بيض الله وجهك 👌 يعجبني كثيرا من الناس الهين اللين السهل القريب من أخوانه وأصدقائه وهنيئا له المحبة والقبول والذكر الحسن في الدنيا والثواب العظيم في الآخرة. قالﷺ :"حرم على النار كل هين لين، سهل قريب من الناس". وفي رواية:"ألا أخبركم بمن يحرم على النار، أو بمن تحرم عليه... النار، على كل قريب هين سهل". #تفهم_ماتفهم_مشكلتكshow more

يقول احد الحكماء: مَنْ كَانَتْ هِمَّتُهُ مَا يَدْخُلُ بَطْنَهُ، كَانَتْ قِيمَتُهُ مَا يَخْرُجُ مِنْهُ.

الله عليك تسمح لي أحنشلها منك 😅👌

افا عليك لو اني الحكيم قلت ماعندك الا حلالك فما بالك بغيره😂

عشت ياخال 😅👌

🌹

والله ان كلامه عين الصواب بعض الناس الحاله الماليه دمار

الله المستعان

الكلفة تذهب الالفة فعلا ماردنا عن الناس ولا رد الناس عنا الا خوف الكلافات احيان اعزم واحد واخلف ان الموضوع مافيه رسميات والله مايصدقني يعيي وهو عند الباب انحرمنا من بعض بسبب الكلافات

سبحان من منح هذا الرجل القبول ، أحب أسمع سوالفه و أستمتع بها ، نعم الرجل مشعل العويصي أقولها و أنا لا أعرفه شخصيًا

صحيح. خلك ثقيل في قبول العزايم حتى لو كان مقتدر مادياً مبلغ مالي كبير يصرفه في ساعتين هو وعياله وأهله أولى به وأيضاً حضور الزواجات تراك معزوم ٣-٤ ساعات ماله داعي قبلها بيوم مسنتر عندهم عادي تعال قبلها بأسبوع خذ لك شقه واطلع تمشى واستانس ✋ اتفق معه هذي سياستي

كفووو زين تسوي ربي يحفظك☝️

واياك. حبيبنا

لو تنتشر ثقافة الجود من الموجود وبدون تكلف لوجدت التزاور بين الناس بكثره لكن خوف الكلافه قلل الزيارة بين الناس..

الله يوفقه والله انه شيخ وحكيم

امين☝️

أمور كثيرة عادات وتقاليد وتصرفات كلنا متفقين على أنها لا داع لها وأن آثارها سلبية مكلفة متعبة أثرت على علاقاتنا واجتماعاتنا ولكن عند التطبيق تجدنا نغالط أنفسنا وتطغى علينا المجاملة والخوف من النقد الذي لا وجود له إلا عند ناقصي العقل فالأمر يحتاج إلى أخذ زمام المبادرة وغيرك خلفك

وبعض الناس مهما تكلفوا له الا ينتقد

وهذا هو الصواب. ولا يفعل ذلك إلا النبلاء. لا تكلف على الناس. فظروف وأحوال الناس ليست واحدة. ومكانتك ليست في هذا الطعام الذي يقدم لك. (ارفع مقامك يا عزيز المقامي). وهذه هي عادتي منذ سنين طويلة يوم ان كان ثمن الخروف 500 ريال. فما بالكم الان حيث ثمن الخروف لا يقل عن 2000 ريال. في العام الماضي 1447 قبل رمضان قمت بعمل جولة شمال السعودية من: سكاكا > طبرجل > القريات > طريف > عرعر > سكاكا. وقد زرت فيها جميع احبابي وأصدقائي. وكنت أزورهم فجأة حتى لا يتكلف المعزب بشيء. وعند الوصول اقول لا تتكلف بشيء فلدي ارتباط مهم مثلا الليلة. وأحلف عليه. ومن هذا القبيل.

وهو صادق وهذا الكلام الى يحتاج ان نذكر فيه انفسنا ومن حوالينا

صدقت ربي يحفظك☝️

ويحفظك اخي العزيز 🌹

ولد عمي جاني وعجبتني كلمتين قالها لي ( الأُلفة ولا الكلفة )

والله يالربع الكرامة هي الجود من الماجود والضيف لو تقريه سحلة لبن تعتبر أكرمته .. لكن مع الطغى وكثرة النعم الناس صارت تجي من اقصاها رحنا الاردن عند رجال والله مشهورين بالكرم ومضرب مثل يجيب لك على الغدا صحن منسف متروس لحم وخير وهو ماكلف على نفسه يمكن ٥٠ دينار

كلامه صحيح 👍🏻 إذا الرجال عنده فلوس 💵 و خير مافيه مشكله إذا رحت عنده لكن أغلب الناس ديون و قروض و مصاريف 💵 وما عنده فلوس 💵 أصلا إذا عذر عليك شخص هو يعذر من باب الاحترام لك ولكن انت خلك رجال و اعتذر و لا تقول تم اعرف ظروف الناس المادية واعرف ان ماعندهم فلوس 💵

قديما قبل الكهرباء والثلاجات ، اضطرارا توضع الذبيحة كاملة ، ويعزم عليها الضيف وبعض الأحبه ، لأنه لا مجال لحفظ أجزاء منها ، إلا تقطع شرائح وتملح وتعلق كقفر. الكرم من وجهة نظري بالمتوفر من المتوفر ( ممكن تكون ذبيحة ) مع تهليل وترحيب وسوالف وابتسامة ، واشعار الضيف كأنه بمنزله.

نعم الرجل مشعل العويصي

اقسم بالله ماعمري عطيت احد تم اذا عزمني اقول اذا صار عندك مناسبة عطني وبعضهم يزعل ويكرر ليه ماتجي ماتجي !!! قلت الدعوى شوفتكم والجلسه معكم الاكل كل واحد شبعان في بيته والقدر بالصدر .

. هذا الرجل النبيل خرج بوجهه واسمه المعروف ليشكل إضافة وعي لتعديل مسار تحول من السلوم سابقاً ضغط حالياً ويبيّن كيف تشكّل ماكان احتفاءً وتقديراً إلى قيد. لم أتشرف بمعرفته لأني لا أملك سناب . لكن الردود عليه بينت أن أكثر مايقيدنا بحاجة لرجل مثله يعلق الجرس. وكنت قرأت هنا أن رجلاً قدم ذبيحته بدون رأس فجاءت ردود المهايطية وكأنه خرج من الملة. وأعجبتني قصة ضيف تعشى عندقصيمي وفاجأه بنعم من نعم الله التي تعد ولاتحصى "دجاج مع الرز" . وحين انتهت السهرة قام صاحب المنزل وهو يودع ضيفه عند الباب بتسليمه مضروفاً حوى الآلاف من الريالات وهو يقول : هذه أنفع لك من ذبيحة لن تقيم عليها أكثر من ٢٠ دقيقة . متى يتوقف معيار تقدير الناس بما يملأ بطونهم ؟ .

فعلا هذا فعل الحكيم 👏🏻

شكراً لك على النقل الجميل .. وقبل كلام أبو عبدالله ، حديث الرسول ﷺ لا يَحِلُّ لِمُسْلمٍ أَنْ يُقِيمَ عِنْدَ أَخِيهِ حَتَّى يُؤْثِمَهُ، قالوا: يَا رسول اللَّه، وكَيْف يُؤْثِمُهُ؟ قَالَ: يُقِيمُ عِنْدَهُ وَلا شَيءَ لَهُ يَقْرِيهِ بِهِ.

بوعبدالله معدنك طيب وتراعي ظروف الناس الله يجزاك خير

@m9kw6 والله انك شيخ

الله يبيض وجهه

كلامه صحيح 100% وتحديداً موجه لبعض الناس الي مايقلط إلا على طلي ويزعل إذا عشيته تيس فما بالك دجاج

مشعل العويصي شخصية عجيبه ومحبوب وايجابي ومبتسم دايم للي حواليه الله يشرح صدره والي يتابعه يحس ان الدنيا للحين بخير من اسلوبه بين اصدقائه وسعة صدره معاهم

وش فيها الجود من الموجود لو بياكل حبه دجاجه مضغوط ولا نواشف وش بينقص منك يعني هاذي سلوم توارثوها العرب ايام ماكان حوله الا زربة غنم وهذا جوده وموجوده ترا التنقيص من النفس بطلي وتيس وحاشي سلوم فسقه وهياط وخراط والله لو تمر ولبن انها تسد لاكن البلا من العقول مو من المعقول.

لهجة اهل الشمال تفوز تحس كنها نغمات تطرب لها المسامع

كلامك سليم 🌹 و فعلك جميل

لا أعرف هذا الرجل ولا أتابع الحسابات الشخصية لأي شخص لكن قبلة على رأس هالرجال نعم وأنا واحد منهم قبل امس اتصل علي شخص عزيز من أحدى مدن المملكة وطلبته للعشاء ووافق والله الراتب لاينزل إلا يوم 1 من كل شهر(متقاعد ) وبالتالي نطلت وجهي على عزيز إلى يوم ١-٨-٢٠٢٦ وقمت بها بكل سرور وفرح

صادق ، الموظف ذا الراتب المحدود أذا جاه ضيف وذبح له تخربطت ميزانيته سنة وفالغالب الذبيحة سلف ، فالسابق كل يذبح من مراحه ويطبخ في بيته ولكن لكل زمن وجيل ثقافته ومتغيرات وقته الاقتصادية والاجتماعية التي تحركه .

مع احترامي لك(في هالزمن اللي يقدر الناس ويحترمهم لايعتبرونه شي وربي)هذه الدنياء المقلوبه

والله انك كفوووو وهاذ دايم انا اسويه اقولهم معزوم

كلامه طيب والله بعض الناس مهايطي ومزعج وتكاليف والحمدالله كل شي هين ولين زين كلامه ✔️💯

بيض الله وجهك