تجربة مترو الرياض اليوم من محطه واحة الملك سلمان الى المركز المالي الوقت : 28 دقيقة 🚊 الوقت من المنزل للمحطة : 16 دقيقة 🚗 المجموع : 44 دقيقة بالسيارة من غرب الرياض ضاحية لبن الى المركز المالي : 45 دقيقة تابع معي في هذا السياق مزايا وعيوب المترو

طبعاً يوجد في المترو 6 مسارات ويخدم غالباً شمال وجنوب الرياض وشرق الرياض نظرًا للكثافة السكانية هناك غرب الرياض هنالك محطات ولكنها لا تخدم حي ضاحيه لبن اللي اسكن فيه خلونا نبدأ بالسلبيات اللي ممكن تواجهها في المترو 1- تصادم الاشخاص عند الدخول للمترو والخروج منه يفضل ان يكون هنالك وعي كافي للمستخدمين المترو الخروج اولاً : يفضل ان لا يتم الصعود للمترو حتى ينزل جميع الركاب القاصدين النزول ثم الصعود للمترو 2- عملية الدفع لساعتين : واجهت مشكله في هذي النقطه وهي اني دفعت المبلغ لساعتين ومشيت المركز المالي جلست بالمركز المالي حوالي ساعه ورجعت وصلت لمحطة الاخيرة ووصلت لاخر كاونتر قبل الخروج من المحطة رفض الكرت يفتح لي رغم اني ما احتاج اركب المترو ابطلع للسيارة قال الموظف لازم تدفع لساعتين عشان تطلع كلمت الموظف اني ما احتاج اركب المترو واضطريت ادفع لساعتين اضافية عشان اطلع يفضل يكون الخروج من البوابات دون البطاقة لان الاغلب ساعتين ما يحتاج ياخذها لانه بينزل لوجهته ويجلس فيها وقت ولا انكر ان المترو موفر في السعر عن باقي الوسائل الاخرى 3- الزحمه في المترو ممكن تدفع البعض لاستخدام السيارة في بعض المحطات يوجد تجمع كبير للناس مثل محطه stc ومحطة الماليه 4- الاتصال في المترو شبكتي موبايلي والخط ما مسك معي بالمترو يبدو انه من المشغل نفسه

ننتقل للايجابيات 1- تعامل موظفي المترو رائع جداً واسلوبهم محترم ويردون على الجميع ويوجهون الناس بكل سعه ورحابه صدر وهم يشكرون على ذلك رغم ان الموظف واقف علطول ويساعد الجميع والله يستاهلون كل التقدير والاحترام 2- شفت كثير اشخاص يخلصون بعض اعمالهم بالمترو في التاب وبالجوال وفيه وقت ان الشخص يركز اكثر من السيارة لينجز عمله 3- سهوله الحصول على البطاقة من التطبيق والشراء من الجهاز بالمحطة عني اخذت بطاقتي من المحطه برسوم 10 ريال 4- التعليمات بالصوت مفيدة جداً باللغة العربية والانجليزية عن المحطات وتفاصيلها

بعض الاشياء اللي لاحظت انها ما هي موجودة او ما تعمل بالشكل المناسب وممكن يرجع بعض الاسباب لعدم معرفتي 1- تواصل رقم جوال خدمة العملاء اضغط على رقم التحدث مع خدمة العملاء ويقول لم يتم اختيار اي شيء 2- المحطات اللي المفتوحة ما يتم نشرها في قوقل ماب وتوضيح المحطات المفتوحة والمتبقية 3- التطبيق يحتاج يكون سهل بالايفون عندي ما يعمل ما ادري ليه يعلق من صفحة الموافقة علـى الشروط والاحكام 4- نحتاج توضيح بتواريخ فتح باقي المحطات وبالنهاية التجربة كانت رائعة وبخصوص خدمة سكان ضاحية لبن مافي محطه قريبة فتحت محطة طويق ما اعرف متى تفتح ولكن كانت تجربه رائعة وفرصه للي مشواره بالسيارة ابعد يستخدم المترو على حسب المحطات القريبة منه في الاخير الشخص بيختار اسرع وسيله للانتقال للوجهه المحددة اذا كانت مريحه له واتوقع اذا افتتحت كامل الـ85 محطة راح يكون في نتائج علـى الزحمة بشكل عام عدد مستخدمي مترو الرياض باسبوع الاول 1.9 مليون راكب متوسط 270 الف راكب يوميًا من 19 محطة مفتوحة اتوقع نصفهم يجربون المترو لو 200 الف يوميا يركبون المترو متوقع تخف الزحمه بنسبه 10% مع افتتاح باقي المحطات اللي اتمنى يعلنون تورايخ افتتاحها اتوقع يستخدم المترو ضعف هالرقم وان شاء الله تخف الزحمه بنسبه 20-30% متفائل جداً بذلك خصوصا سكان شرق وجنوب الرياض تخدمهم اكثر من 34 محطة تحتاج مواقف وسلاسة في حركة التنقل وقت الذروة هذه باختصار تجربتي ولو كان هنالك محطه تعمل بالقرب مني لعملت مقارنه لوقت الذهاب للعمل باستخدام المترو والسيارة طبعاً يوميا الدوام بالسيارة من غرب الرياض لشرق الرياض مكان عملي 50 دقيقه دوام وساعه وربع للرجعة ولكن مع اجازة المدارس الاسبوع الماضي الدوام كان 30 دقيقه فقط والرجعة 50 دقيقه

انا كنت اطلع من شرق الرياض بتكسي الى وزارة الداخليه كان يكلفني ١٠٠ بالقليل ، بعد المترو كلفني ٥ ريال .. مانقول الا الله يعز الدوله ويقويها ويعوضها ..

من ناحية اسعار جيد جداً

فيه مسار سابع قيد الترسية وبيشمل لبن وأحياء غرب الرياض

صحيح ولكن لم يتم اعتماده بشكل نهائي

Keep your week smooth and your vibes smoother at #Saadiq—your Wednesday R&B retreat, stop by The Studio at #HakkasanNightclub. 🎶 Tickets:

لاتحسب فقط المسافة مع مرور الوقت احسب تكلفة تنقلك عبر المترو وقارنها مع السيارة بتلاحظ انه صار عندك فائض فالانفاق على النقل هذا الفائض بتعيد استهلاكه في جوانب أخرى تدعم فيها الاقتصاد بأي صورة وفي نفس الوقت : - قللت استهلاك البنزين ( من صالح الدولة ) -استخدمت المترو ودعمت الاقتصاد للمناطق القريبة من محطات المترو بيصير على زخم المترو فضيع على الاقتصاد استثمار قووي

صحيح المترو فائدة الاقتصاديه عالية جدا لا يهم العوائد المالية بحجم العوائد الاقتصادية بشكل عام راح يقلل استخدام الباصات ووسائل النقل المتنوعة وراح يقلل من استهلاك الوقود بشكل عام بالرياض فيه اكثر من مليونين سيارة ومع زيادة الانتقال للناس للرياض راح يستخدم البعض المترو وماراح يفكر الشخص يشتري سيارة وهالفارق راح يستخدمة في جوانب اخرى اشياء كثير راح يضيفها المترو لاسلوب الحياه بشكل عام وراح يغير اشياء كثير في السابق ماكان يوجد خيار اخر بالنسبة لها.

44 دقيقة وانت قاعد افضل من 45 وانت تسوق

اكيد بامكانك تنجز اشياء كثير في المترو وما تقدر بالسيارة لانك لازم تكون مركز