تجربتي في إثيوبيا بكل صدق وأمانة 🇪🇹

بالنسبة لي زرت جيبوتي 🇩🇯 جارة إثيوبيا 🇪🇹 فيها اكبر (واغرب) بحيرة ملحية بالعالم .. فيها قصص غريبة عجيبة مع مدمني القات والعسكر وبعض النصابين ممن يبيعون التحف التذكارية غطيتها بهالفيديو 👇🏻

حقيقة اللي يعجبني في الأخ فارس التركي من خلال مشاهدتي لمقاطعه في السوشل ميديا لم أتشرف بمقابلته شخصياً حقيقة رجل عاقل ومتزن ولبق الله يعطيه الصحة والعافية

الله يسعدك وأعتز كثير بشهادتك ☺️❤️

وش ابغى بميزاتها وايجابياتها والامن تحت الصفر…

اخوي فارس الله يجزاك خير حرص الناس ان الدوله غير امنه خويي انخطف قبل شهر ونص هناك ولكن الحمدلله السفاره ماقصرت خلال اربع ايام استلمت الرجال ، نصيحه لاتورط الناس

رحت اديس الامان صفر والشوارع مكسره وغير مزفلته المطاعم معدومه ماتنفع فقط الجو حلو ومع المطر اكرمكم الله وانت تمشي بالشوارع مافيه غير ريحة التبول عادي تشوف واحد واقف وجالس يتبول😭 هي حقت فئه معينه فقط🌿🌿

زرتها 2025 كيلو البن الفاخر ب 17 ريال 🙃 في شوارع نظيفة ولاحظت كثرة انتشار السيارات الكهربائية ما طلعت خارج اديس بابا اتفق معاك . تصلح شباب للاستكشاف 5 ايام كفاية عليها العشوائية والتسول في بعض المناطق سلبية الامان ما لاحظت مشكلة . عسكري المرور لمن عطانا مخالفة معه سكروب ياخذ اللوحة هههههه😂 80 دولار للتاشيرة كثيرة عليها و محاربة التدخين فعلاً ملحوظ

لا اكل ولاتسوق ولانظافة ولا امن خذوها من واحد جلس فيها اكثر من شهر والجو مو ذاك الزود

يروحون يتمشون ويرجعون هنا يسوقون لهم ،، اتمنى ايقاف هذه المهازل ، انت مبسوط ورحت وجيت ايش دخلك تخلي الناس كلها تتجه للخارج قلي ايش مصلحتك لما تسوق لهم

زرتها الاسبوع الماضي وإليك بعض المعلومات المهمة سواءً محاسن أو مساوىء : الأمان عالي بحسب نظرتي الشعب لطيف إلى حد ٍ ما ومتقبل ولايستوحش من الغرباء البلد رخيصة الشوارع غالبيتها مهيئة للمشي التدخين غير مُحبّذ عندهم الشوارع برغم الزحام لاتسمع صوت للمنبهات ( البوري ) يذكروني بمصر 😉

زرتها عام 2013 كانت في بداية البناء والتطور أيام كانت السفارة السعودية في الوادي ومقابلها على الشارع العام مطعم النخلة الحضرمي فعلاً رخيصة لكن مخيفة في الليل والمسلمين مضطهدين هناك و التطور هناك في شارع واحد رئيسي اللي فيه مبنى فريند شيب ومحيط شيراتون العمودي متطور أيضاً ..

سرق جوالي لا بارك الله فيهم اي فون برو ماكس 15 😂😂😂😂

التذكره اقل شي اذا في عرض او حاجز من بدري من شهر خمسه او سته هجري ب ١٤٠٠ الى ١٦٠٠ ريال . الفلل الحين صارت الدولار اول كانت رخيصه وكانت بالعمله المحليه العاصمة جميله جدا مزيج بين الحضارة والطبيعة . في مناطق سياحية جميله بعيده عن العاصمة يبغالك تطلع لها من الصباح بدري ف الليل خطر

ازورها من 2016 فالسنه مرتين كنت اروح عن طريق جده عبر الخطوط الاثيوبيه ساعتين ونص وانت في مطار( بولي اديس ابابا) ايام الفيزا عن طريق السفاره الاتيوبيه في جده فقط وماكان في فيزا عبر الاونلاين كانت ايام جميله والاسعار بسيطه والفنادق رخيصه والفلل ارخص ؛ البلد جميله والاجواء والطبيعه كذلك - بلد جميله وبسيطه رغم الفقر وسوء البنيه التحتيه الا ان الله رازقهم باجواء ماطره طول السنه بارده نادر ماتشوف الشمس وقليل تشوف العرب والخليج فيها..وتستمتع اكثر اذا تطلع خارج العاصمه مدينه دبر زيت ونازريت وجزيرة انطوطو والمياه الساخنه وبحر دار ايام جميله بعد كوفيد 19 البلد غليت والسياح زادو وبدت البلد يكثر فيها النصب والاحتيال والسرقه وارتفاع الاسعار واستغلال السياح.. وقفت زيارتها 2025 رغم التطور اللي سار فيها ودخول المستثمرين الصينين باتفاق دولي ببنهم وانشاء مراكز تجاريه وفنادق وتطوير البلد من بنيه تحتيه وتطوير بعد ماكانت الاسعار ممتازه والاجواء مناسبه وهذه حق من حقوقهم طبعاً افتقدت شعبيتها من روادها وبدو يتجهوا الى دول اكثر تطور مقارنة بنفس الاسعار 🌹

ماشاء الله عليك ابورعد دايما عندك أسلوب في سرد القصص دايما رهيب وبسيط

يطول عمرك ❤️

رخيصة + جوها حلو طول السنة هذي اسباب كافيه انها تكون وجهه سياحية

ماني متحمس للكلام هذا لانو الان تدريجيا تبدّا ترتفع الأسعار والسبب أسلوبنا بالسفر نتسلف وبالقوة نمشي امورنا عشان نسافر ولمن نوصل الواحد يحسس اللي رايح عندهم انه ملياردير وتبدا تتغير الدولة والناس على السايح لازم يكون في وعي بالسفر انت قول لنفسك أنا بجي اكثر من مره عشان تكون واعي

أديس أبابا كل شي فيها حلو لمن يعشق طقوسها وانا من عشاق هذه الطقوس ولكن في شي مهم لازم الكل يعرفه اللي هو " أثيوبيا ماهي مهيأة للسياحة " 🇪🇹🇪🇹🇪🇹 - إذا انت تحب الطبيعة لازم تعرف : • راح تعاني لين توصل إلى مكان حلو • اغلب الأماكن مافي طريق إلا برجولك و الطريق وعر بين الجبال

كلام سهل وجميل ابو رعد 🌹 عندي توصية ودي تزور المغرب 🇲🇦 وتجرب السياحه فيها ( أستثنائية )

من هذا الشاب الأنيق.. ماشاءالله ظله خفيف ياخي يدخل القلب تحس نفسك تخاوييه في مشاويرك

المعسلات في اغلب البيوت الاثيوبيه مع القات. الشوارع آخر الليل خطره السواق وقف يقول نقطة تفتيش بسيارة الدوريات قال فيه عصابات شارع قريب من المطار

لقد أثارت تجربتك في إثيوبيا فضولي حقًا! السفر إلى بلدان جديدة والانغماس في ثقافات مختلفة هو بالتأكيد مغامرة تستحق المشاهدة. من وجهة نظري، تعد التجارب المباشرة مع السكان المحليين أحد أفضل الطرق لاكتشاف جوهر أي دولة. أتساءل، ما هي الجوانب الثقافية أو التقليدية في إثيوبيا التي تركت انطباعًا دائمًا لديك؟ غالبًا ما تكون هذه اللحظات غير المتوقعة هي التي تجعل السفر لا يُنسى.

ا/ فارس .. مدح الاسعار بشكل لافت في وسائل التواصل في اي دولة يدفعهم لرفعها مستقبلا، وهذا اللي شفناه في تركيا واذربيجان ومصر حاليا. الاسعار هناك اصبحت مثل السعودية بالضبط، واحيانا اعلى، ومع استمرار مدح الناس ورواجها سياحيا ترتفع الاسعار اكثر ويختفي فرق السعر اللي كانت تتميز فيه هذه الدول. عشان كذا نخفف مدح سوي بالذات ما يخص الأسعار .

ليش تغريدتك من South Sudan وبعدين احنا مقاطعين الاثيوبين لين يفتحون السد لاخوانا المصاروة ما نسمح بالضرر

السبب الثاني رجاء لاتذكره لن صار استغلال من اهل البلد الزياده بالاسعار بشكل غير طبيعي

حبيت صراحتك نفس تفكيري 👍🏻 فكرت اسافر لها لكن ترددت خلينا ع تركيا افضل ومعروفه اكثر لنا

ماقصرت اعطيتنا زبدة الكلام عن اثيوبيا والتي شوقتنا على زيارتها واكثر شي اعجبني فيها الاجواء كما يقال فوق الخيال لا برد قارس ولا حر ممل وامطار خفيفه

كما تفضلت يقال ان طبيعته ساحرة ولازالت بكر سياحيا، وسياحها الحالين هم من اليمن بسبب نوعية "القات" اللي يزرع هناك ويقدم لهم.وبالتالي يعد قوة اقتصادية مع الأسف مما يحد من الاستثمارات ونوعية وفئه السياح على المدى البعيد!

استاذ فارس .. البلد كله سلبيات عزيزي انت انسان مشهور ومعك قدره ماليه تسكن في فنادق فيها حمايه ونطلع بحمايه والمطاعم الفخمه السائح العادي معرض للخطر والخطف والسرقة والقتل كذلك يا اخي ينظرون لنا اننا بئر بترول يتحرك وغنيمة انتبهوا من هذا التساهل في الفكره السفر خطير هناك

كلام جميل من إنسان رائع ، فعلا محتواك وطريقة شرحك للشي ونقل المعلومة الصحيحة ممتاز جدا الله يوفقك

أنا زرتها كلامك100٪

الموسيقى منتشره بشكل كبير هناك سواءً منها الهادئ أو الصاخب ولو في غير محله فاللي مايبغى الموسيقى تديناً أو مزاجاً يحسب حسابه بالنسبة للعوائل ليست مناسبة بشكل كبير لأنه لاتوجد مطاعم عالمية مثل عندنا وموضوع الملاهي والالعاب محدود جداً ولايوجد مولات كبيرة زي عندنا تخدمك في التسوق والأكل الجو أكثر من رائع

اجل ليه منفسين اذا اجوائهم جميلة واسعارهم رخيصة

من كلامك مااعتبر انه فيه عيوب او اشياء سلبية

ابو حضرم مسوي انه سعودي

واذا رحت جنوب افريقيا بتتفاجئ🤣 بلد جميل وغريب وعجيب يدهشك