المقطع هذا حصلته بالتيك توك واغلب الردود كانت ( الطيب كايد ) 🤔 هل فعلاً الطيب كايد .. ولا الي مايستحون ويحرجون المعازيب واجد ؟

في مثل دارج عندنا يقول : السنافي يتحمل و يتجمل و عبدالله بن زويبن الله يرحمه قال بالطيب "متجودٍ في حبال المجد تجويدي لو مامعه مال وظروفه صعيباتي"

الي يقولون الطيب كايد دق عليهم والله ما يفتحون الباب

هذا الشيء كان يفعله بعض الصحابة فنزل القرآن الكريم بالآيات فالبعض هداهم الله يستأنس بالحديث فيمكث بالساعات دون مراعاة لصاحب المنزل وظروفه وقدرته البشرية

الديوانية وضعت لاجتماع الرجال على علم طيب وان حصل علم نافع ، وصاحب الديوانية لديه حياته الخاصة بأهله وعياله لم يخلق ليفتح المجلس من الفجر حتى منتصف الليل. الحياة تطلب وترتيب الاولويات مايعارض الكرم والجود. لكن بعض الناس بثر ، وكثيرا ممن يقولون ( الطيب كايد ) ، لم يستقبلو في مجالسهم أحد فهم يشبهون العينات التي تأتي صباحا لصاحب الديوانية ولا تغادر إلا بالمساء.

الطيب كايد والمراجل صعيبه واهيبٍ مالله وحظ وتوافيق مثل الهدف ماكل رامي يصيبه ياكود من حضه على الطايله سيق

لولا المشقةُ سادَ الناس كلهمُ الجود يفقر والإقدام قتّالُ المتنبي

اولئك شحاذين وليسو ضيوف وهناك فرق بين الضيف عابر سبيل وبين الشحاذ (الهوملس).. واقدر اطلق عليهم اشقّاء الهوملس هؤلاء لو تعطيهم بيتك وعيالك ورصيدك كله ماسدت عيونهم ولابطونهم .. الضيافه والقرى عند العرب هو طعام وشراب ايام معدوده حسب حالة ومكانة الضيف وليست الضيافه وصايه او تبنّي او كفاله!!

يقول ابن بتلا أثر الرياجيل تفرق بالمدى والعزوم الطيب كايد وحزات المواقف محك ويقول عويجان الرويلي الطيب ياللي تريدونه رجمٍ طويلٍ على قاره ياعيال ياللي تنطونه من يرقبه عارفٍ كاره مير البلا شعيّبٍ دونه كله خناتيق وجحاره

الكرم والجود والطيب ماله علاقة بتصرفات الثقلاء ومن يطيلون المكث في المجالس ، النبي عليه الصلاة والسلام كان أجود الناس ومع ذلك كان يستحي من ضيوفه إذا أطالوا المكث عنده ، فعاتبهم الله بقوله : ( فإذا طعمتم فانتشروا ، ولا مستأنسين لحديث ، إن ذلكم كان يؤذي النبي فيستحيي منكم ) .

اتفق. مقابل الناس في محلك يوميا يحتاج له طاقه نفسيه عاليه لأنك بحاجه إلى مجاملتهم ومدارتهم ويجونك من كل شكل ونوع وتكون بعض الأيام مكب لهمومهم وكأنك شخص ما عندك امور وظروف تمر فيك الأمر يحتاج له جهد نفسي. الموضوع مهو موضوع بخل أو كرم