقت العزاء يجب ان يظهر الجميع لأهل العزاء نوع من هيبة الموت والحزن أو يجلسون ببيوتهم أفضل.

عظم الله أجرك وأحسن الله عزاءك أ. عمر، والله إني أفهم كل كلمة قلتها، وأشعر بحجم الأذى الذي مررت به. المؤلم أن هناك من ينكر حتى حق أهل الفقيد في البكاء، مع أن العزاء والبكاء مشاعر فطرية وطبيعية، لا ينكرها إلا من قسا قلبه. من غلبته الدنيا يصعب عليه أن يفهم معنى الفقد الحقيقي…..

كلمة "غير" لايضاف لها ال التعريف

والله م انسى اللي يبتسمون في العزاء قدامي واللي يضحك بصوت عالي لكن الله يجعلهم يمرون باللي مريت فيه واسواء باذن الله

وربي العكس، فالثلاث الايام الاولى ماكنت تحس بالحزن بسبب العزى والناس والعشا والسواليف وجو الجمعة مع اعمامك وخيلانك وعيالهم، وهذا يهوّن على الشخص اصعب مراحل الحزن اللي هي الايام الاولى، بعدها لما البيت يصير فاضي وتحس بالفقدة والله ان الحزن ينفجر وتتمنى لو العزا ما انتهى.

الله يرحمه ويغفرله احسنت الله المستعان هموم الدنيا شايلها من الفقد وتشوف ناس قدامك يسولفون عن وظيفه فلان او عرس احد ليت ماجيت من البدايه وفكيت الناس من التعزيه الفاضيه

صادق والله عشان كذا العزا المفروض يكون في المقبره فقط

مأجورين الله يرحم ميتكم ويغفرله وش ذا الاسلوب القمعي اللي معاك؟ لا تسوي كذا لا تتصرف كذا لاتسولف كذا من انت حتى تحكم الكوكب؟ الحياة ستستمر رغمًا عن انفي وانفك صح احيان تحسها وقفت و ادراك انها بتستمر مؤلم ولكن حتمي ! هذي طبيعة الحياة tough but fair enough

الفكرة ياعمر.. ان جو العزاء بشكل عام وحضور الناس ومساعدة اهل الميت بالغداء والعشاء عادات حميدة وكفيله انها تهون مصابهم.. ولو تلاحظ اول يوم تختفي السوالف وتبدا من ثاني يوم وثالث يوم وكلها تساعد على تهوين المصيبة على اهل الميت..

عظم الله اجركم وأحسن عزاءكم، الخالة من الدرجة الرابعة اخ عمر وليس الاولى أو الثانية، والناس مختلفون ولأن تستيطع إصلاح او هداية الجميع، توفي والدي رحمه الله منذ شهرين وحدث موقفين مشابه و الصواب كان توجيهم وبشكل فوري بكف الحديث والاكتفاء بالدعاء، بعضهم يتحدث ليس عمداً ولكنها عادته.

الحين عرفت ليش سوالفه غريبه ترا يالغالي ممكن بس عندكم بالعائله تشوف الحاجات ذي صدقني اغلب الناس طبيعين مايحتاج تفتح موضوع

الله يرحم خالتك ويسكنها فسيح جناته عظم الله أجركم الاقارب والاصدقاء يقومون بواجب العشا ولافيه تكلفه على اهل الميت وهي صدقه عنه والناس تجتمع لتقديم الواجب وذكر محاسن الميت والدعاء له بالرحمه والمغفره. اتفق معك ان الحديث لايتشعب بعيداً

بارك الله فيك قلت إلي بقلبي

يُقال أن "العزاء الحقيقي يبدأ بعد العزاء الاجتماعي" من شدة الضغط الذي يعيشه اهل الميت لايشعرون بالحزن كالذي يداهمهم بعد نهاية هذه الثلاثة ايام، وفعلًا العزاء لدينا عبارة عن ضغط اجتماعي.

عظم الله اجركم .. اتفق معك .. اول مره احد يتكلم عن النقطة هذي