المبالغة في التشطيبات ! مارأيك ؟

صحيح وأتفق تماماً ومن تجربة أقول التشيطيبات المتكلفة حرق مال والمستفيد المقاول والمورد التاجر وانت الضحية لدرجة بعضهم يدفع مبالغ طائلة على بوية في أحسن الأحوال تمل منها بعد فترة وتغيرها خلك على الشغل بالتشطيب الأساسي واهتم بما يخدمك وتستفيد منه عملياً مثل عزل حراري،سباكة، كهرباء

بعضهم ياخذ زوجته لمعرض الرخام 😂، علشان تجيك التدبيسة على اربع شوارع تخليك المصونة تشتري رخام تطير الباقي اللي معك حتى قيمة تركيبه ماتقدر عليها 😂😂😂

طريقة تنفيذ بورسلان على الواجهه شرحته هنا

الأثاث الجميل يبرز على التشطيب المحايد والبسيط والانارة البسيطة

وين الرخام. فيه رخام رخيص ارخص من البورسلين و كويس و أفضل من البورسلين.. شكل و متجدد مع الجلي.. كرارا موقلا بيانكو و و و الجرانيت ارخص و أفضل للتشيبطات الخارجية و الحزام و الأحواش.

ما كان زائداً عن الحاجة ❎️

الرخام من 90 الى 200 الى 700 البورسلان 40 ريال

المثل يقول على قد لحافك مد رجليك ولكن متى ماوجدت الماده وتوفرت فلماذا لا أفكر في الجوده والجمال والأناقة والتميز في منزلي …

✋اختلف مع المتحدث يظل الرخام فخامة ووجاهة وكلن حسب قدراته المادية

نعم كلامه صحيح للي دخله محدود ولكن يظل الرخام افضل لانه بارد في الصيف ودافئ بالشتاء ومتانه للمقتدر وله مواصفات بالنسبه لسخان ع حسب مثلا السخان المركزي ممتاز للمنازل الكبيرة وتوفير الماء الساخن في أماكن عده بتكلفة تشغيل أقل على المدى الطويل وراحة أكبر، عيوبه يحتاج وقتًا لتسخين الخزان، وقد يُعاد تسخين الماء المخزن عدة مرات مما يستهلك طاقة. بينما السخان العادي (الفوري) أفضل للاستخدام الفردي أو الأماكن الصغيرة، يوفر استهلاكًا للطاقة الكهربائية

عندي قناعة ان الرخام وتكسيات الواجهات المتكلفة لا تناسب المنازل والأفراد اتركوها للمشاريع الحكومية والاستثمارية التجارية و لوبي الفنادق والمتاحف لا تناسب البيوت خاصة الصغيرة والمتوسطة

كلام سليم 100% في النهاية تكاليف عاليه في صيانة المبنى الافضل البساطه في البناء والفخامه في الاثاث

بيض الله وجهك ابوعيد على الي تقدم ممكن تذكر الحلقه كامله

مايحضرني اسم الحلقة

اول شيء لايستخدم الرخام للخارج ( الواجهات ) يستخدمون الحجر وهو الافضل لجودته مع عوامل الجو الخارجي وتوجد انواع كثيرة اسعارها مناسبة وفاخره مثل المصري والايراني والاردني

هناك فارق كبير بين الرخام والبورسلين

اتفق.

الكلام ممكن يكون صح في بعض الامور لكن غير دقيق في امور ثانيه، السخان المركزي مثلاً سعره في قطر 13000 مع مبرد مع فلاتر، انا عندي في بيتي 15 مخرج ماء منهم 9 حمامات و4 بين مطبخ كامل ومطبخ تحضيري ومخرجين غرفة غسيل ومخرج للحوش، اذا بركب في اذا بركب سخانات عاديه بتكون التكلفه اعلى خصوصاً اذا بزيد مبرد للصيف وفلاتر، بالاضافه الجماليه في الشكل حتى وان كانت في الحمام الله يكرمكم، بس موضوع الرخام والبورسلان كلامه صحيح الى ان الارقام ممكن ما تكون صحيحه وما اعتقد ان السعودية اغلى من قطر بوايد او مستحيل، لكن وجها نظري اصرف على بيتك ببذخ وشطم ارقى تشطيب (بحدود ميزانيتك) هذا رايي البيت لازم يكون احسن شي اقدر اسويه