" أمّا بعد "

حبس الشعور اشد من حبس الجسد وانكى من الثنتين سجنك فالسّعه ضاقت بي دروبي على وسع البلد والحزن بابه له صرير وشرّعه قال ادخل ادخل وتحزّم واستعد ابنفض عظامك وجوفك بمزعه من يومها ياميمتي ماشفت احد طيرك على وكره وتكّو برقعه عقله كفخ والكبد يفراه الكمد وتو الوجع ما بان منه الاّ اصبعه ما عاد يمّه في ثيابي لك ولد يلفظْه ريح وريحٍ آخر يبلعه امّا قبل: وش جابها لـ امّا بعد: امّا بعد : سم وكرعنا منبعه كنا نشوف البيت قصر وله عمد اطيبنا مايلحق مداه ويقطعه اثر الكبير انتي ولا لفضلك عدد واثر المضيف انتي ولا مثلك دعه ياطيب قلبك كيف عن حمله قعد مايشتكي عنده من امر الله سعه كنّه على العالم وكيل وبه جلد ماجاه طالب حاجةٍ ما سنّعه الاّ بذاك الليل فاختْك وهمد سلّم مفاتيحه وصدرك ودّعه عند اللطيف الوارث الحي الصمد سبحان من نخضع له ونستودعه

"In the end they're not coming after me, they're coming after you. I'm just standing in the way." Stand with Trump and America First Republicans by joining Mammoth Nation TODAY.

من اعظم ما سمعت وقرأت في الرثاء اسأل الله ان يدخل جنتكم في الدنيا في جنة الاخرة وان يكرم نزلها مع الصديقين والابرار

جزاك الله خير اخوي مريح والله يحفظك ويحفظ لك احبابك ويسعدك 🙏🏼

الله يرحم اميمتك ويغفرلها ويجعلها في جنات الخلد يارب ووالديني وجميع اموات المسلمين يارب العالمين ، وصح لسانك أبوفيصل🌹

اللهم آمين وصح بدنك 🙏🏼

الله الله الله صح لسانك ياسيد الإبداع الله

صح بدنك والله يسعدك 🙏🏼

صح لسانك يالمختلف، ورحم الله فقيدتكم واسكنها الفردوس الاعلى

صح بدنك وجزاك الله خير 🙏🏼

غفر الله لها ولوالدينا اجمعين صديقه الوالده الوفيه دايما تردد عندي ام خلف ام خلف ام خلف. ابدعت ابا فيصل ايما ابداع

اللهم آمين يابو عبدالعزيز ويحفظ لكم الوالده وهي بالنسبة لأمي الله يرحمها بمثابة الاخت والصديقة ومستودع الاسرار الله يجمع لها بين الاجر والعافيه ويرزقكم برها