تابعت مواجهة وليد الفراج مع المديفر، وبصراحة الجدل اللي صار بعدها طبيعي جدًا. الهلاليين دافعوا عن الفراج واعتبروه منتصر، والنصراويين شافوا إن المديفر كشفه وكسب الجولة. لكن إذا بنقيم المشهد مهنيًا وبدون عاطفة، الصورة كانت مختلفة. المديفر دخل بأسئلة ضاغطة ومباشرة وواضح إنه باغت الفراج بأسلوب قوي وحاد، نعم... كان شرس في الطرح وحاول يستفزه، وهذا ما ننكره. لكن في المقابل، الفراج ما كان قادر يسيطر على إيقاع الحوار. خرج عن الهدوء، تحول من الرد على الفكرة إلى الرد على الشخص، وبان عليه الانفعال بشكل واضح. اللحظة اللي تقول فيها “أنا إنسان منصف وأعطي كل فريق حقه” ثم تربط إنصافك بأن “يجيب النصر بطولات عشان أنصفه”، ثم تسقط علية بنفس اللحضة بعبارة انا ناسي متى اخر بطولة حققوها هنا يصير في تناقض. التهكم والسخرية في نفس اللحظة اللي تتكلم فيها عن الإنصاف تسقط فكرة الحياد بالكامل. الأهم إن الفراج بعد اللقاء طلع بيوم وقال إنه ما يقصد بعض العبارات. لذلك اذا الفراج تراجع عن كلامه بعد الحلقة يعطي انطباع إنه قاله تحت ضغط أو انفعال. وهنا تظهر نقطة التفوق للمديفر في إدارة المواجهة؛ لأنه رغم حدته، ظل ممسك بخيط الأسئلة وخلى الطرف الآخر في موقف دفاعي طوال الوقت. الانتقال للشخصنة مثل “أصحابك نصراويين و جلستك و اصحابك نفوسهم غير طيبه” و الهجوم على المذيع . هذه علامة فقدان السيطرة في أي حوار. لما تتحول من ضيف الى مهاجمة المذيع، أنت فعليًا تعلن خسارتك في الجولة الحوارية. هل المديفر كان لطيف؟ لا. هل كان مستفز؟ نعم. هل بالغ بنوعية الاسئلة ؟ نعم و جدا لكن هل الفراج تعامل مع الاستفزاز بمهنية؟ برأيي لا. بكل وضوح: في ميزان الحوار، المديفر كان متحكم أكثر، والفراج ظهر متعصب و متوتر و خرج عن السيطرة . وفي النهاية… الرابح الأكبر هو الجدل نفسه. لكن إذا بنسأل: من كسب المواجهة مهنيًا؟ بالنسبة لي، المديفر تفوق بشكل صريحshow more

والله انك فاهم يا فارس وفعلاً الفراج جالسين يمدحونهه بعض الاهلاوين للاسف في المقابله مع اني شفت الحلقة واقول ذول شافو لقاء ثاني ولا ايش والله الفراج كان منفعل ومتلخبط ومعصب من كثر ماحشّره المديفر وقلب اللقاء كأن المديفر مسوي اللقاء مع واحد من العامة الي ثقافته على قده وكان عصبي وهمجي. والمديفر كان رايق وهادي وقدر يختار اسئلة قوية تاثيرها داخل نخاع العظم وذكرني الفراج بذوليك اللي اذا عصبو سوو محنا غلطانين انتم الغلطانين

في حملة جات لمساعدته بعد الاحراج الي عمل له المديفر و حملة قويه المديفر خلاه يخرج عن السيطرة تماما

من يوم قريت " والنصراويين شافو ان المديفر كشفه وكسب الجوله " عرفت ان ماعندك سالفة وكنسلت باقي التغريدة لإن حتى النصراوي المُتعصب يُقر بتفوق الفراج باللقاء كامل والذي اعطى المديفر درس بالمهنيه ومشى الحوار كما يريد لكن لا تتفلسف واجد وتوكل على الله

🛑🛑🛑 المديفر. عمل. اللي ما قدر جمهور. ورجال وأمراء النصر يعملونه جرجر. الفراج على وجهة بطريقة مقدم ناجح ذكي ان يجعل الفراج يعمل كوارث بالردود متوقع وبنسبة 70%. راح تكون سبب في أبعاده. عن الإعلام

الفراج اصلا اتوتر لدرجة انه اسقط على النصر و تهكم عليه اكثر من مرة و هو يدافع عن نفسه من اتهام انه غير مهني بالتعامل مع النصر 😂 المديفر خلاه يقول تعرف كم راتبي و كم اتغاضى و هل هذه ردود منطقيه لتنفي تهمة الاكتساب الفراج جدا سقط امام المديفر و المديفر يبتسم بكل لحضة يفقد فيها الفراج السيطره و يذهب للشخصنه او التهكم

المديفر. يعرف. أسلوب الهجوم وكان في حال تورط الضيف وتهرب الضيف عن الإجابة المديفر. أتوقع. اهم أسباب طلب لقاء مع الفراج رغبة المديفر بتحقيق أمنية النصراويين بإبعاد الفراج الفكرة اعتقد راح تتحقق بنسبة70% عنوان. اللقاء القبض بالجرم المشهد

الفراج صادق في كل شيء حتى مشكلته مع عبدالرحمن بن سعود الله يرحمه. الحق مع الفراج الفراج يقول عطني دليل ماهو ورقة مزورة يقولون عنه طبال وش المشكلة مع أنه غير صحيح اطلاقاً

هذا مو نقاشي هل كلامه صحيح او لا اتكلم عن انفعاله و خروجه عن السيطره باغلب الحوار اذا كان بيدافع عن نفسه و حتى ينفي بطريقة لائقة بدون عبارة صاروخ و غيره و الدليل تراجعه بعد الحلقة عن كلامه و طوال الحوار و هو متوتر و يدافع عن نفسه باسلوب غير لائق تعرف كم راتبي و كم استلم و يهاجم المذيع الي امامه مين معطيك الاسئلة و مين سالت و استراحتك غيرها هذا دليل ضعف و انهزاز كبير جدا

الفراج حتى في اكشن يادوري منفعل وكلام من الجولة الأولى هذا هو الفراج لا انفعال ولا شي هذا طبعه

تخيل علي كميخ ينتقد غوارديولا هذا وضعك مع وليد الفراج ي خي كلنا نحب الظهور لكن لا تحرج نفسك انت تتكلم عن اعلامي من الثمانينات

الدليل أنك فاغرة صدق تقول ( الفراج ماقدر يسيطر على الحوار) ياخي هو ضيف واللي مفروض (يسيطر) على قولتك المضيف ....😂😂😂😂 كاتب معلقة كنها جبهتك ولاتدري وين الله حاطك ... بعض الناس ينكشف من اول تغريده له او كلمه او لقاء وعزالله يافارس انك لحالك في شعيب ترعى الله يحفظك

بالضبط 👌🏻

أنا تابعت عشرات من المغردين الذين حاولوا قراءة اللقاء . ولكن لم اقرأ تحليلاً منطقياً وواصفاً للحدث كالذي خطته أناملك وبكل إنصاف وحيادية وصفت الحدث حتى لمن لم يشاهده وأنصفت المديفر المذيع اللامع والمحاور الأشهر ممن حاولوا بشخبطاتهم التقليل والانتقاص منه.. شكراً❤️

من اجمل الردود الي جاتني و صدقني من كرمك علي و فوق ما استحق

هذي الحقيقه

بكل بساطه المديفر جا مجمع اسئلة شلة الاستراحه و الاستاذ و ليد الفراج كفش العصفور الاصفر و ادخله في القفص و انتهت الحلقه و العصفور الى حد الآن في داخل القفص الفراج حاس النصراويين حوس الوليد بن بدر و باقي الشله لهم صياح قال ارتبك قال رمضان كريم يارجل خاف الله في صيامك و القيام

مع الاحترام لرأيك البرنامج سقط باستضافة هذا الشخص لايستحق الظهور لا يملك إلا حقد وكراهيه وتعصب ضد نادي النصر السعودي ورجاله من يحميه كيف ولماذا هو السؤال تطاول علي شخصيات اعتباريه بطريقة نرجسيه لكن حسبناالله ونعم الوكيل

اتفق معك عزيزي! بالذات يوم قال قطبي المملكة هم اللي يدفعون لي، قصدي قال هم #الهلال و #الاتحاد. كرهه للنصر واضح وجلي، وبالنسبة للاهلي فهو لايحبه ولا يكرهه ولو انه في الفتره الاخيره يحاول يتقرب منه. وليد الفراج حياته عباره عن شخصنه في شخصنه، هو يرى #النصر كانه عبدالرحمن بن سعود يرحمه الله.

😂 كل هالخريطة ليش كل العالم تنتقد المديفر في اندفاعه ودفاعه عن لون واحد المديفر مفكر وليس محقق المفترض اسئلته ماتكون اسئلة مشجعين متعصبين المفروض يرتقي شوي بالاسئلة ويبعد عن قالو عنك وقالو عنك مقابلة كان فيها المديفر صغييييير ولكن حب الفراج انه مايخرب اللقاء ورفع مستواه بهدوء

الرأي العام ما يُستخدم كحقيقة مطلقة بل كمؤشر يحتاج قياس !! المديفر استخدم رأي العام على قولته في جميع اسئلته بدون أرقام أو مصادر هذي هي أداة ضغط نفسية تُسمى Appeal to Popularity الاحتكام للجماهير الفراج متفوق بسنوات ضوئية على جميع اعلامين المحلي بما فيهم المديفر حقك!

أتفق.. المديفر هادئ جداً و وليد متوتر جداً

اي شخص منصف شاهد المقابلة يؤكد ان المديفر كشف شخصية الفراج بكل تناقضاتها في كل محور وبهدوء تام . نقطة انتصار المديفر حينما قال الفراج من نقلوك هذه الاسئلة هم ربع الاستراحه ! وهذا الكلام لايصدر من إعلامي يحاور ويرد على المقدم بدون الدخول في تفاصيل المعلومة احتراما للمقدم ؟

الفراج تراجع لأنه كان تحت ضغط وانفعال!!! وليد اعتذر عن (صدقه) ودفاعه عن نفسه في مواجهة أكاذيب وافتراءات المتوفي يرحمه الله وكررها أكثر من مرة وقال أعتذر عن صراحتي 🤣 وكان تصريح مستفز وواضح الهدف منه لكنك أحمق يا فارس وقدراتك العقلية ما تساعدك على الفهم 🌹

من بعد ماقرات الهلاليين عرفت باقي كلامك الفقراوي والمنبطح تعرفه حتى لو سوا فيه الفيلسوف المثقف

ياشين اللي يقاله ماسك العصا من الوسط، الصورة واضحة : كان المديفر مضبط تحضيره لمجزرة مهنية للفراج .. طلع الفراج يعطيه دروس في المهنية، ووممكن تعيد متابعة الحوار وتمسك ورقة وقلم ..

بالغت بمدح المقدم فالمديفر لأول مرة أحسه غير متمكن بالحوار وللامانة مو أول مرة لأنها تتكرر معاه لما يكون الضيف من المجال الرياضي واضح لا هو ولا الاعداد راعين كورة،لكنهم وقعوا بخطأ غير نبيل😏 بالمهنة لما أصروا يعرضوا مقطع لميت فيه اتهام للضيف وكأنهم يحفزونه للتهجم على الميت🙁

اولا وليد الفراج اسطوره الاعلام وخاصة الرياضي وعبدالله المديفر اسطوره ايضا لكن في هذا اللقاء لم يكن حياديا في الطرح ولم يقدر ان التهم التي القاها ع وليد من مناكفات انسان متوفي مع وليد وتسامحو فيجب احترام الميت ولا ينبش قديم وانتهى والمفترض فقط يدعى له بالمغفره والرحمه

اللي يبي يضحك يقرى هالهرطقه 😂 صف له كم كلمه يقالك محايد عشان يلخم القارئ يحسب مدارك الناس وعقولها أقل منه😂 متحمس ومتعب نفسك بهالخطبه العصماء نصراوية النفس والهوى .. يرد على اللي يأيدونه فقط ويقول انا محايد بينما رده عليهم مليان توهج وفرح ونشوة انتصار وهالشي واضح بالايموجي اللي يستخدمه ( 😂 ) طيب ماسألت نفسك ليه أغلب الردود ضدك واللي معك اثنين ثلاثه !؟ ماسألت نفسك قبل تكتب هالخاطره الركيكه ليش كثييير قالو الفراج احرج المديفر من غير الهلاليين ؟ المديفر سال ثمانيه اشخاص او عشرين وقال كلهم اجمعو انك متعصب ضد النصر وحتى لو سال ميه وقالو كذا كيف تقول اجمعو والجمهور الرياضي بالسعوديه ١٦ مليون وتاخذ بكلام عشره سألتهم !! ماكان فيه اي انفعال للفراج وهذي طريقته حتى ببرنامجه ردوده كانت معتمدة على سذاجة السؤال أو الإتهام فطبيعي يرد بتهكم يقولون له انت طبال والصور المنتشره معروف انها لعمر شلاخ طبيعي يتهكم عليهم قال له أنت اتهمت بانك قلت لنواف ابن فيصل قص لساني عند البنك وطبيعي يرد عليهم بتهكم عشان يبين سذاجة هذا الاتهام سألوه عن الخطاب اللي مع عبدالرحمن ابن سعود وقال الخطاب مزور ولاقال هو اللي زوره .. الكره الأرضيه كلها تتفق إن المديفر محاور ممتاز ودايم يكون نجم إي لقاء والمسيطر عليه ماعدى قدام الفراج تحول لمذيع مبتدئ يمشي زي مايبي الفراج ويجاريه كل هالعالم صارو خطأ وانت يافارس الصح 😂 نصيحه اخوي فارس توك صغير والدنيا قدامك طويله قبل تضع رايك بقضية تخص شريحك كبيره من المجتمع لازم تحط فبالك إن اللي بيشوفونها بعضهم مثلك علم وذكاء وبعضهم اقل منك وكثير منهم أكثر منك ذكاء وعلم وفراسه فلاتستغبيهم بكلمات ركيكه مصفصفها حسب ميولك وتفكر انها بتمشي عليهم لانك بتلقى مليون واحد يخليك تحس بقصر اداركك وحاول تعرض افكارك على كذا شخص قبل تنزلها يمكن تلقى فيهم الناصح اللي يعلمك انها عليك مو لك .. سلام ياصاحبي ..

القواطي دايما فايزين في الملعب في المكتب في التلفزيون في السوشيل ميديا في الراديو في الأرض في الفضاء في المجرات ولكن هناك امر لم يفوزو فيه أبطال اسيا النخبة الخرقة باقية وتمدد إلى ما شاء الله.🤣😀😃🤣 #بشروني_شخبار_الضغط

اختلف معك وليد وضح أشياء كثيره للشارع الرياض بخصوص أشياء تخص برنامجه وبعض الجدل فيما يخص بعض المواضيع ولا اعتقد ان القصه قصت من تفوق ولا اعتقد ان هذا الهدف موجود من الاساس في البرنامج اشوف الحلقه جدا جيده

قسم بالله ماعندك سالفة خسارة عدد الأحرف والسطور اللي قريتها

كلمه ( ملفات ) لحالها هزت اركانهم وشتت تفكيرهم لله درك

والله جبتها بالمللي الفاهم فاهم و أزيد عليك واضح انه المديفر غير مقتنع بالفراج كأعلامي وطريقته في الاسئلة تثبت انه مستضيفه فقط للإثارة وتوصيل رسالة ان الفراج مستواه اقل من الإعلام المعروف

واضح رأیک نابع عن میول🤣 کل العالم و الاعلامین و الثقفین و الهلالین قالوا الفراج انتصر بشراسه بهذه المواجهه و مزق المدیفر🤣

أفضل من حلل اللقاء ووصفه 👍🏻أحسنت يافارس ومن وجهة نظري أن المديفر رسب من ناحية نوعية إختياره للضيوف كذلك عدم ذكر الأدلة التي تدين الفراج وكذبه وتناقضته ولو كلف نفسه وبحث في يوتيوب او منصة X لوجود الكثير من الأدلة التي تجعله ملتزم للصمت ومطأطئ الرأس الله يرحم الإعلام والمهنية ✋🏻

اما انك تكلمت بصفه محايده فمع الاسف واضح جداً انك تكلمت كلمات صفراء شاهدنا المقابله المديفير بنصراويته حاول جاهداً الايقاع بالفراج الفراج بذكاء وخبره اعلاميه استلم الكره وسدد هدف الفوز

لما تكون الاجابة معها التفكير بطرفين يخاف لوم أحدهما سيكون اللقاء كما شاهدت بالاخير ستكثر الاعتذارات المباشرة وغيرها بطرق أخرى…!

@Mycon_9 معروف ان البعير ( احقد ) حيوان ✋🏻 وتنويخ البعير ليس سهلاً ✋🏻 الخلاصة : بعد اللقاء بساعات تم ( ترويض ) او إناخة ( البعير ) 😎 والايام القادمة سناكل لحم ( الحاشيي ) مع الشوربة والسمبوسة ✌️ #رمضان مبارك 💛

انا تحسفت اني قريت مقالتك ذي وضيعت وقتي ، توقعت انك منصف وبتوضح شي ، بس طلع تعليقك نفس تعليق جمهور النصر ، واضح انك مشحون جدا على الاعلامي الكبير وليد الفراج @waleedalfarraj

معليش ياسمي … أستمع الى اللقاء مرة اخرى واستمتع ..! الفراج حشر المديفر … نعم الفراج أكتسح منصة X نعم الفراج أجاد وافاد نعم الفراج جلد الشلة نعم