تجربتي اليوم لـ #قطار_الرياض : - مشروع عظيم وفخم - قمة الراحة والروقان 👌 - شبابنا وبناتنا مبدعين في التعامل والتنظيم #مترو_الرياض

مقارنة وقت الرحلة المعتاد لعملي بمركز رشد (في مول العليا فيو) 🚘 بسيارتي: من ٢٠ - ٣٥ دقيقة 🚆 بالمترو : ٣٣ دقيقة ((من بيتي للمحطة: ٥ دقائق انتظار : ٣ دقائق المسار الأحمر : ١٥ تحويل وانتظار: ٥ دقائق المسار الأزرق: ٥ دقائق الإجمالي : ٣٣دقيقة)) لكن مع راحة نفسية وممارسة مشي وأم العيال ما تقول (جب من البقالة 😜) قراري: 🚘 بسيارتي: في غير أوقات الذروة أو إذا عندي مشوار ثاني بعد العمل 🚆 بالمترو : في أوقات الذروة، وفي حال الرغبة بممارسة المشي

انت من رموز الوطن اللي دائما يفرح بمنجزات الوطن مقطع جميل جمل الله حالك يادكتور ودام عزك ياوطن🇸🇦

امين واياك

تمنيت تبلغ الموظفه قبل تصدمها على الصباح شركات القطاع الخاص عملهم متعب وشاق واجر قليل ممكن تصورينا بدون قصد يسبب لهم احراج وملاحظات كل التعليمات واضحه ومكتوبة جميع اللغات و الحسابات الرسمية والقنوات شرحت شاشات موجوده وطلب مساعدة موجود وبإختصار يجرب اوربا ماتحصل ادمي وتدبر امورك

السلام عليكم دكتور سامي عندي ملاحظة بخصوص تنظيم حركة الدخول والخروج من المترو لاحظت إنه فيه زحمة عند أبواب المترو لأن الناس اللي طالعة واللي داخلة يتحركون بنفس الوقت وهذا يسبب فوضى وتأخير الاقتراح: الأفضل إنهم يوعّون الركاب إنه الأولوية تكون للي طالعين من القطار أول بعد ما يفضى الباب من الركاب اللي نازلين يدخلون الناس اللي واقفين بره بشكل مرتب بهالطريقة راح تكون الحركة أسهل والزحمة عند الأبواب تقل والكل يستفيد

احرجت الموظفة ولا استاذنت منها ياخي خلو للموظفين خصوصيتهم الله يهديك

يا د . سامي بعترف لك اعتراف عشان ماتقول اني اغتبتك ياخي مابلعتك والله 🙃🙂 كذا من الله ربي معطيك قبول عندي تحت الصفر وشكراً لك اتمنى تقرا كلامي ولا ترد لان مابي اقرا كلامك

هههه ليش الضحك الشريره اول المقطع 👍🏼

مو المفروض يكون فيه حزام امان سفتي خاصة للاطفال مجرد تساؤل ؟

بصراحه على كثر الفيديوهات اللي تتكلم عن قطار الرياض إلى ان هذا المقطع هو افضل فيديو يشرح عن قطار الرياض واستمتعنا معك بالرحله 👍 بتوفيق دكتور