انتبهوا 👇🏻

لا معليش الحريم الان افهم من بعض الرجال لانو اصلا دايما يجيك تحذير موظف stc لايطلب منك رمز التحقق يعني مايطلبون الرمز اللي يوصلك من الشركه ولو طلبه اعرف انه نصاب هذا وانا حرمه شفني فاهمه الوضع 😁

ماي اس تي سي مو اي واحد يقدر يدخل برقمك اذا جيت تسجل دخول من جوال غير جوالك المعتاد يطلب كود ويجيك اتصال تأكيد فيه رمز

أنا اتصل عليه رقم مكتوب وزارة الداخلية والله ياني انخرشت ومالت بي الدنيا قال طلع من حسابك 2 مليون ريال وعرفنا مصدر التحويل وهات هويتك حتى نغلق حسابك مؤقتا .. أول ما قال هات الهوية عرفت انهم نصابين لا بارك فيهم تركت عربية المقاضي في السوبر ورجعت البيت قال ايش 2 مليون 😂😂

😂😂

هذا نظام قديم الحين لازم نفاذ وتدخل من عندك وتدخل الكود اللي طالع لك بموقع stc

جزاك الله خير اي موظف يطلب كود لا تعطيه لان الكود مخصص لك وفي معاملاتك الاكترونيه فلا تزوده لاي شخص سواء الاتصالات او اي شخص يدعي انه من منصه اخرى حكوميه او خلافه

كثرت حركات النصب في كل شي الله المستعان

يرسل من ٩٠٠ رساله بالانجليزي غالبا لانه جرب رقمك وحط نسيان كلمه مرور او اي حاجه وتجيك رساله ويقوله اعطيني الرقم طبيعي تجيه من ٩٠٠ فغالبا تجي الرسايل بالانجليزي عشان ماتنتبه او حتى غيره لانها صارت لي بس قريت الرساله وفهمتها عشان كذا انتبهوا

ي رجال انا نفس الحركه من موبايلي وعطيته رقم التحقق ودخل بالاخير طلب اوافق على نفاذ ورفضت لانه طالب اصدار شريحه وحقد قام رفع الفاتوره لاعلى لفل ههههههه

STC نحذر جميع العملاء بأن موظفي خدمة العملاء لن يطلبوا منك أبداً "كود التحقق من الطبيعي أن يصلك رمز التحقق تلقائياً من رقم الشركة الرسمي مع كل عملية مع العلم أن أي شخص يمكنه تنفيذ عملية وإرسال الكودحتى في الخدمات البنكية المسجلة برقمك لذلك لا تشارك كود التحقق مع أي شخص مهما كان

كذاب التطبيق لا يقبل الا الرقم الموثق

اصلا حتي لو دخل my stc مايقدر يسوي شيء الا بنفاذ

حسبي الله عليهم

احبهم اقعد اسولف معاهم لن يقفل

الله يكفينا شرهم ويبعدهم عننا 🤲

ظبيعي يجيك رساله من اس تي سي لانه حمل التطبيق وحط رقمك وبالتالي بتجيك رساله فيها رمز التحقق يعني مو ذكاء منه ولا اختراق لانظمة اس تي سي ولكن الغبي اللي يعطي رمز التحقق لأى شخص كان

انا اخذت شريحه للبيت عندي من شركه stc بنفسها وبصمت واخذت الشريحه ووضعتها للاهل وحدثوا كل التطبيقات الا الوتس اب طلع الوتس اب مع صاحب الرقم القديم stc قالت لي مالنا دخل بقليط طيب انا وين اروح الرجال يراسل بسمي ويصمتي قالوا الغيها الغيها وانا دافع فلوس رحت دبرت حالي

متعوب ع ثقب الاوزون

حسبهم الله

@kvyfbkg وانتبهوا أيضاً من أرقام الشركات في قوقل ماب

طريقتهم غبيه بس والله يحصلون ناس على نياتها وتجهلهم بعض الأمور

المفروض الشركة تنزل بيان بهذا الخصوص

كلام فاضي مافيها نفاذ ولا بصمه يعني ! كيف يقدر يطلع شريحه بإسمه..!

هذا استدراج فقط اذا انت فاهم سكر الخط اذا انك ماتفهم كمل معك لامور اخرى

الحين مربوط بنفاذ.

لا تعطي احد شي نهائي الفروع بكل شارع تبي منهم شي مر عليهم

دايما مايجي من stc الا المشاكل اتوقع الموظفين اغلبهم نصابين

يارجال انت صاحب الهوية وبتطلع رقم بأسمك من stc عندهم تنظيم مستحيل ان احد يقدر يطلع رقم وانت ماتدري لان فيها بصمة وجه عن طريق نفاذ علمي وسلامتك ، على العموم مكتوب في الرسالة موظف stc لايطلب اي رقم دخول

الرسائل اللي يطلب فيها الكود فقط اللي مكتوب سوف يطلب منك (الموظف الكود) مثل كذا (عميلنا العزيز, نشكر تواصلك معنا. رمز التأكيد هو 93748 وذلك للتحقق من رضاك عن الخدمة المقدمة لك ، سيطلب منك موظف خدمة العملاء هذا الرمز لاغلاق طلبك B-1234567) عدا ذلك ماتعطي كود

حسبي الله ونعم الوكيل فيهم