العلم ياشافي الصقري ياوجه الرجال مريت عرعر وانا عجل وتعديتها معاي ربع لاكن ماهم من اهل الشمال ولا لفتهم سوى اسمك يوم مريتها واطروك واسترسلوا واصبحت مضرب مثال ومن يوم شوفت الطواري فيك حييتها اثنوا وهالو عليك المدح من كل جال كبرتنا بالفعول اللي ظهر صيتها من الفخر والمعزه... ماوسعني خيال هلت علي القصيده ماترجيتها قامت ترادم بصدري مفحمات العيال مدت يديها لطاروقي وزميتها رفعتها لين عن راسي فهقت العقال ووادعتها رايح الغربي وغنيتها تستاهل الطايله ياللي رقيت الطوال وتزهاك غر المدايح يوم هليتها كم واحد ظامته بقعا وسود الليال ونصاك بالهقوه اللي مانهدم بيتها ماهو قليل الحيا لاكن قليل الحلال وحليتها يوم ربي راد حليتها وكم مرة كان مال عيال وايل مجال هقيت بانك تسويها وسويتها الله واكبر على فعل يهز الجبال تنومس القوم فزعاتك وتوقيتها عزالله انك ذخيرتنا لاطال الجدال كم ديةٍ ترهق الاجواد غطيتها مال الثقيله يابن عمي ياكود الثقال تصغر بيدك الدعاوي لاتوليتها تدوم وتعيش وقفاتك كمال وجمال من فعلٍ يمناً على الجزلات ظريتها اقلط على صادق احساسي وصفر الدلال ترى الشرف للدلال اليا تقهويتها هذي قصيده وانا طرقي ومر الشمال حيتني علومك الجزله وحييتها شافي … باذر خيرshow more

الله الله عليك يابو ناوي صح الله لسانك يا شاعرنا و يستاهل شافي هالقصيدة

صح الله بدنك وتستاهل الطيب يابو وليد لاعدمتك

الممدوح مثل الطاقه للمبدع يعطيك مجال تقول اللي تبي .. صح لسانك ياحبيبي انت واشهد انك مدحت اللي مايختلف عليه اثنين الله يزيده ويبارك له

صح بدنك الله يطول عمرك وابو حسام له علينا واجب اخلاقي ومدحته فرض ماهي سنه وعزالله انه يزهاه القصيد

صدقت ياكحيلان🤙🤍

الله الله هذي قهوه فاخره صح لسانك ويستاهل ابو حسام

صح بدنك وتستاهل الطيب لاعدمتك

@Saadmutlak شاعر كبير أبيات من صخر صح لسانك

@Saadmutlak الف شكر صح بدنك

عزالله انها القصيدة المناسبة في الرجل المناسب يستاهل شافي ولاهو غريب منك الابداع والتفرد 👏🏻👏🏻👏🏻👏🏻

تستاهل الطيب والاعليك زود يابو سيف 🤍

ماهو قليل الحيا لاكن قليل الحلال الله الله الله ي سلام صح لسانك ويستاهل الممدوح🌹

تسلم وصح بدنك تستاهل الطيب

بيت عن الف بيت درر صح لسانك 🌺 ماهو قليل الحيا لاكن قليل الحلال وحليتها يوم ربي راد حليتها

مشكور

ونعم الرجل ويستاهل الشعر الجزيل راعي الفعل الجزيل

ماعليك زود تستاهل الطيب لاعدمتك يابو ضاري

يستاهل وصح لسانك ابوناوي💚💚

تستاهل الطيب وصح بدنك يابو سعود🤍🤍

هلّت علي القصيده ما ترجيتها .. صح الله لسانك أبدعت ويستاهل ابو حسام

صح بدنك تستاهل الطيب

عز الله انه نص يستحقة راعي الكف الندي من مبدع كل بيت يقول انا راس القصيده 👏🏻👏🏻

عشت

الله واكبر على فعلٍ يهز الجبال والله واكبر بعد .. الله واكبر على شعرٍ يعز الرجال 👏👏👏

تعيش الله يعزك

يستاهل المدح ...صح الله لسانك

صح بدنك

@Saadmutlak ماهو قليل الحيا لاكن قليل الحلال؟ لله درك يافواز وعز الله ان ابو حسام يستاهل هذه النادره 🌹

@Saadmutlak تستاهل طيب طاب حظك

صح الله لسانك شاعرنا البطل وانشهد انها في مستحق وعوايدك الجزاله

صح بدنك ياكحيلان والاعليك زود

أيقونة العطاء ( شافي الصقري ) يستاهل هذه الأبيات الفرائد . صح لسانك أبو ناوي ... ونعم بالمادح والممدوح .

تستاهل الطيب صح بدنك والاعليك زود

كم واحد ظامته بقعا وسود اليال ونصاك بالهقوه اللي مانهدم بيتها ماهو قليل الحيا لاكن قليل الحلال وحليتها يوم ربي راد حليتها ياسلااااااام 👏🏻

تسلم

صح لسانك ويستاهل الصقري

ياسلااااااام يابو ناوي يازين المدح في اهله

تسلم يابو عايد

كم واحد ظامته بقعا وسود الليال ونصاك بالهقوه اللي مانهدم بيتها ماهو قليل الحيا لاكن قليل الحلال لله درك لله درك وصح السانك الف مرّه ويستاهل ابو حسام

صح بدنك تستاهل الطيب

صح لسانك ابو ناوي ويستاهل المدح شافي

صح بدنك تستاهل الطيب

هذا والله المديح الي على حلّه .. قلت والله الي بخاطر كل طيب راس جعلنا والله ما نخلا منه والله يبطي بك وفي باذر الخير شافي بن فاحس

وعمرك مايقصر

الله عليك ابو ناوي صح لسانك ويستاهل الزوين

صح بدنك تستاهل الطيب

ونعم ، يستاهل باذر الخير. صح الله لسانك يا أبو ناوي

ماعليك زود وتستاهل الطيب وصح بدنك يابو مطلق