إنتبه تفتح احد هذه المشاريع ٩٩٪ منها خسرانه نادر اللي ينجح فيها

وجهة نظر تخصك يالفوزان ولا تفرضها على الناس مغاسل السيارات والملابس اقل تكلفة في فتح مشرووع ونادراً او مستحيل تخسر

ينصحك ماتفتح محلات تجاريه حقيقية عشان تشتري تطبيق متجر من عنده 😂

الي يبي يفتح تجاره ومافيها خساير ولا غرامات يفتح محل ورشة سيارات الحديد ماينتهي ومافي خساير كهرباء كم لمبه ومروحه والله فيها خير بس بشرط يداوم مع العمال 👍🏻

للأمانه اجلس شهر وزياده ماغسلت سيارتي والسبب الزحمه اللي على مغاسل السيارات وهذا يقول مشروع خسران ومن ناحية مغاسل الملابس كان عندي اربع مغاسل ملابس قبل ثلاث سنوات واقل وحده فيهم كانت تصفيلي في الشهر ربح لايقل عن ال6 الاف وفيهم وحده كان ربحها في الشهر لايقل عن ال10 الاف لكن اظطريت ابيعهم كلهم على احد الزملاء لاني كنت محتاج سيوله لدعم منشآة تجاريه أخرى املكها وزميلي ماشاء الله حاليا معين خير منهم ويدعيلي بسببهم ممكن اتفق معك في الكوفي هو اللي مكلف ومخاطره عاليه ونسبه كبيره يفشل

رحموين وحنينين😁 ها المشاهير يسوقون لدعاية مقابل اعلانات مدفوعه وسو كذا وسو كذا مانكب الناس الا انتم وتسويقكم اقول اتركوهم واللي ماينفع نفسه ماهم نافعينه

نصيحة شباب لاحد يسمع كلامه المتاجر فتحها سهل جدا لكن صارت المنافسة فيها شديدة والتسويق والاعلانات يكلف مبالغ كبيرة جدا عشان تطلع للناس ويعرفوك ايضا مجال الكوفي شوب محروق وصعب كل واحد يدرس مشروعه بعمق ويتجنب النصايح المعلبة

والله ماصدقت انت تبي تسوق للمتجر حقك

نصيحتك هل هي اعلان للمنصة انت ذكرت مشروعين تطلع ذهب المغاسل سواء سيارات او ملابس زحمة في كل مكان

كلكم نصبين اكلتو حلال الناس

حكم بيع ما لا يملكه الإنسان هو التحريم باتّفاق الفقهاء لكن اذا تشتري البضاعه وتبيعها عادي حلال زلال

ههههههههههههههه خلصت من الدورات وحولت على المتجر الالكتروني ، أنا أنصح أي شخص يطمح للتجارة يتوكل على الله ويدخل السوق ويترك فلسفة الشخص هذا لانها بتصدم فيك بجدار .

لا تفتح شي فقط خلك تتفرج على الناس الي تنصحك وهي عندها ملايين وفاتحة كل هذي الأشياء 🙆‍♂️ عبارة جازت لي وتعلمتها من شخص حكيم وواعي 😌 بشكل عام ليس كل ما يقال يصدق وليس كل ما يقال ينفذ ✍️

التضخم وصل ذروته والقروض انهشت جيب المشتري ... الطلب موجود لكن قل عكس السابق ... لذلك زاد المعروض وزادت التكاليف عليه في ظل الظروف الحالية أصبح يعاني كثيراً الحلول ... إما التخارج بأقل التكاليف وتقبل الواقع وإما التصادم في وجه التضخم وسوف تخسر سيارتك وبيتك وصحتك وبلا فائده تذكر

سوق مغاسل السيارات في السعوديه حقق 417 مليون دولار عام 2024 ومتوقع يوصل 628 مليون دولار عام 2030 بنمو يقارب سبعه بالمئه وسوق مغاسل الملابس يصل الى 204 مليون دولار عام 2030 بعد ما كان 118 مليون عام 2022 وكل المؤشرات تؤكد ان المجالين من انجح المشاريع الخدميه في المملكه

ماشاء الله التطبيق قوي و عالمي لدرجة ان Emma Rodriguez معلقة لله درك يالفوزان

تفتح متجر الكتروني وكيف تبيع؟ تدور مشهور يعلن لك بارباح متجرك لمدة ٥سنين؟تجيب لك بضاعة بمبلغ وقدره واذا جاك ربح منصات البيع تتشارك معك بارباحك وتمارا وتابي ياخذون الباقي.كلام سهل

إعلان من ورا التريلات

افشل شي المتجر الالكتروني ..نادر اللي ينجح مغسلة ملابس ناجح ١٠٠% مغسلة سيارات ناجح ١٠٠% كوفي شوب ناجح ١٠٠% جميع من ذكرت من هذه المشاريع هي الناجحة ولو ما نجح اقل الاحوال خسارتها بسيطة .. لكن اهم شي ابحث عن افضل المواقع وخاصة مغسلة الملابس...

غير صحيح أكثر مشاريع رابحه مغسلة سيارات

انا كان عندي متجر إلكتروني يوميا اخسر عليه ١٠٠ دولار إعلانات وكثير مرتجع اخسر علي كل طلب ٣٠ ريال لشركات الشحن ولازم تدفع إعلانات قويه لتربح مافي فايده إذا منجر بدون إعلان

هات الاحصائية الرسمية التي قالت ٩٩يالميةخسرانة ؟؟؟؟؟؟؟؟؟؟؟؟؟ او اقطع وخص وكل تبن

ماطورت اسلوب دعاياتك للحين؟

ماشاءالله الله يبارك ويحفظك

الموقع هذا ما له عنوان

يعجبني وعي الناس بالكومنتات التجارة الالكترونية اكبر مقلب للي ما معه عشر اضعاف راس المال للتسويق بتتبخر كل فلوووووسك

ماذكر احد فتح مغسلة ملابس او مغسلة سيارات وقفلها او باعها

شات جي بي تي: موقع مسجّل بهوية محمية من آيسلندا، مما يعني أن هوية المالك الحقيقية مُخفاة. لذا يُستحب الحذر عند التعامل معه، خاصة إن كنت تنوي إدخال بيانات حساسة أو الدفع عبره.

إذا نسبتك لا تعتمد على إحصائيات ومصادر موثوقة فكلامك لا أساس له من الصحة ولا يؤخذ به .. وشكراً

على اي اساس تقدم نصيحة منع وتعممها على الجميع حسب رغبتك وحالك ومصلحتك!!!!!