تتفق او لا تتفق

اليا فتحت مجلسك يا تكون قده ولا قفله وخل الغبار تعشي فيه ،، اما انك تتحكم بمواصفات الضيف هاذي جديده

. هذا فاهم غلط و عاكس الدعوة أنا المضيف … أنا المسؤول أنا اللي بسولف و اضحك واخليه بحول الله ينبسط أضاحك ضيفي عند إنزال رحله فتخصب ارضي والمحل جديبُ من أول كان الفارس إذا دخل عليه ضيفه يتحول الفارس ل خادم له مطيع وأني لعبد الضيف ماكان نازلاً وما شيمة لي غيرها تشبه العبدا

مافيه خير اللي ينقد ويشرهه على الضيف انه قليل كلام ، نبينا عليه الصلاة والسلام افضل الخلق كان قليل كلام واذا تحدث سمعه الجالس والقايم

ساكت …يثرثر…يضحك…يتريق…يبكي اسمه ضيف وداس بساطك تكرمه وتحسن ضيافته وتذبح له جزل الذبايح… اما يدخن…والا ساكت مايتكلم اطرده،والا ماعاد اعزمه… هذي سلوم وعلوم ماتعلمناها من اللي قبلنا ولاسمعنا فيها!! من عقب سالفة اللي طرد ضيفه على شان دخان…اقول الله يستر تالي هالزمن بس..

والله إذا سوالفه زي سوالفك خله ساكت احسن

الضيف ما يشره عليه، المشكلة في المضيف الصامت إذا ما عرف يبسط الضيف.. قال الشاعر: بيت هله طرمان ما هو بمدهول الضيف يبغاله فصيح يهلي

ياخي أنت رخمة، لأن جاك ضيف قليل الكلام تتكلم عليه وتهينه، هذا أعزمه وذا لا تعزمه! يحسب انه جاي عشان عشاه ولا عزيمته يالعنباها صدز.

انت تبي ضيف يسليك ويقص لك قصص يعني والا يلعب لك جمباز وماتبي الضيف يجيك على حروة العشاء. اجل ليش مسميه ضيف ومسمي نفسك معزب. والله انك انت وامثالك عيشتكم تغلث واللي يقلط عندكم غلطان. واذا احتد عليك يجيب لك عشاء معه.

حتى الضيف حطيتوا فيه عيوب !! الرجال طبوع وكلن وطبعه انت تعزم ترحب طرق عن خشمك اذا الضيف عندك وبيتك وتتحمل يالمعزب والا سكر بابك ولاتزعج خلق الله بمنتك وضيافتك، الناس ماخلقت علشانك تمشي على هواك وطبوعك.

دع الخلق للخالق الصمت أجمل من الغيبة فلان فيه وفلان ماعزمني

والله المروح وجهك لو يجي وقت عشاء لو اي احد يجي من الشارع نكرمه يكفي انه اسمه ضيييف ي مروح واضح من وجهك غثيث سبحان الله

هذي بلشه والله ياأخي إذا انت من قد اسقبال ظيوف سكر بابك وسكر حلقك

الرجال يفرح يوم يجتمعون عنده الناس لقهوة والا لعشاء وهذا عينه على لقمة اللي يجيه ! يخفس ! تعود اذا جاك احد تسفهل وترحب بالجميع ضيوف ومحلية

ماتسمع بمدلهين الضيف لان عادت الضيف يكون قليل كلام والمضيفين يسلون ويسولفون ويدلهونه الدعوه مو اكل يابو بطان هههههههه غاثت كرامتك تبي الضيف يثرثر 😂

من الحماقة ان يمازح و يبادر الضيف الحديث والكلام . بل المفترض العكس ،المعزب هو من يبادر ويلاطف الضيف ويفتح له مداخل السواليف ويريه انه مرحب به ..الم تسمع بـ.. أُضاحك ضيفي قبل إِنزال رحله ويخصبُ عندي والمحلُّ جديبُ وَما الخصب للأَضياف أَن يكثر القِرى ولكنما وجه الكَريم خَصيبُ..

هذا اللي ماتقلط عنده تشيل هم يحسب عليك كم تمرة اكلتها

انت عازم رجال وله عزم مهرج

من اعطى بعض الاشكال الوصاية على المجتمع يعلمونهم وش يسوون ووش يتركون !؟ الاشكال هذي تحسب المجتمع جاهل لدرجة ياخذ النصايح من كل من هب ودب !؟

عز الله كلامة بالصميم 👍🏻 ولا يجي متقهوي وقادع عند عيالة ثم اذا دخل صبيت له فنجال يردك تسلم متقهوي! طيبشاهي ؟لا بس مالي فيه الشاهي وفوق هذا مسكت لا يسولف ولا شي مافير يطالع باب المقلط متى يفتح

من لسانك تكشف حالك .. الرجل يعرف الرجل .. استر وجهك ولسانك .. الضيف ضيف

هذا المؤدب المتربي انت تبي المهايطي اللي يصور صحنك ويمدحك

الله لا يبلانا حتى الضيوف صار لهم شرط ونوع وكلام فاضي وعزالله محد قالط عندك !

اتفق معك

يا ثقل دمه هذا من يقلط عنده ؟

هذا واضح نفسيه 😅 ياخوي والله ان الصامت ابرك من اللي لسانه تقول دلاله ماغير يلعلع وكل سالفه نط فيها

وش حاده على التصوير والسوالف اللي كذا

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بالله تكلم عن المعزّب المخنز الي يبي العلوم

الله لا يحطنا حوله نهائي فكرته اصلاً ماحد ينتبه لها نهائي الا الـ... اللي مثله اللي يجيب دعوتك مقدرك

الرجال تعزم الرجال اهل الفعول الطيبه اما اهل السوالف خلهم عندك .

اول كان ابوي وأقاربي يعزمون الناس ولا عمرهم انتقدو احد يجتهدون في الضيافه ويعطون كل واحد على جوه لين يتيسرون.

الضيف ضيف الله بكرمه مير هرج والا سكت ولاني متلحق ضيفي بكلام بطال

كلام الرجال في وادي والردود في وادي اختلفت العقول في زماننا هذا الرجال يقصد في كل مجلس مايقصد في بيته فقط

الضيف اللي يجيك صدفه وهذا عادةً يجيك بالبر تبي تكرمه حتى لو صامت او ثرثار لأن الضيف ضيف الله ومن الواجب اكرامه اما الضيف اللي انت تعزمه هذا اكيد انك تعرفه

الضيف ضيف الرحمن وغالبا هو عابر سبيل تكرمه دون ان تعرفه يسولف والا يسكت كبير صغير غني فقير كل هذا ليس من شأنك، وقف على بابك إما ان تتحلى بأهم صفه عربيه وهي الكرم وتضيفه وتكرمه او تتحلى بالشح والبخل، والكرم ليس شرطا لحوم حمراء وبيضاء ونحوها، بل ان تقدم له افضل الطعام والشراب حسب مقدرتك واستطاعتك والجود من الماجود. اللي توجه له دعوه وعزيمه ليس ضيف بل قريب او صديق او عزيز او زميل بمعنى ان اللي تعزمه هو من معارفك ولا تنطبق عليه صفة الضيف