المقاولين دخلوا على الخط وهذا من المؤشرات الجيدة في تحسين التكلفة للمساكن . ✅

اشوف هذا الحساب يشرح تكاليف البناء بشكل مبسط يمكن الاستفاده منه لمن يرغب في البناء ومعرفه التكاليف قبل البدء وحساباته تتوافق مع اسعار السوق الحاليه

CEO Pedro Franceschi outlines how businesses can effectively manage spending through automation and enhanced access to real-time financial information. @pedroh96 #ad

ماتوقع راح يعملها إلا انه يدفع من جيبه اكيد / لو افترضنا فيلا مساحة 400 متر طابقين مع سور وخزان وغرفة صرف بمساحة ارض 400 متر . كل طابق 200 متر وعمق الحفر 1.5 متر وقواعد منفصلة ، كم تكلفة المبنى مع المواد عظم ؟ - التامين ضد العيوب الخفية 8 الف ريال دفعة اولى. - الحفر مع ترحيل ناتج الحفر 12 الف ريال . - تهيئة الموقع من تسوير وماء وكهرباء ولوحة تعريفية 10 الف ريال. - حديد المبنى كامل 30 طن سابك بسعر اجمالي 81 الف ريال - خرسانة مسلحة وخرسانة عادية لكامل المبنى مع البلك العادي والمعزول 85 الف ريال - مواد تاسيس السباكة للميدة والسقف والكهرباء مع شغل اليد للفيلا كاملة 30 الف ريال - مواد العزل للقواعد والميدة والخزانات 20 الف ريال . - الدفان للأساسات والميدة 12 الف ريال . - حارس وعامل مساعد لرش المبنى ايجار شهري لمدة ٥ شهور 10 الف ريال - قيمة اتعاب المقاول المتر 130 ريال للمبنى 52 الف ريال وتضاف اليها والخزانات والسور والذروة وغرفة الدرج 30 الف ريال الاجمالي 82 الف ريال . المجموع النهائي 350 الف ريال غير شامل الضريبة. سعر المتر يصبح 875 ريال غير شامل الضريبة ممكن احد يفهمني شوي كيف 550 ريال !! او يوجد لعبة بالحسبة اي انه لا يحسب السور والخزانات ويفصلهم عن السعر المبنى.! 😅

إن طلبت أن تطاع فأطلب مايستطاع 🤝 كثروا الشريطية في السوق مابين شريطي عقار وشريطي مقاولات وشريطي تمويل .. وللأسف جميعهم هدفهم واحد .. هو طريقة الحصول على المال بالتحايل والتلاعب ⚠️ نحنوا نعمل في المقاولات ولله الحمد ونعمل بشغل نظيف وأمانه وذمه وضمير والميدان يشهد على ذلك .. ولا نشتغل مشاريع تجارية .. نشتغل بناء للأفراد فقط من أجل السكن .. ومع ذلك التكلفة تطلع علينا من 480 الف إلى 580 الف .. ويحكم فارق التكلفة المواد والأنواع والجودة والتنفيذ .. للأسف الشديد '' التفاصيل البسيطة هذي لا يعلم بها العميل '' وهنا يجي تلاعب وتحايل المقاول في المواد وجودتها وكميتها وتفاصيل كثيرة بحيث انه يقلل التكلفة ويتخارج بهامش ربح عالي .. إضافة إلى كلام الأخ في المقطع .. المتوقع ان لديه فريق عمالة كامل ومتكامل لكي يفرق معه سعر التكلفة .. عموما الكلام غير منطقي خاصه إنه ذكر في المقطع ان جودة المواد عالية جدا ومن أسماء شركات كبيرة .. ولكن الأقرب للفيديو انه تسويقي أكثر وجلب قاعدة عملاء كبيرة فقط ( شو إعلامي ) ✋🏻

اعرف شركات ياخذون ٥٠٠ فقط لكن وقت التمتير يطلعونها من عينك وتجد نفسك بين الغبن والتحسف. حتى لو تفاهمت معهم على الأمتار من واقع المخطط في النهاية يطلعون لك من تحت الدرج بسوالف ومظلوميات. حلها بسيط العشره الي خذو العرض لا يوقعون شي الا بعد التأكد من تجارب عملاء سابقين لنفس المنشأه.

يوجد قروب تلقرام جديد اسمه اتحاد المقاولين المعتمدين السعوديين للمقاولين

كذلك ثقافة المستهلك اختلفت واصبح يوازن بين احتياجة والمبلغ اللي يدفعة، اما ناحية الاسعار انا متاكد ان فيه حيلة بالموضوع لان الدبلكس 300متر مسطحاتة 560 m لو قلنا سعرة الاخ 550 معناتة مبني ومشطب ب 288 الف واتحداه يثبت العكس، الغش والتدليس اصبح سمه، ومستعد للمناظرة معه.

السعر هذا مستحيل .. لكن شكل العبه في التمتير .. والغرض من هالاعلان سحب اكبر عدد عملاء .. مثل اللي يبيع سياره يقولك بسعر رخيص وتروح عنده يقولك المكينه لها سعر والقير سعره لحال .. 😅👍

ترى طريقة التمتير المعتمدة بالعقد، و بعض التفاصيل الدقيقة الخفية في التعاقد هي ربح المقاول. عن خبرة لا يغرك نزول سعر متر العظم ،وركز على طريقة التمتير وبعض المواصفات ترى يطلع المتر عليك غالي اذا خلص بيتك. انا لا اطعن في صدقه الله يبارك للجميع ويرزقه من فضله اذا نيته خدمة الناس.

عظم هذا حقة امابين ٥٠٠ الي ٥٥٠ التكلفة

عندنا شغل العظم ب٥٠٠ شامل الضريبه ونفس المواد وحسب الكود السعودي مقاول سعودي

ما جاب شي جديد هالسعر حالياً بالسوق يتراوح مابين 550 الى 650 على حسب الطلبات لزبون و الجودة المطلوبة ..

لدينا في مؤسسة الفوارس للمقاولات العامه و الديكور سعر المتر عظم شامل المواد بحسب طلب الزبون بـ ٤٥٠ ريال كحد أقصى بجوده تخضع للإشراف الهندسي من اكثر من مكتب هندسي.

بكل امانة للاسف كلامه غير صحيح وغير دقيق من واقع تجربة معهم لان طريقتهم يوهم العميل بالسعر ويضربه بالتمتير ؟! لا يملكون عمالة تخصهم وتحت ادارتهم ؟! معظم العمالة من الشارع ؟! عدم التزامهم بالمواعيد في الشغل ؟! ادارة المؤسسة من جنسيه عربيه مشهوره ببيع الكلام وعدم الالتزام ؟!

هذا سعره المعروف … وين العرض بالموضوع ؟؟؟

يعتبر سعر العظم باالمواد ٥٥٠ - ٥٧٠ - ٥٨٠ -٥٩٠ -٦٠٠ اذا الواحد اجتهد ممكن يحصل عليها بشرط تدرس مخططك جيدا وحسبه دقيقه وكذالك تحرص على موضوع المقاول وبنود التمتير هذي الاسعار ممكن باالقصيم مناطق اخرى فيها صعوبه نوعا ما

كلام فاضي وادعاء عمل الخير وانه مو كسبان ترى الوضع الطبيعي الان في السوق تكلفة المتر المربع عظم وشامل المواد وحسب الكود السعودي ماتتجاوز ٤٥٠ ريال للمتر

تعال عندنا ب.350الف

ماضيع الناس و خرب الاسواق الي زي هالتصرفات ، هو يقول انا ماني كسبان بس يهمني اني وسعت دايرة العميل 😂 يعني هو معترف انه خسران ؟ يعني يبي يبني للناس من جيبه ؟ الاخ يحسب ان سوق المقاولات زي سوق البرجر ولا الشاورما . الله يهديه والمفروض هالمقاطع هاذي ماتنتشر .

غالي جداً وضحك على المغفلين ..؟

معظم المقاولين ب 450 ريال للمتر مع المواد.

مافي شي اسمه سعر ثابت الاسعار تختلف من مبنى الى اخر والفيصل في تحديد السعر نوع التربة وتصميم المبنى ونوع المواد المستخدمه اما التسعير بهذه الطريقة فهو تسويق فقط

يا رجال سويتها المتر ب ٤٥٠

٥٥٠ ريال عظم هذا سعره من زمان. اذا بالتشطيب اتحدى ياشيخ

ماشاءالله ربي يباركله

غالي وبعدين كلام عام وعند معرفة التفاصيل تبان الامور بشكل أوضح

ياجماعه السالفه ماهي سالفة 550 للمتر ولكن السعر يتوازى مع المواصفات واي واحد يقول غير كذا فمعناه فيه خربطه بالشغل تقدر تسوي المتر ب400 ومواصفات رديئه جداً وايضا فيه المتر ب700 واكثر وبمواصفات اعلا وارقى وهكذا الله يوفق الجميع

والله انه كذاب وانا مقاول ٢٣ سنه انه مايحصل هالسعر حتى لو بناء نص مسلح وتشطيب بدون جبس بعد متر البلاط لوحده مع شغله مع المواد يوصل ٥٠ ريال متر خرسانه السقف ٤٠ متر المقاول١٠٠ الجبس سعر المتر المربع ٤٠ ريال جبس وبلاط ٩٠ ريال + دخان السقف ٢٥ ريال كذا المتر ٣٠٠ الباقي ٢٥٠ ريال

يقول عظم بالمواد مب تسليم مفتاح للاحاطه

هذا سعر السوق واغلب السوق من ٤٥٠ الي ٦٠٠ ريال وش التسويق هذا وين الجديد وعلئ فكره المقاول ياخذ ٤٥٠ مع اشرافه ومتابعته وكل شي والمهندس ع المالك الطلعه ١٠٠ ريال حدث العاقل بما يعقل يا ناس

فيه أرخص وجودة في السوق

اذا هو سعر المتر لمسطح كل دور فالسعر بلاش جدا وننصح فيه اذا سعر المتر ٥٥٠ : - لمتر السور - لمتر السترة - لمتر الجسور - لعتبة الدرج - لمتر الخزان * ٢ - لمتر البيارة * ٢ او * ١.٥ فهذا استغفال واغلى من السوق كله

انا ماكذبه لكن كلامه غير منطقي توني مخلص قبل شهر والتكلقه مفتاح كانت ١٤١٦ريال

طابوق وحديد ما هو كيك ! ماهي أفضل المواد ؟! فيه مدن لا تتجاوز التكلفة ٤٠٠ ريال ..