إيجار الشقق شمال الرياض 100 الف و150 الف ماهو السبب بنظرك ؟

نصاب عاد انا لي فتره ادور صح غاليه بس فيه تنوع فيه ٣٠ الف فيه ٤٠ الف البيع اللي غالي ولايسوا والصدق اغلبها ماتسوا الا من رحم ربي

لانها مطله على البحر والانهر والطبيعة الخلابه 😊

فيه شي غلط كيف اسعار الايجار جالسة تقترب من أسعار التمليك

تكفى غير نظارتك اول شى ثانيا السوق عرض وطلب غرب وجنوب الرياض فيه اسعار قليلة

طيب فيه شقق ب ١٤ الف جنوب وغرب الرياض الاسعار الي قلت عليها ماوصلت لهالسعر ولاكن الأغلى الشمال لاكن الي مايقدر عندك جنوب وغرب الرياض ب ١٤ الف

هوووس الشمال مشكله ، وليته يسوى الغريب البعض يسكن بعيد عن دوامه وشغله فقط عشان يسكن (بالشمال) 🤣

الايجار اذا تعدا ٣٠٠٠٠ الف ريال في السنه يعتبر تعجيزي للفرد حتى لوكان راتبه عالي. لين اغلب الناس ماعندها قدره تسدد ٢٥٠٠ ريال شهرياً للايجار من غير اقصاد السياراة وتسديد الفواتير ومصاريف الاولاد والبيت شغلات كثيره كيف عاد اذا كان الايجار ياصل ٥٠٠٠٠٠ الف او ١٠٠ الف هذا خيال

صادق أنا مستأجر شقة في الياسمين ب60 الف وكل يومين ياطافي الكهرب او منقطعة المويه طمع تجار العقار ماراح يوقف هنا والاسعار بتزيد اكثر واكثر بحجة الطلب العالي والمصيبة لو تستأجر شقة او دور او محل وتتعب فيه وتصلح ويجيك يرفع الايجار ويغبنك باقي عمرك

يعني ادفع شهريا ١٥ الف ريال سلامات

من وجهة نظر المشتري فإن الأسعار غير معقولة. من وجهة نظر البائع والمؤجر فهي منطقية؛ لارتفاع قيمة المتر الواحد في ذلك الحي. الأسواق لا بد أن تترك حرة حتى تستمر بالنمو، والأسعار يحددها ميزان العرض والطلب.