#النصر_الدرعيه جمهور الدرعية لا ماتوصل كذا السامري له قيمته وله أهله ولهم كل الاحترام بس المباراة نبيها حماس وتشجيع مو جايين نحضر مناسبة والا احتفال هذه بصراحة مالها اي علاقة بكرة القدم اتمنى مانشوفهم المباراة الجاية

هذي عرضه الله يصلحك ، وليس سامري ، بالعكس عرضهم بطل 👍🏼👍🏼

لو انهم اجانب وحركات الفايكنق وهز السامبا وتقليعات غربية كان قلت ياسلااااام … !!؟؟ الا بيض الله وجييهم وجمهور عز من الجميع اي كان جنسياتهم وحضورهم اضافة كبيرة للدوري … كفو يالدرعية ❤️🤍🇸🇦

بديت اشك أنهم حقين الزواجات مافي اليوم زواج جمعوهم للملعب

جميل هذا الاحتفال مختلف بعيد عن الازعاج والأبواق والضجيج من اجمل ماشاهدته اليوم هذا فريق يستحق الإعجاب والتشجيع.

يفشلون رياضتنا إلى الهاويه المشروع يمشي في الطريق الخطاء بدال ماتدعم الشباب والاتفاق والتعاون. تروح تدعم انديه لابطولات ولاتاريخ زي الدرعيه ونيوم والعلا والخلود

قسم بالله مرضى منظر وانا من خلف الشاشه اتفرج جاني ضيقه منظر للاسف غير لائق في مدرجات كرة قدم

هدر ماااالي عظيم... اختيار غير مرفق! عرض جماهيري باهت وفاشل افتقد للفكرة والتنفيذ والإقناع.. جمهور مدفوع التكلفة ضعيف الحضور والتأثير من صاحب الفكرة لقد فشلت بكل المقاييس!!

خذو ملعبهم ورفعو تذاكرهم ورقصوو سامري قدام عينهم 🤣🤣🤣🤣🤣 سطططططططاوه ايييييه ارقصو جعل مايرقص غيركم

الفقراوية مقهورين منهم عشانهم اخذين ملعبهم 😂

الله يوسع صدرهم والله ذكرونا بالسنوات الماضية عندما كان المشجعين كلهم يتوجدون بالمدرجات بالزي الوطني 🇸🇦💚🇸🇦💚🇸🇦 💚🇸🇦💚🇸🇦💚🇸🇦

اتفق معاك جاين حفلة سامري مو مبارة !!!

يا اخي خليهم براحتهم هم بصراحة طلعوا بشيء مختلف عن الكل والسامري من تراث الوطن والله انهم كفو

مساكين لقمة العيش صعبه والا في احد يلبس ثوب وشماغ وعقال ودرجة الحرارة 45

مع كامل الاحترام شاهدتهم أمس قبل المباراة خارج وداخل الملعب 90 بالميه منهم من الجاليه السودانيه والمصريه الشقيقه ....

مية ريال و وجبه برست، ، مستأجرين جايين بمقابل مالي ويمشون بيوتهم ،، منظر وأسلوب ردىء جدآ ولا يليق بكرة القدم ،،، زواجات حفلات سهرات اي شي ولكن كرة القدم لا مو مكانهم ، اغبياء جدآ

للامانة جمهور جميل وغيّر من شكل المدرج في الدوري السعودي بل سابقه لم يسبقهم عليها اي نادي استمرو وامتعونا 👍🏻

يقلدون فريق القلعه من الجوف

نادي القلعه بالجوف عندهم نفس طريقة التشجيع وكنا نشوف مقاطع الثناء والإعجاب بنقلهم التراث والفلكلور السعودي للمدرجات فلا اعرف سبب انتقاد الدرعيه ومالفرق بينهم وبين نادي الجوف

افضل جمهور جمهور نادي الدرعية بالزي الوطني السعودي، (تحية لكل فرد)

شغل طقاقات يشتغلون بالفلوس 🤣

السامري له قيمته ههههههههه !! ذي جديدة والله طيب وين المفروض يكون السامري عشان نعطيه قيمته ؟

والله فالينها😍 لو داري حضرت😃💛

انا بصراحة لاحظت علامات السوكنه في بوشل و خيبور اهتزاز من أثر الطق و الطيران و ربك سلم ، فما بالك لو كان ناصر الدوسري و كوليبالي و كنو من الهلال امام الدرعية.. ومن بيسري ما فيهم وسط الملعب

حق ينبسطون. بس المشكله لاقمين 4ومواصلين يطقون 😂

مب جماهير للدرعية جايين يطقون على غير سنع

بينما عادي عندك جمهور النرويج وحركه الفايكنق وكان المظهر جميل وممتاز 😂

ليش هابين عليهم فريقهم وهم حريين روحوا وشجعوا فريقنا مثل ما تبون

كورتنا وراها شخص او مجموعة فاشلة. الدليل قل الزخم عن اول موسم انطلق فيه دوري المحترفين. دوري فاشل موجه لا يوجد اي فكر او هويه لكورتنا

كلن له طريقته واهازيجه ومايعجبه بالتشجيع اذا ماعجبك بسلامتك شف لك سامري واحضره نسمع في المدرجات من زمان اهازيج واغاني والاغنيه الاسطوريه الي غثونا فيها بالمدرجات يامنيتي ياسلى خاطري 🤣 ماقلنا انتم مو فنانيين عشان تغنون ولا تطبلون

والله انهم حماس ماشاءالله يكفي الزي السعودي ماشاءالله في المدرجات اذا جت الكاميرا عليهم ترتيب وتنظيم الصدق اهنيهم.. هم كذا طبعهم.

هذا ماهو جمهور. هذي فرقه. الدرعيه.

ليش مافعله جمهور النرويج في كأس العالم تراث وأعجب به العالم أما تراثنا ترفضونه

مصدق انت انهم جمهور واضح وضوح الشمس انه فرقيه ولا يدرون المباراة بين مين و مين