انا لو من الاب برفع قضية على الأم و اخذ حضانة الطفلة بالكامل و امنعها من الزيارة الا تحت حراسة و اشراف انت ايش ممكن تسوي ؟

الله لا يربحها😳واحد طلقك الله لا يرده توذين بنتك علشان شخص مايستاهل الله ياخذك من ام بنتي احارب الدنيا علشانها حتى اني ماربيتها تكره او تحقد على ابوها وهو طلقني وانا حامل يوم عرف ان جنس الجنين بنت رغم ان عنده ولدين وبنت من زواج سابق..ما اكسر بنتي واخليها تحس انها منبوذه من ابوها

الله يحفظ لك طفلتك و لا يريك فيها مكروه و نعم الأم 🤎

اذا كان عندك اطفال و انسحبت من زواجك لان اكتشفت ان زوجتك مختلة او ماهي طبيعية لا تنجو بنفسك وتترك اطفالك خذهم معك هم مسؤوليتك في ذي الحالة ابو هالطفله هرب وتركها عند هالوحش ماهي ام

لا حول ولا قوه إلا بالله قد شفت فيلم كذا ام تعطي بنتها أدويه تتسبب باضعاف عضلاتها حتى لا تستطيع المشي حتى تستلم إعانات حكومية ! ماتوقعت ان في قصص حقيقيه توصل لهذا المستوى السينمائي ! الله يسترنا بستره في ناس يحتاجون علاج عقلي ونفسي ماينفع يعيشون وسط البشر

فيه امهات يسوون اعظم وهالقصص كثير بس استغرب كيف بنت الكلب دبرت الانسولين هو مايباع الا بوصفة طبيه شكلها متعامله مع ابو مصير يضبطها الله لايوفقها ولايربحها لا هي ولا القرد اللي منهبله عليه

من القصص اللي مستحيل تغيب عن بالي🥺

ذي فيها مرض نفسي او بالاصح متلازمة مونخهاوزن بالوكالة (MSBP)أو FDIA يخلي احد ابوين الطفل او اي شخص يرعاه يلفق له مرض ماهو فيه ويتسبب عليه بأعراض حقيقيه بس عشان ياخذ دور المنقذ وانه فيه احد يحتاجه للابد ليكسب تعاطف الناس هم كذا مجانين يعجبهم الشقى واللفلفه بالمستشفيات والصيدليات

؟؟من عطاها هالبهيمة حق الانجاب؟حتى البهايم ماسوت كذا بابناءها كل ذا عشان اتنشن تدمرين مستقبل وصحة انسان عشان شي تافه زي الاتنشن اتمنى انهم سحبو البنت منها واعدموها ذي النفس كثير عليها

هذي قصة فيلم امريكي عن حادثه حقيقيه عندنا ليس سهل فعل هذا ستكتشف على طول

عمري ما لفت انتباهه حياة عيالي وصحتهم خط أحمر أعوذ بالله من كل مرض يؤذيني ويؤذي من حولي

حفاظاً على سلامة نفسيتي يعتبر القصه كذب ..

عرفنا ليه زوجها طلقها، بس ليته ينقذ بنته منها

مو صاحيات لازم يتعالجن وحده تكب فلاش ووحده تضرب بنتها أنسولين !!!!!!

ذي مريضه و لا عندها لا عقل ولا كرامه تطارد واحد ما يبغاها اصلاً كل إللي يحبون لفت الإنتباه فاقدين الثقة في انفسهم

واذا طلعن بعض البنات بالسوشل ميديا يشكن من امهاتهن اتهموهن بالكذب وبحث عن محتوى والا قالو كثر التحريض على الأم !!!!

كيف ماتحول الامر لقضيه ويتم سجن الام بسبب سوء المعامله؟ ليش الدكتور الي اشرف على هذا النوع من الحالات مابلغ؟ فعلاً لازم يكون فطن وتكون المسؤولية الاجتماعية عنده عاليه لان غلط كذا تمر هالحلات بدون عقوبه حرام هالامهات وهالاباء يرجعون لبيوتهم ويعيشون اطفالهم بضيم.

مستحيل يكون حصل بالسعودية لان بيكشفونها على طول

الحمدلله الذي عافانا وفضلنا على كثير من خلقه تفضيلا كثيرا 💔 أتوقع كل شيء من الدنيا ذي إلا أن يكون الوجع مصدره ) أم ( لا تخاف الله في ضناها 😭💔 هذا جرم حسابه عسير إن شاء الله 👌

هذي جريمة وشروع بالقتل كامل الأركان طفلة تحت سن التمييز وبسن طفولة سنة ونص وامها تعطيها الأنسولين اللي هي مو بحاجته وممكن يقتلها

سجن هالمجرمة ومنعها من رؤية الطفلة نهائيا

فعل محرم شرعًا، ويعد جريمة كبرى. جناية عمدية محرمة: يعد هذا الفعل اعتداءً آثمًا على النفس وتضييعًا للأمانة، قال تعالى: {والذين يؤذون المؤمنين والمؤمنات بغير ما اكتسبوا فقد احتملوا بهتانًا وإثمًا مبينًا}. شروع في القتل: حقن الإنسولين دون حاجة يعرض حياة الطفل للخطر، كما أن طلب استئصال البنكرياس يعد سعيًا للإضرار بالجسد، قال تعالى: {ولا تقتلوا النفس التي حرم الله إلا بالحق}. إسقاط الحضانة: تسقط أهلية الأم للحضانة بسبب إخلالها بأمانة رعاية طفلها، قال تعالى: {يا أيها الذين آمنوا لا تخونوا الله والرسول وتخونوا أماناتكم وأنتم تعلمون}. العقوبة التعزيرية: تستحق الأم عقوبة تعزيرية يقدرها القاضي بحسب جسامة الفعل، قال تعالى: {إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض}. ضمان الجناية: تلتزم بضمان ما ترتب على فعلها من أضرار، ويكون الحكم بالدية أو الأرش بحسب الضرر، ويثبت القصاص عند تحقق شروطه إذا ترتب على الفعل وفاة، قال تعالى: {وكتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن والجروح قصاص}.

طلعت مسلسلات الصين القصيرة صادقة وانا افكرها خيال حسبي الله عليها المريضة

سحب حق الحضانة منها ومحاكمتها

هذي مريضة المفروض لا تتزوج وتشيل الحضانة منها الحيوانه هذي سيكوباثية رسمي المفروض مستشفى شهار النفسي

ليت ما سمعت القصة و اتمنى انها مب حقيقة

انا تركت كل شيء وركزت عليها هيا ليه تحكي السالفه وهيا تضحك ؟

كل يوم تزيد عندي القناعة ان مو كل ام ام حسبي الله عليها من ام حتى اليهودي مايسويها كيف قلبها طاوعها تسوي ببنتها كذا الله لايقسي قلوبنا

ياخي شي مو منطقي ابداً فيه الف طريقة لممارسة لفت الانتباه غير انها ترتكب هالجريمة في بنتها مضطربه اللهم عافنا ولاتبتلينا ولاتعلق قلوبنا بغيرك يارب

قصتهم ممثاله لقصة طفله أعرفها ولكن أمها طبيبه نفسيه للأسف فلملموا الموضوع ولكن ربي يمهل ولايهمل واسأل الله أن ينجي الطفله منها ومن مكرها وخبثها ومرضها النفسي.

الله يسخطها المريضة بدون كرامة

أنا الاحظ أن بعض اللي تخلع زوجها تعتقد بعد ذلك انه عايش على ذكراها حزين . و لا يقدر على ممارسته حياته،الأولى الحب لها ما يقدر يتزوج ويحب آخرى شوفوا تعليقاتهم على المواضيع الاسرية تؤكد إنهن مريضات هنا لاحظتوا تبغى تزيل البنكرياس من طفلتها

حسبي الله ونعم الوكيل هذا جريمة لازم تتعاقب عليها كانت راح تعرض حياتها لخطر إذا كانت مريضة تتعالج

هذه ام مريضه نفسي ( غير سويه ) لاحول ولا قوة الا بالله

وجع ضناكم الله لايجعل لكم ضنا وش هالأمهات عمى بقلوبكم غير ماهي معمية وجعة جظي اللي راح ومارجع وش هالقسوة وين الأمومة فيه هالأشكال