الوضع مع المواقف

تخيل 10 سياح من دول مختلفه. كل واحد حجز سياره وفندق عن طريق تطبيقات. وصل المطار لقي افظل استقبال وأكثر الخدمات تطور. اخذ سيارته ثاني يوم وراح البلد ودفع المواقف. رجع لقي السياره مسحوبه بحجة مخالفه قديمة لو انها قبل اسبوع ولكن مع مستأجر قبله. ويدفع غصب عنه. كم شخص بيلغي فكرة انه يجي سياحة عندنا لما يسمع تجربه هذا الشخص. يجب ربط المخالفات بالتفويض الصادر للسياره. ولا لأنهم مخالفين في طريقتهم ما يقدرون يربطون في ابشر. إذا ليه باقي يشتغلون. كم من محل قفل في المناطق اللي فيها هذي الشركة بسبب عزوف الناس تروح هناك. لو ان كل واحد تنسحب سيارته بسبب مخالفه قديمة. ويروح لهم ويرفضون يترك السياره. يرفع شكوا. يتم إجبار الشركة تدفع قيمة إيجار سياره تعويض عن كل يوم. وتعويض عن أي تعطيل تسببت فيه هذي المشكلة. والله ماعاد يتجرأون على احد.

عزائي لأصحاب المحلات هاذي الشركه تسببت في خساير عليهم بشكل فضيع وسياستهم دنيئه ومخالفاتهم تتجاوز مخالفات المرور بنفسه عن نفسي وكثير من الناس الي اعرفهم مستحيل نوقف عند محل فيه مواقف برسوم سياسة دفع غبيه واغلب كبائن الدفع معطلة وغير واضحه

سألتكم بالله إذا رحتوا دول مجلس التعاون يشيلون سياراتكم بسبب تأخير الوقت أو نسيان دفع فاتورة المواقف؟ سيارتي خليجيه وكنت واضع على الطبلون علامة ذوي الهمم والبطاقة بأسمي المطابقة للسياره وكان موقف ذوي الهمم مشغول قسم بالله خالفني يقول لي ليش مش واقف في موقف ذوي الهمم؟ قلت الموقف مشغول قال لي شوف موقف يكون فاضي يعني أدور لين احصل لي موقف ما أحترم البطاقة داخل السيارة، غير هذا كثير من السيارات الخليجية يتم سحبها بسبب تأخير دفع قيمة الرسوم، يعني هذا تعامل يتم التعامل مع زورا السعوديه؟ خالفه او كلبش السياره بس تسحب سيارته ويجلس يدور عنها هو مع عياله وتدفعه قيمة المخالفه وقيمة سحب السياره؟ هل هذي أخلاق تعاملها واحد جاي للسعوديه يتسوق أو يتمشى تسحب سيارته؟ الرد لكم.

حسبي الله ونعم الوكيل على موقف واغلب العاملين فيها لهم نسبه من سحب كل سيارة وحالات كثير معهم مرضى عند المستشفيات تم سحبها

سحب السيارة المفروض تكون عن طريق المرور فقط،لايحق لاي جهة غير رسمية بسحب السيارة وخصوصا ان اللي يسحب السيارة اجنبي،وين وصلنا،المفروض مخالفة وترفع عن طريق تحكم لكن انك تسحب السيارة والله شي يرفع الضغط

ادفع ثلاثة ريال وريح راسك بالتطبيق بعد حتى مايحتاج تروح المكينة حقت الدفعة #المواقف

والله أنهم حراميه وجميع الموضفين أجانب ولا علم ولا معرفة أذا ما سحب السيارة كلبشها السحب تدفع 450. مقسمه على ثلاثة 150 مخالفة موقف 150 حق الونش 150 أجرة الموقف اللي تحت الكبري والكلبشه تدفع أجرة كلبشه 130. وردد حسبي الله ونعم الوكيل

أسوأ شي عندنا فالبلد تحسهم يغردون خارج السرب لاحسيب لهم ولارقيب وياخذون فلوسك ويغرموك بالقوة ومرات تكون عالمالك السابق للسيارة ويدفعونك وقتها او يسحبوها رسزيد المبلغ وعشان ترجع لك يشغلوك معقب تراجع المرور وجيب وجيب عشان فلوسك شركة هدفها غير محمود وحسبي الله فيهم

والله العظيم انهم حريصون على سحب السيارات بدون التاكد من رقم الموقف هل مدفوع انا دفعت عن طريق جهاز بجانب الموقف وسحبت سيارتي ودفعوني ٥٤٠ ريال بدون وجه حق ويرفضون اي اثبات ادفع غصب عنك مع عدم احترام من الموظف

مستحيل من اول مرة يشيلون السيارة سلامات