الوضع الان 😱

يا خريص يا خريص عذبتني يا خريص كل يوم سرداد مردادي ما شرقوبك حداة العيص ولا حطو الخرج به زادي اللي مهونها جميل الفيس ترثت مطانيخ واجوادي ان جيت هلا وفل الكيس حلو النبأ دوم نشادي كل ما هددنا حذفت بليس ويحوم طيري ولا صادي

صح لسانك

صح بدنك يا نجمة الكون

أنا مستغرب من مرور الرياض ليش مافي حل لهذي الزحمه أنا بقولكم السبب لوتلاحظون ان الشوارع كلها مافيها دوريه مرورحتي لوصارحادث ينتظرون نجم لوبين كل عشره كيلو دوريه مرور تقررالحوادث في وقتها والله ماتشوف زحمه كانو يظعون رجل مرور ينظم السير فوق الجسر الحين مافي لاكن التنظيم عندالبلفار

اي والله صادق انا اليوم وأمس راجعه من مؤتمر في مركز الملك عبدالعزيز الدولي للمؤتمرات طلعت روحي من الزحمة امس كان السبب تعطل وايت بس على فكرة كل مره نفس الشي والله كرهت الطلعة😩 بس الغريب ام الجهة المقابلة اللي رايح للمركز مو زحمة كل مرة نفس الشي

المشكله ومافيها اخر خمس سنوات فيه توجه لتكديس المواطنين ف الرياض كلها عشان الوظايف اللي هناك واغلبها موسميه او شركات برواتب زهيده مقارنةً بغلاء الاسعار ف العاصمه بدال مانبني مدن او نطور محافظات بمشاريع تنمويه إلى مدن صغيره متكاملة الخدمات نروح نجبر سكان المحافظات للهجره لرياض؟

لو يمنعون ابوبكس و الهنود من سياقة السيارات بتزين الرياض مليون مرة . فيهم غشامه ودلاخه تسد شرايين الواحد قبل تسد مخارج و شوارع الرياض . بالإضافة لدبابات التوصيل يحتاجون تنظيم و إعادة اختبار قيادة الدباب لأن حرفيا ما يعرف يسوق ويسببون حوادث كثير

خمسين بالميه تأشيرات زيارة وشغالين مناديب ومقاولين وكل شيء شغالين فيه هم سبب الزحمه والقرف هذا

شكل الوضع يبيله سياكل ويالله الخراج

اجل وش يقولون شبابنا كل يوم فى هذه الزحمه رايحين لإعمالهم ربي يرزقهم من واسع فضله

السيارات اكثر من الناس و الشارع ثلاث مسارات وضع طبيعي عامل . رجل . إمرأة . حتى الطفل معه سيارة الحلول عقيمة لانها تدور بنفس الفلك قفل شارع افتح يوتيرن يجب عمل حلول سريعه و منظمه مثل اهالي الحي ليه مايكون عندهم باصات صغيرة تنقلهم بالحي بقاله مطعم مدارس .

ارحلوا للمناطق الصغيرة تعيشوا براحة

الوضع غير مقبول ماصار فينا انتاجيه ولا صحتنا تتحمل

لا اله الا الله، الحمدلله كلهم طلعو من جده وراحو إلى الرياض 😂🦾

هذا وقت الذروة من 6 الى 9 صباح وتنتهي الزحمه في هذا الخط هذا خط مكه المكرمه مصب الدخل المحدود ونجم الدين وطويق كلهم يخرجون من هذا الطريق الخط الثاني فاضي باتجاه نقطه القديه

وباقي 🤦🏻❤️‍🩹القدية لحالها بيكون عدد سكانها نص مليون

الوضع الآن هكذا في شوارع جدة والرياض

جده اخف بكثير

يانجمة ماشفت شارع الحرمين بجدة ماشفت زحمةشوارع البلدخاصةمع شراء اللوازم المدرسية اللي عاجبني وأنامقهور من الزحمةانسيابيةالحركةولوبطيئة واللي ماهوعاجبني ان الحل في بعض الشوارع قفلها لتزداد الزحمة زحمة ويزداد الضغط ضغط امًا قمًة الضغط فارتفاع البواري اثر حادث احتكاك بسيط وطوط وطيط

طيب ما تحبين الزحمة خليك في سديرك .. مثل ما يقول المثل خلك في سديرك توسع صديرك 😁

الحمدالله انى فارقت الرياض ورتاح قالوني وظغطي اروح مشوار كانى مسافر للحجاز 6 ساعات عشان اخلص شغل

السكان في دبي مع السياح اكثر الرياض ولا فيها هذي الزحمه والرياض اكبر مساحه من دبي

اجل وش المشكلة

المفروض توضع طرق وكباري أضافية حتى تخف الزحمة

الوضع متعب. زحام ممل الموظف المسكين الذي أتى من مدينته طلب اكل العيش نصف مرتبه بنزين والآخر إيجار والله ان بعض الموظفين في الشركات يطلبوا المساعده من ابائهم ولا نعلم الحكمه من احتكار الوظائف في الرياض 🤔

قطععععع من هالديره

الله يعينهم زحمه. تذكرت زحمة طرق الرياض.

هناك ازمة هندسة مرور كبيرة اتمنى من الامن العام الالتفات لها. الحقيقة الهندسية التي يراها أي مهندس, خاصةً المهندسين المدنيين المتخصصين في هندسة المرور النقل والتصميم الحضري أن هناك قصور واضح بالعين المجردة في تصميم الشوارع وتخطيط الاسفلت وتوزيع المخارج والمداخل. ترك الامر للبلديات ومهندسين مدنيين ليس عندهم تخصصات دقيقة في المرور والنقل والتصميم الحضري سيجعل المشكلة ممتدة وطويلة وتزداد تعقيدا مع الوقت. الادارة الهندسية بالامن العام لابد ان تشترك في قرارات التصميم والتنفيذ بمهندسين متخصصين. @security_gov

مافيه حل الا اننا نصنع سيارات طائره ونفتك من الزحمه الخانقه 😡

الحمدلله ربي خارجني من زحمة الرياض ورجعت ديرتي

الزحمة مرهقة الله يعين الي ساكن بالرياض

وين رايحه كل هالناس ،، معقوله كلهم الرياض ؟؟

الرياض زحمة معروفة

حليت المسألة 😉

الله يعينكم .. حسيت والله بشعوركم .. جالس اداوم بعيد عن مسكني 🤦🏻‍♂️💔

امين

حقيقه الرياض في الزحمة لا تقارن بأي مدينة أخرى مشكلة اذا يطلع الواحد من بيته ويوصل للدوام بعد ساعه او ساعتين هنا يكمن دور الهيئة الملكية لمدينة الرياض و وزارة الشوؤن البلدية في ايجاد الحل المناسب لمثل هذه الازدحامات

رغم عشقي للرياض تركتها من خمس سنوات بسبب الزحام ورحت لديرة ابعد مشوار 10 دقايق 😂 وش اللي اجلس ساعتين رايح وزيها راجع عشان دوام غير المشاوير الخاصة اهم شي النفسية

احمد الله الف مره الف الف مره الي فكني من الرياض

مامعه غير القصيد لين الله يفرجها