🇹🇷 الكازوزا التركية.. مشروب بسيط لكنه جزء من ذاكرة السفر في تركيا! 🥤 من المشروبات اللي دائمًا أشتريها في تركيا Gazoz – غازوز، واللي نسميها عندنا غالبًا كازوزا. طيب وش هي الكازوزا بالضبط؟ 🤔 هي مشروب غازي تركي قديم، فكرته الأساسية: ماء + سكر + غاز ثاني أكسيد الكربون... + نكهات فواكه أو أعشاب، وتختلف الخلطة والنكهة من شركة إلى أخرى. 🍋 وش أقرب طعم لها؟ لو أبغى أوصفها لشخص ما جربها: تخيل مشروب غازي شفاف قريب من السفن أب أو السبرايت، لكن عادةً بنكهة فواكه أوضح وطابع مختلف، وبعض الأنواع فيها نكهة توت أو ليمون أو أعشاب. والجميل أن تركيا عندها ثقافة قديمة جدًا في صناعة الغازوز، وما هي مجرد شركة أو شركتين؛ فيه علامات محلية مرتبطة بمدن مختلفة. ⭐ ومن أشهر الأسماء اللي أنصح بتجربتها: 1️⃣ Uludağ Gazoz – أولوداغ من أعرق وأشهر الأسماء التركية. تركيبة غازوز أولوداغ الأصلية تعود إلى 1932، وتستخدم الشركة مياه أولوداغ وسكرًا مستخرجًا من الشمندر، مع خليط نكهات فواكه. 2️⃣ Niğde Gazozu – نيدا غازوز من الأنواع التركية المعروفة بطابعها التقليدي. مكوناته بحسب الشركة: الماء، السكر، ثاني أكسيد الكربون، نكهة توت العليق (Frambuaz) وحمض الستريك ومادة حافظة. ويُستخدم فيه سكر مستخرج من الشمندر السكري. 3️⃣ Beyoğlu Gazozu – بيوغلو وهذه اللي بالصورة 👆 ومن الأنواع اللي أحب شكلها خصوصًا بالقارورة الزجاجية المستوحاة من برج غلطة. النوع الكلاسيكي Beyoğlu Klasik يجمع بين توت العليق والليمون، ويحتوي أيضًا على مستخلص النعناع، وتقول الشركة إنها تستخدم سكر شمندر محلي 100% بدون شراب الجلوكوز أو شراب الذرة والشركة عندها نكهات مختلفة، لذلك تجربة الكازوزا هنا ما تتوقف على الكلاسيك فقط. 🥤 وش أشهر نكهات الغازوز في تركيا؟ الكلاسيك، الليمون، توت العليق، البرتقال، الزنجبيل، وبعض الشركات تقدم نكهات أعشاب وفواكه مختلفة. بالنسبة لي الكازوزا من الأشياء البسيطة اللي تعطيك تجربة تركية شعبية مختلفة عن المشروبات الغازية العالمية المعتادة. والسعر عادة بسيط مقارنة بكثير من المشروبات الأخرى، والأجمل تشربها باردة جدًا وفي قارورتها الزجاجية 👌🏻❄️ إذا جيت تركيا 🇹🇷 لا تكتفي بالكولا والمشروبات المعتادة… خذ لك Gazoz وجرب أكثر من شركة، وقارن بنفسك. وسؤالي لكم 👇🏻 مين جرب الكازوزا التركية؟ وأي شركة تعتبرونها الأفضل؟show more

يوسف التركي 🇸🇦

49,761 subscribers

Paylaş İndir