تركي الذيابي يروي كيف أصبح ثريًا من تجارة التمور. تبارك الرحمن

صرنا تجار واصحاب محلات بسبب الغنم رغم ان سوق الغنم بالرياض والدمام فاضي من السعوديين تزوجنا وفتحنا بيوت بدون وظايف ولا دخل شهري من الحكومة بسبب سوق الغنم اكثر تجارة مربحة بالسعودية وعلى ذمتي هو سوق الغنم مافيه غيره اول شي خلك عامل بالاجرة وكلها سنتين بالكثير وتكثر دراهمك

كذاب في نص عينه .. انا عميل لسوق التمور في عنيزة منذ عام ١٤٢٩هـ ماوصل سعر كرتون المفتل اوالجالكسي لـ٩ او ١١ ريال واسألو دلالين السوق ان بغيتو الكريدا ولا غيره وهذا يقول قبل الكورونا بسنتين لكن يهبد سالفة من راسه طيب قل فلوسك من خبال السناب ولافيها شي

سبق وان قال ان تجارته بدأت من القهوة. المرة الجاية من الغنم واللي بعدها من البعارين

أنا بعد ما شفت الردود تاكدت ان بعض الناس يا حاسد يا مثبط يا كسول، على الأقل أنا استفدت من القصة ان الحركة فيها بركة وهي في النهاية تحفيز للشباب على العمل والكسب من عمل اليد بدل ما يعتمد على احد يصرف عليه او يجلس حبيس الجدران ياكل ويشرب وهذا كل همه، خذوا المفيد من القصة نصيحتي لكم

اولا السوناتا ماتشيل 100 كرتون ثانيا محد يصير ثري من كراتين تمر مفرد . ثالثا قل صار عنده فلوس ورزقه الله وهذا شي طبيعي

الفكرة ممتازة لكن .. عسكري يغيب يوم كل اسبوع ؟؟ ويحسمون عليه بعد ؟؟ يعني خلال شهرين سبعة غيابات و يفصل .. ولا معلوماتي خطأ ؟؟

بعض الردود تحس فيها حسد وغل دعوا الخلق للخالق . الله يرزقه ويرزق كل مجتهد نريد من شبابنا ان ينافس الاجانب اللي اكلونا وبهذلونا شجعوا اي سعودي وادعموا تجارته لو كانت اغلى من سلعة الاجنبي

😂تمور علينا يا تروكي لعنبو ابليس القصمان تقطعت حلوقهم في الجرده والخبيب يحرجون ويشتغلون علي التمر ماوصلو للي وصلته في سنه محا عطاره في عفيف 😂 يسوي هالتجاره

البلد فيها خير كثير البنغالي بجيك ما يعرف يقول اسمه بالعربي ما يترك السعودية الا اذا بنى بيت وزوج خواته وبناته بلدنا ترابها من ذهب والحمدلله والمسلمين معتاشين فيها

جميل ماشاء الله تبارك الله

عطاها ابتسامة عريضة بالبداية يعني مالك حق ماتصدق

كيف يمكن لأي شخص أن يستفيد من قصة تحفيزية تجارية بدون أن يعرف التفاصيل المهمة؟ عرفنا أنه بدأ تقريبًا بـ1200 ريال، يشتري التمر بالجملة، يقسم الكرتون إلى أربع كراتين صغيرة، ويبيعها أمام المساجد، واليوم المشروع موجود في 400 محل بالمملكة. لكن بقي الأهم: بكم كان يبيع الكرتون الصغير؟ كم كانت تكلفة التغليف؟ كم صافي ربح الدفعة؟ كم كان يبيع كل جمعة وماهي مصاريفه التشغيلية التي كان يدفعها في كل عملية بيع؟ كم استغرق حتى جمع رأس مال الكيف السعودي؟ وكم كان رأس المال عند تأسيسه؟ وكيف انتقل من البيع أمام المساجد إلى التوزيع على 400 محل؟ هذه التفاصيل هي التي تجعل القصة مفيدة ، وليس فقط معرفة البداية والنهاية !!. وهذا سبب الردود السلبية على الفيديو لأنه ببساطة لا يقدم أي شيء مفيد سوى الاستعراض ومحاولة تبرير من أين اتى بثروته زي اللي كانوا يقولون كنا نبيع ساعات على الرصيف والآن يملكون المليارات😁

جلكسي بتسعة ريال ودي اصدق بس حيل غوية .. انا بالسوق من عام 1436 او قبلها ماتحصل هالسعر حتى الرطب ماكنا ناخذه بهالسعر بعد كورونا نزلت الاسعار للرطب من 9-13-15 وحولها

200 كرتون في 4 كيلو للكرتون = 800 كيلو يعني طن الا . هل من المعقول سوناتا تشيل حملة طن !!!! هذا يصرف علينا كلام من رأسه كذاب

قصدك من هبال السناب 🤣😂🥵🤡

الزبون الي ع السكين ماهو الرطب 😹

كل من مسك الجوال صار ينظّر على العالم وكأنه من دهات العرب

من الحسد كذبوا الرجال الله لايبلانا

التجارة ماهي عاطفة وتنجح، التجارة ثبات مستمر ولو خسرت لكنك تبقى تكافح وتكافح وتكافح ولكنها للخسارة أقرب بكثير يقول والدي رحمه الله ووالديكم التجارة لمن يشم صنانه بمعنى تبقى تكافح وتناضل وتخوض التجارب وتغير وتبدل إن لم تنجح علما تبيع بخسارة ٥٠٪ إذافشلت فأنت ربحان ثم عندنا عوائل جدهم الخامس موثق في وصيته بأن يكون رزق ذريته كفافا فقط فهم الآن ليسوا فقراء ولكنهم ذوو دخل محدود حاولوا التجارة فخسروا جميع أموالهم ولكنهم يبقون على الراتب ولا يشحذون وكرماء يتدينون لآكرام الضيف

وجهة نظر لاكثر الناس وانا معهم بهالنظرة التجارة حب وشغف وخبرة وخسارة ومن ثم ربح ، وغالبا مايجن الي ذكرت الا بتربية منذ الصغر وتكون من عائلة تجارية وتتأثر بهم ، لكن اذا كنت على كبر لابد من أن تكتسب الخبرة ولو تعمل بدون راتب او مردود

ماداوم يخصمونه!! جحد طيب خوياه

كرتون التمر الجالاكسي مايمكن سعره بـ 9 ريال هذا كذب !!!!!

لا أحد يشدها وبيصير تاجر بهذي الطريقة نعم ممكن توفر لك مصروف شهري حلو حتى ينتهي الموسم، بس المشاهير تجروا من الإعلان اليومي لتجارتهم بإسلوب تبعية القطيع مثل قوله البعض خلونا نروح لكفي فلانة المشهورة وهكذا.

⛔️⛔️⛔️ هذا كذوب ⛔️⛔️⛔️⛔️ كل مافي رصيده هي حقوق نهايه الخدمه 👍 واتوقع خلصت

ماشاء الله يستاهل وفقه الله وبارك له فيما أعطاه

كذاب في وسط وجهه لو تحسب كراتينه اللي ذكرها يقول 500 كرتون والله ماتشيلها ونيت ماهو سياره صغيره سوناتا انا 20 كرتون ما شالتها سياره كامري من القصيم لجده . ها الاشكال تدور محتوى بالكذب

الله يبارك لك ويجزاك خير على كلامك المثمر اللي يستفيد منه كل شخص يبغى يترزق الله

العيب انه ما احترم انه سمعت له فا قليل ادب إلى يكذب ولو تكلمنا بالبعارين زعل فا حسبي الله عليه ان كانّه كذاب عشان يوهم الناس وعشان ضيع وقتي اسمع سالفه كذب مثل هذي واحسن نوع يقول الي يباع بالمحلات وأغلى نوع ب11 ريال يعني الكيلو 3.5 أرسله لمكة صدقات ولا أبيعه ب3.5 الكيلو !!

الله يرزقك علمت بسر المهنة لان منتب حسود والله يافيه حسدان لو تطلبه سيئة من سيئاته ما عطاك

والله إنه من أرجل المشاهير و أفضلهم محتوى

ماشاء الله والقبول الله يزيد هلوجه الطيب من فضله الذي لا ينضب

الخيميس

قال جيت سوق التمر بسوناتا واشتريت 120 كرتون السوناتا نا تشيل هالكمية ، خرط حتسي لا تصدقون اي شخص يطلع يتكلم كيف بناء ثروه او نجح مشروعه مستحيل الي يتبع بريال ما يتكلم كيف جاه

1200 قسمها على 11 بمعدل 110 كرتون ، الوزن اكثر من 4 طن ! كيف حملتها و شالتها السنوتا؟