المنطق العقلاني يقول لا تتملك منزل وجهه نظر للدكتور بن جنيدب

في مقطع جميل شفته من قبل لراميت سميت احد المهتمين بمجال الادارة الماليه تكلم عن نفس الموضوع وعلى الرغم ان المقطع يتبنى كثير من الامور الخاصه بالتملك في امريكا مثل ضريبة السكن الخ لكن الفكره العامه تنطبق عندنا كمان للاسف كثير ناس يعتقدوا ان التملك امان وهو بالواقع سجن له ولاسرته لـ ٢٥ سنة

أنا أتفق معه جدًا، وأجدادي الله يرحمهم كانوا عندهم نفس الفكرة من زمان كانوا يقولون: إذا صار معك قرش «ادفنه» (اشتري أرض)، لا تشتري بيت، ولا تشتري كل ما مرّ الهواء تحته أو من داخله (سيارة أو شقة) كانوا يشوفوا إن الأرض تحفظ رأس المال وتزيد قيمتها مع الوقت، وما تحتاج منك مصاريف وصيانة والتزامات مثل البيت، وإذا ما احتجتها اليوم، تتركها لبعدين. وإذا جاء يوم واستقريت وصرت جاهز، تبني عليها، وحتى تقدر تأجرها وتنتفع منها، بحكم أن الأغلب أراضي زراعية، فكانت أصول مدرّة طبعًا إذا الواحد محتاج بيت يسكن فيه، هذا شيء ثاني. لكن تشتري بيت فقط لأن «لازم أملك بيت» وأنت لسه في بداية حياتك، هنا أنا مع فكرة إنك تحافظ على سيولتك وتخلي رأس مالك داير، لا تجمّده. وكثير من الأولين كانت هذه نظرتهم السيولة والمرونة بحد ذاتها قيمة. فإذا احتجت تتحرك لفرصة أو واجهت أزمة، تكون مرونتك أكبر. الكاش ورأس المال العامل يعطيك سرعة لا يعطيك إياها أصل يحتاج وقت للتسييل أعرف بعض التجار كانوا يشتروا سياراتهم بالتقسيط، وهم قادرين يدفعوا قيمتها كاش، لكن لأنهم كانوا يشوفوا أن رأس المال المتاح لهم يمكن أن يعمل في تجارتهم ويحقق عائدًا أكبر من تكلفة التقسيط وبنفس الفكر شراء أو إيجار بيت

الحياة فيها اشياء اهم بالاهتمام أكثر من دعاية"بيت العمر" التي روج لها تجار العقار ، واصبحت ثقافة جمعية للمجتمع ولايحكمها المنطق. التعليم وتطوير الابناء ،مع الاستمتاع بمراحل العمر حسب "المتاح" وليس فوق المستطاع. الحياة حلوه تحتاج ترفع نضرك أبعد شوي.

وجهة نظره تحترم لكن ضدها حتى لو نقل مدينه ثانيه يقدر يأجر البيت

بالفعل كلام سليم الأفضل تستأجر بعقد لمدة خمس سنوات و كل ما كبرت العائلة تستأجر شيء أكبر و في نفس الحي عشان المدارس و إذا تقاعدت استلم مستحقاتك و عمر بيتك على راحتك

كلامه كلام واحد ماقد استأجر مع كل الاحترام والتقدير للدكتور .

هو جلس مستأجر ولا تملك الا بعمر 60

صحيح وايلون ماسك ثروته تجاوزت الترليون دولار ولا يملك منزل إلى الان هذولا طال عمرك يرون السكن اختيار مو حاجة ويحق لهم لأنهم أثرياء . احنا نراه حاجة لتأمين حياتنا.

هذا المقطع كثير راح يعارضونه خصوصاً العقاريين

كلامه غير صحيح انا تملكت منزل ولله الحمد بعمر 36 سنة وكان اهم سبب بالنسبة لي ولعائلتي للاستقرار والرفاهية

بيت العمر = قبر العمر بالحياة والله يعين اللي تورط لو ان الناس تعقل وتخلي البضاعة لراعيها لعفنت وترجاك تشتريها ، وهذا ما كان قبل نكبة التمويلات العقارية وتسهيلها من وزارة خراب الاسكان ، والان من اسباب ضعف القدرة الشرائية وضعف الاداء الاقتصادي هذا الموضوع .

كلام جميل

لم يقل البديل ادخر و استثمر في اقل المخاطر عن نفسي كنت بهذي النصيحه ادخر و استثمر و لكن بعد ٢٠ سنه ما ادخرته و استثمرته لا يكفي لشراء منزل الاسعار ارتفعت و التضخم ارتفع و الاستثمار فيه مخاطر و خساره

هذي نفس نصيحة اللي قالو قبل عشر سنوات لاتشترون عقار بينزل سعرة بالاخير قمم بنصح جميع نسلي بالمستقبل اول خطوة يخطونها بمسيرتهم المهنية يشترون بيوت. وفي حال الله رزقني بالمستقبل راح اطق ارض وأقسمها لكل واحد فيهم .. اللي عاشو عياله بقفص مايعرف نعمة البيت للاطفال والأسرة ..

والله صادق في هالزمن صعب تملك سكن لاكن الفرج من عند الله سبحانه وتعالى

الموضوع بسيط ياجر البيت الي اشتراه ويروح للمدينه الي نقل فيها كذا صار عنده عائد استثماري

نوعاً ما اتفق معاه 😅

كلام منطقي بزاف، تبارك الله عليك.

الى أن يعود

مع ارتفاع الاسعار بشكل جنوني التملك افضل حل خصوصا في بدايه حياه الشاب اذا كبر يكون عنده بيت ملك ومع زياده المصاريف العايليه بيرتاح. شوي …. الشقق كان الايجار 15-20 الف الان 70الف موت وخراب بيوت

كانت الشقه قبل 7 سنوات في شمال الرياض ب500 الف صارت بمليون وزود الارض كانت مترها 900 صارت 5000 ريال مايقول هالرأي شخص مطلع ويفهم ..