تجربة حقيقية تحكي واقع التشخيص الخاطئ لبعض ورش الصناعية بالرياض .

المفروض اذا اشتغل في السيارة وطلع تشخيصه خطأ يتحمل قيمة التكاليف راعي الورشه ويدفع تعويض لراعي السيارة.. المشكلة محد يتابع ويحاسب الورش وغالبيتهم يتعلمون في سياراتنا وعلى حسابنا

السؤال هل هؤلاء الذين يعملون في ميكانيكا وكهرباء السيارات متخصصين؟ هل درسوا هذه التخصصات نظرياً ومعهم شهادات تثبت ذلك؟ وهل هناك جهة تصنّفهم قبل السماح لهم بالعمل في هذا المجال؟

اتمنى من الجهة المعنية بالقيام بهاذه التجربه واشكال مختلفه من دون علم الورش حتى يتم تطبيق المراقبة على الورش تعبنا من ضلم الورش وشيخ المعارض ما يفيد والله خسرنا الف على أشياء تافهة ما تكلف ٥٠ ريال ولا طعلنا بنتيجة نبدأ بسيارة تسافر عليها وتنتهي في الحراج

كان معي مكسيما كان فيها تفتفه وتقطيع ماخليت محل الا رحت له حتى الوكالة دخلتها الوكالة وكلهم يقولون تصفية كاملة تكلف من 1000 الى 3000 رحت باكستاني فالصناعية القديمة لقى كويل ماكلفني 350 ريال !!

اللي ماعنده خلفيه بينضحك عليه بسهوله بس الأفضل الواحد يفحص كمبيوتر ولا يروح لمحل ثقه

اشتر جهاز كمبيوتر احترافي ووفر ع نفسك بعضهم يتبخل يدفع ع جهاز الفين او ٣ الاف بالمقابل تجيه ايام يدفع قيمة فحص للسيارة الوحده (للمرة الوحده) بين ١٠٠ و ١٥٠ ريال ، واحيانا تشخيص خاطئ من بعض الورش اللي ماعندهم اجهزة ، وبعضهم يخمك بمبلغ يشيب راسك

اعطال السيارات صعب تشخيصها بمجرد فتح الكبوت⁉️ و مع العالم المستعجله و اللي ما تسوي متابعة و صيانة دورية تتراكم الاعطال و يصعب تشخيصها بسرعة. وقد زاد الطين بله انه يوجد من يمتهن هذه المهنه من لا يملك شهادة و لا خبره و نحن نساعدهم بطريقه او باخرى على دمار سياراتنا.

للاسف الصناعيه كثر فيها ابو يمن المتعالمين الجهله واكثرهم ياتون الى السعوديه ليسوا اصحاب مهنه واحتراف وانما يتعلمون على سيارات المواطنين والمقيمين فبعد عشر سنوات اذا فلح يكون ذو خبره بعد افسد وكسر وفعل التجارب في اكثر السيارات

المفروض اي ورشه تفتح يكون معه شهادة اعتماد بتصليح السيارة ويكون اجتاز الإختبار ويكون يمشي على توصيات المصنع الي صنع سيارة

مراكز صيانة السيارات الرقابة عليها من حيث الكفاءات وحفظ الحقوق صفر عشان تاخد حقك تدخل بدوامة مالها نهاية من بداية المشكلة الا تثبيت الحق لدى شيخ الصناعية الى اللجوء لرفع دعوى على الورشة وبالنهاية اغلب اصحاب الورشة مايدري وين الله حاطه مسلم الورشة لواحد وذا جايب عيال عمه مبزره بن عمي ولاواحد فيهم على الكفالة وبعضهم مهنة سائق خاص ومأجر عليهم الرافعات ياخذها قطوعه ويتعلمون على سيارات الناس ياتصيب ياتخيب اي ورشة مافيها سعودي ولا تراخيص بمكان واضحه ولا موحد ملابس العمال وكل عامل له صندوق عدة ومقفل عليها وقاعدين برا يأشرون انحش ولاتوقف لو انه ارخص واحد بالسوق انحش الرقابة الوحيدة الي اشوفها كل فترة على اذن تصليح خدمة ارتح لكن على ورش السمكرة دايم اشوفهم حولهم