بتشريف #أمير_منطقة_القصيم #فيصل_بن_مشعل_بن_سعود و بين طريقي #الزلفي و #الرياض السريعين يفتتح أحد أكبر مشاريع اللحوم فالعالم👏 على أرض تجاوزت مساحتها 13 مليون متر. مشروع وطني🇸🇦سعودي عملاق جدير بالإعجاب، لذا نقوم بنشر هذه الماده بكل فخر و إعتزاز، تشجيعاً وليس #إعلان. عاشت بلادي🇸🇦

مصنع وليم للحوم بمنطقة القصيم، في المدينة الصناعية الثانية.

جزاك الله خير على هالخبر الجميل والذي بالتأكيد سيساهم في الأمن الغذائي للمملكة أما كان الأجدى أن تضع الموقع من قوقل وتقول في المدينة الصناعية الثانية بمدينة #بريدة عاصمة منطقة القصيم؟ ترا يزعلون عليك بعض أهل بريدة، وترانا نحبكم يا أهل الزلفي❤️

اشهد اهل القصيم مبدعين ما يحطون ��ديهم بشئ يبدعون فيه حقيقه اتعبوا من بعدهم ووفقوا بها الامير النشط المحب لكل جديد يدعم إبداعهم ويشجعهم

نتفق معك في كل ما ذهبت إليه الله يكثر من أمثال القصمان الذين يبعون في كل مكان و زمان ،، الله يديم الامن والأمان ويصلح لنا ولكم النيه🤍 والذريه ،، 🤲🤲

حولوا مزارعهم القديمه الى كافيهات واماكن ترفيه ونزل للمصطافين ومنهم من جعلها منتجه للخضار العضويه ومشتقات الحليب بعد ان كانت مهجوره مو حشه

أبو علي الله يهديك هذه المادة مظللة وبعيدة عن المكان الصحيح لموقع مشروع وليم للحوم الذي يقع في المدينة الصناعية الثانية ��ي مدينة بريدة الذي افتتحه صاحب السمو الملكي الأمير / فيصل بن مشعل بن سعود أمير منطقة القصيم

حق��م علي تم التوضيح بقلب 🤍 محب

الله يسامحك ويصلح بالنا وبالك زدتني شوق للزلفي وأهل الزلفي والله كلي شوق إلى تلك الديار ومن لنا فيها من الأصدقاء الكرام والأحبة الأخيار ومن الزلفي إلى حائل لنكحل أعيننا بجمال الطبيعة الخلابة والمنتزهات تحت سفوح الجبال والتلال وشموخ حائل وأهلها في الكرم مثل شموخ جبال أجا وسلمى الكل حاتمي لدرجة والله إني أدخلها وأهلها لايشعرون بعد إن مكثت فيها ( ١٥ ) يوم كل يوم معزوم عند ( ص ) ثم عند ( س ) وفي الليل في الإستراحات لأقوم بتغيير البرنامج بعد إلغاء بعض الزيارات في الرحلة ثم أسير متجه إلى القصيم حيث القصيم وجمالها و البكيرية والنخيل والحناكية وعقلة الصقور ..الخ براً لعشقي لربوع بلادي وللأمانة الأمير فيصل بن مشعل الله يحفظه قدوة في تعامله وأسلوبه وبشاشته وإبتسامته تشعر عندما يتحدث أنه يخاطبك يدخل القلب بدن استئذان وهذا من فضل ربي إن جميع أفراد الأسرة المالكة الكريمة على خلق عظيم وقدوة لنا جميعاً والحمدلله على نعمة آل سعود

أ. #صالح_الحمادي انت شخصيةاعلامية مؤثرة بالتثقيف والإرشاد والتوجية وتمتلك قلم محايد يتصف بالأمانة والمصداقية والطرح الهادف البناء فضلاً التمسوا لنا العذر والسموحه بتكرار السؤال أين الموقع الجغرافي تحديدا للمشروع العمالق الذي سوف يتشرف بافتتاحة أمير منطقة القصيم د. #فيصل_بن_مشعل.

حسبما عرفته من الصديق العزيز #العمرو أنه في #القصيم و تحديداً في #بريده الت�� لها في قلب🤍مُحبكم فالله مكانةً كبيره🤲أكثر الأصدقاء قصمان.

🌹🌹🌹

تحية طيبة: استغرب الاشارة الى ان المشروع بين طريقي الزلفي والرياض السريعين ؟ هنا رابط المصنع : المدينة الصناعية الثانية ببريدة !

موقع المشروع بالمستوي بمحافظة الشماسية على طريق الرياض القصيم السريع. مكان المشروع كان مخصص متنزه وطني للشماسية. ثم تم استثماره بالتأجير على الفهاد. وفقهم الله.

هههههههههههههههههههههههههههههههههههههههههههههههههه سقطت يالصلحي سقطة لا تُغتفر والزلفي الحبيبة ��نية عنك وعن امثالك بذكر اسمها في غير موقعها كيف أمير القصيم يفتتح مشروع تابع للزلفي والرياض ؟ 🤣🤣🤣🤣 إلا الحماقة أعيت من يداويها

الحمد لله عسى ترخص الذبايح

هذا بالقصيم على اول طريق الرياض السريع واقرب ماله الجنوب الشرقى لبريدة والشماسية وعن عنيزة تقريبآ ٣٠ كيلو

تراها بريده سنام نجد

🤮🤮🤮 وش فيك رخيص الله ابو اشكالك حلال منتفل عليك. تحذف التغربده القذره وتنزل الخبر صح لايكون زلفاتي🤢 المشروع في القصيم وبقلبها واكير القصيم وش دخل اللي ذكرت انت!!!

ماشاء الله تبارك الله، مشروع جبار ، وليم للحوم ونظافة ،

أمير منطقة القصيم يفتتح مشروع بمحافظة الزلفي التابعة لمنطقة الرياض ⁉️ فية شي خطا والغريب تقرا طريق الرياض الزلفي اول مرة اسمع بهذا الطريق 😱🤷🏻‍♂️

تم التوضيح

بصراحه شي يفرح منتج وطني وان شاء الله اشتري واشوف الطعم وميزته يقطع علي دكاكين الملاحم وجشع المولات سعر غالي وانت وحظك لاشريت منهم

ماشاء الله موفقين .. من جرب اللحوم ليس كمن شاف .. الحقيقة جودة عالية جدا ونظافة فريدة من نوعها فخر الصناعة السعودية ضروري الدعم ضروري الدعم صنع في السعودية ✅🇸🇦💚

🇸🇦🇸🇦🕋🕋💚💚

المشروع جنوب الشماسية.

@AbuNawafTw ياصالح ليتك تتصالح مع الواقع وتقبل الحقائق كما هي. لن ينفع مدينة الزلفي الغالية أنك نسبت لها ماليس فيها أو لها. سؤالاً أتمنى أن اجد جواب عليه. ماعلاقة الزلفي بالموضوع؟ أما ان كنت تلمح للطريق السريع فهو يخدم مدناً ومناطق وإسمه موجود لدى وزارة النقل ومواطني المملكة عموماً يعرفونه

المشروع في القصيم المدينه الصناعيه الثانيه طريق الرياض القصيم المدينه السريع ،الله يجعل فيه الخير والبركه

نشكركم على كلماتكم الطيبة وتفانيكم في إبراز المشاريع الوطنية، ونعتز بتشريف سمو أمير منطقة القصيم لهذا المشروع. نسأل الله أن يبارك هذه الجهود ويديم على وطننا التقدم والازدهار.

#أبوشامة يبدو أن النقرس بدأ يصيب خلايا الذاكرة بدلاً من الزهايمر @alhammadisa1 #تدل_طريقه�� #علم_مرخ

بالصناعيه الثانيه بمدينه بريده موقع المشروع والي يفتحه امير القصيم وها الرجل يقول الزلفي تسلق على انجازات الآخرين

الحمادي اثاري موب بس بالكورة ما عليك شرهه حتى بالاشياء الثانية حسود الله لا يبلانا المشروع يملكة عائلة الفهاد من بريدة الله يبارك لهم و يتبع للقصيم ..!!

إذا أمير القصيم يفتتح المشروع فالكتابة خاطئة 👋 حاول تعيد الصياغة جيداً ،، وانتبه عند الإعادة من وجود أمير القصيم والمشروع تابع لمنطقة القصيم

المصيبة انه يعتبر نفسه اعلامي مخضرم ولا يعرف مملكتنا الحبيبة

الله يحسن لك الختام تراه في #بريده ياعم الله يطول بعمرك على طاعته

بين طريقي الرياض و القصيم

تبارك الرحمن

واضح انك تجهل المناطق وماعمرك وصلت لها!!! اللي يشوفك يقول ان المشروع بجوار ملعب مرخ!! خذ هاللوكيشن ونبغى تطلع الزلفي وين ذكر مكانها بالأعراب!!! المشروع يبعد خمسة كيلو عن الدائري الشرقي لبريدة فأيش جاب الزلفي لها؟؟؟

الله يوفقهم ويطرح لهم البركة لكن بما أن المشروع يستفيد من أرض ومياه السعودية ويستهدف السوق السعودي فالسؤال الأهم كم نسبة السعوديين في هذا المشروع؟

الاخ صالح كل شي حلو لكن طريقي الزلفي و الرياض السريعين هذي خاطمه بالوسط الزلفي ارض ورجال لا تحتاج مثل هذا اللي لعنق المعلومة