إيش رأيك في تصرف سواق التريلا ؟

تصرف سليم ويشكر عليه ذكرتني بالخطوط اول كانوا سواق التريلات كذا نظامهم ماادري هل لازالوا كذا والا غيرتهم الدنيا

مادري وين الملاحظه على تصرف التريلا !! هذا عرف من التسعينات 😁 في الطريق المزدوج اذا دق اشاره يسار معناتها لا تتجاوز في سيارات واذا دق اشاره يمين معناتها تجاوز الخط فاضي الله يذكر خط حرض ( الى الامارات ) بخير من ١٩٩٩ الى ٢٠٠٧ سرداد مرداد مع ابوي ثم اخوي ثم بنفسي سنين طويله

من عشرين سنة ماكنا نسوي الا كذا في طرق السفر المزدوجة ، ماعتقد يعرفها كثير من الجيل الجديد الان

هذي طريقة التواصل الوحيدة بين الشاحنات و السيارات الي خلفها و يعرفها كل الي سافروا على خطوط غير مزدوجة اشارة يسار تعني لا تتجاوز اشارة يمين تعني الطريق سالك

حركة متعارف عليها قديماً عند قائدي الشاحنات وهي من باب التعاون مع قائد المركبة اللي خلفه لكن من تالي مافيه التزام بها للأسف !

صاحب التريله سواق وهذه الطريقه الصحيحه المغروفه من زمان الاشاره يمين معناها مسموح التجاوز الاشاره يسار فيه سيارات في الاتجاه المعاكس ولايسمح بالتجاوز الان بعض السائقين خالف القاعده ويرى المسموح بالتجاوز مع الاشاره يسار وهذا خطأ كبير يقع فيه الكثير

هذي الحركة اللي اعتدنا عليها قديماً من اصحاب الشاحنات اشارة يسار ممنوع التجاوز. اشارة يمين مسموح التجاوز.

بالعكس طريقة ممتازة جدا ويلزم تعليمها في مدارس القيادة للمستجدين مع اني تقريبا قبل سنتين تعرضت لحالة كادت تسبب لي كارثة حيث قام سائق الشاحنة بخداعي وحين رغبتي في التجاوز وجدت سبارة في الاتجاه المقابل لكن لطف الله ثم تركي لمسافة آمنة كبيرة بيني وبين الشاحنة ساهمت في تدارك الوضع وترك مجال للدعاء على سائق الشاحنة 😅

هذي حركة قديمة ومعروفة . من 30 سنه وحنا اذا مسكنا طريق السفر ، نتجاوز التريلات بهذي الطريقة.. سواقين التريلات في الكرة الأرضية كلهم يعرفون هذي الطريقة وليست جديدة . بس أنت جديد على الحياة ولاعمرك مسكت خط .

حركه متعارف عليها خصوصاً معا طرق المسار الواحد 👍