#بلدية_الكويت تعاملت مع بلاغ مواطن عن ساحة ترابية بمنطقة #الجليب استغلها وافدين كراجاً مخالفاً لتصليح وحدادة السيارات • ازالة كافة التعديات ووضع ملصقات على المركبات المهملة تمهيداً لإزالتها • تنظيف الموقع من المخلفات والمخالفات بالكامل #الكويت

إلى مدير عام البلدية تصرف الأزاله فقط كان خاطئ المفروض يتم التحقيق مع العماله من سهل لهم فتح الكراج ومعاقبة المراقب في المنطقة ومدير المشروع لشركة النظافة والتحقيق يكون مع رجال الداخلية ومعاقبة صاحب العماره وكفيل العماله المخالفة إلى متى تنتظرون المواطن يصور ويبلغ @KuwaitiCM

الله يعطيكم العافيه ويبارك في جهودكم عندي ملاحظتان لو سمحتم : 1- ترى هذه المخالفة منتشره بكثره في اكثر من موقع بجليب الشيوخ 2- لابد من المتابعة المستمرة لان هذه العماله ما عندها خوف من الدوله ممكن بعد كم شهر تعود المخالفه في نفس الموقع

اخواني موظفيين البلديه المفروض ماتنطرون احد يبلغ او يقدم شكوى بمثل هذا الموضوع لازم تخصصون موظفين طوارئ خاصه بهذا الامر من اكتشافات مثل هذي الظواهر لازالتها في كل مناطق الكويت لكل محافظه لها فرع لبلدية الكويت وتخصصون موظفين طوارئ لمثل هذي الامور

ماكو فايده لازم في محاسبة للموظفين والمراقبين والمفتشين ياخذون راتب ع الفاضي كله قاعدين بالمكاتب ليش ماتحركو قبل التصوير لازم الواحد يبلغ ترا هذا شغلهم لازم في محاسبة.

يعطيكم العافية.. وننتظر منكم مثل هذه المبادرات منكم دون إنتظار فيديو أو ملاحظة من مواطن عندكم من المعدات مايكفي وجيش من العمالة سجلوا الإنجازات بإسمكم خيطان الفروانية الجليب المهبولة الفحيحيل.. فيها من المخالفات مثل هذا الذي رأيناه في الفيديو وأكثر مواقف الجمعيات التعاونية تحولت لمواقف سيارات الوافدين ساحات وافرع الجمعيات وجود العزاب بين العوائل صلّيت بأحد مساجد منطقةمبارك الكبير وللأسف على مارأيت وساخة الساحات المحيطة بالمسجد وفرع الجمعية ، وأحد أسوار المسجد تم تكسيره يبدو من أجل الترميم (ق ٢ ) فرع جمعية(١٩) يعينكم الله وربي يبارك بجهودكم وننتظر منكم المزيد

السلام عليكم عندي معامله في بلديه مبارك الكبير ( اسواق القرين ) صعدت من دور لي دور ولما وصلت الهدف الموظف غير موجود الساعه ١٠:٤٥ وقاعد اناظر ! معقوله مافي موظف غيره يخلص شغلنا ؟

سبحان الله منطقه بكبرها وشوارع لم يراها مراقب ولامسئول في البلديه ولاعمال نظافه طول هذى الفتره بس تنطرون مواطن يشتكي ولايصور لكم اين المراقبين عن هذا كله ليش مافيه جواله مراقبين يفترون في كل منطقه رصد المخالفات ونظافه يعنى لو ماصور هذا المواطن مته تشفون هذا تجاوز لي من مده طوله

المفروض من مدير عام البلدية يشكل لجنة تحقيق لهذا الفساد العلني والبداية ايقاف مدراء ومراقبين الادارة المختصة على هذا الفساد ومن ثم تطبيق العقوبات ومحاسبة المسؤولين الذين جالسين خلف مكاتبهم ولايطلعون بنفسهم ويشوفون ويراقبون عمل المفتشين وغيرهم ؟

بعرف بلدية الكويت ليش تعتمد على المواطنين بالتصوير و اثبات الحاله وين موظفينهم و المراقبين و مدراء المنطقه. و بعدين حساب البلديه بالانستقرام . ليش حاجبين و مقفلين. التعليقات بالنستقرام. عادي المور طيبه سمعو التعليقات تجاهكم لكي توصلون الى الافضل

قواكم الله .. ولكن تعال بعد شهر واحد فقط .. وراح يرجع كل شي كما كان .. يجب متابعة الشي ..

ليش لازم المواطن يبلغ البلدية 😡 ليش البلدية ما تبادر و تشوف شغلها بدون بلاغات 😡

جزاكم الله كل خير. نعم هذا واجب البلدية ومشكوره لكن يجب ان يكون رد لهذا الموضوع ومن يستغل الساحات او غيرها يجب هو من ينظف المكان وليس الدولة ..ثانياً اتمنى من البلدية النظر الي الشاحنات الي في كل مكان فوق املاك الدولة ولا حسيب ولارقيب السؤال !؟اين مفتشين الميدانيين !؟

بلدية الكويت تدرون وين الخلل والمصيبه هو في مراكز الرقابه بكل منطقه مافيه متابعه .خصوصا مركز الجليب كل الناس تشوف المخالفات والتجاوزات الا مركز بلدية الجليب وبعد على ذمت من قال فيه تفاهمات بين المخالفين والمركز…البلديه قبل الغزو كل مراقب له منطقه مسوول عن كل مايحدث فيها ويحاسب

هل تمت مخالفة او مقاضاة صاحب المبني؟

بارك الله فيكم : وينكم من قبل التصوير ؟ وين المراقبين ؟

يارب لو تكملون جميلكم قطعه ٣ في صباح السالم شارع ٣٠١ وكذلك ٣٠٢ مخلفات ونفايات متراكمه وجرذان في الساحات الترابين شي يعور القلب من القبح والإهمال

انتو علشان تحلون هذه المشكلة لازم تبنون مدن عمالية راح تحل 95 بالمية من مشاكل العمال والنظافة .

لماذا تنتظر البلدية ان يرسل لها بلاغ او يوجه متابع عنايتها لمكان ما المفترض ان هناك فرق جواله مناطقية وعلى الشوارع الرئيسية تبدأ بالعمل يوميا لتنظيف الشوارع لازلنا ننتظر من المدير الجديد خطته في تنظيف وتطوير البلد الذي يعج بالوساخة والذي يعاني الاهمال في كثير من الاماكن

الله يعطيه الصحه والعافيه الي نبهكم بس ليش موضفين البلديه ماشافوه او العمال الي كل صبح دوامهم بشارع الله المستعان

نبي الاسطبلات المزارع كلها اجارات مخالفه بنيان وينكم عنهم وين التصوير الجوي وين الامن الغذائي

وينكم انتم ؟ لازم يبلغكم المواطن جزاه الله خير

كان البلاغ من مواطن من صيغة سلوبكم من غير نفس مثل اللي ابتلش بغيره .. - المفترض كتاب شكر للمواطن وكلام يطيّب النفس والخاطر وحث الجهود على مثل هذه المواقف الجليله للعين الساهره على الشعب .. - كلامكم للاسف سد فراغ وصيغه مبنيه على لا شي فعلاً شي مؤسف ان يكون هذا حالنا .. - كلام مزعج

اغلب موظفين البلديه شرب قهوه وشاي في اروقه المكاتب وسوالف حتي اذا سالتهم عن شيء محد يرد عليك

تسلم يمناكم👍🏻

الي طلعت يحب ان تصادر ويتم فكها قطعه قطعه وتصديرها او بيعها قطع غيار ولا تسلم لصاحبها وترجع للشارع مره اخري شنو هالمنظر سياره صارلها ٣٠سنه متهالكه وللحين يمشي فيها ؟؟!!

لو يتحاسب المقصرين والمراقبين كان ماتجرا الوافد بالخطا

لماذا تنتظرون للغلط أن يكون ظاهره .. ، أين دور المفتشين للكشف عن التجاوزات مبكراً والقضاء عليها قبل أن تستفحل

مسخره لازم على طول تطلعون مفتشين بين سكن العمارات تشوفون البلاوي ياليت تمرون على العماير مقابل الواحه بالجهراء والفروانيه وتسوفون الفوضى وياليت تمرون على تيماء فضيحه للي يمر من جنب الشارع مقابل مستشفى الجهراء اهمال مابعده اهمال

المنطقة اللي خلف مطعم كناري كلها كراجات وشارع المخفر يمين ويسار كراجات اللي عنده رخصة الله يرزقه واللي مخالف شيلوه لان الكراجات بين العماير .

التصوير مو واضح هل تم هدم الكراجات امام العماره

ياريت تشتغلون بظمير وتحاسبون موظفينكم المقصرين شنو مواطن يفتر ويشوف اخطاء بلاوي ماتدرون عنها اشلون ظميركم مرتاح وانتو جهه حكوميه مشرفه علي البلد بنظافتها وطبعتها وجمال البلد يجب ان يكون بتوجيهاتكم وحث موظفينكم ومكافاتهم عند الانجاز والتحفيز لهم اشتغلو بارك الله فيكم الكويت تستاهل

الله يعطيكم العافيه،، بس الجو الظهر مووت لو يشتغلون بالليل ارحم لهم

لازم الناس تبلغ وين قسم التفتيش بعدين وين العقوبات بلدية وزارة فاشلة وعلى رأسها المجلس البلدي جليب الشيوخ لازم تتثمن وتكون منطقة نموذجية

يعني ادارات وموظفين ومفتشين وتجهيزات لهم وتنتظرون مواطن يبلغ؟!! علما هو بلغ عن شي واضح فاضح الاعمى يشوفه