ترند " مقطع متداول " رجل يوضح: "زيت القير يغيّر ولا مايغيّر؟ تابع المقطع 🤯".

انتشار مقاطع من غير المختصين أو المصنعين التي توصي بعدم تغيير زيت القير يُعد أمرًا خطيرًا، وقد ينعكس سلبًا على سلامة ناقل الحركة والمحرك. عدم الالتزام بتوصيات الشركة المصنعة قد يؤدي إلى أضرار جسيمة، مثل ارتفاع حرارة القير أو تلف أجزائه الداخلية. تغيير زيت القير وفق الجدول الموصى به من الشركة المصنعة هو إجراء ضروري للحفاظ على كفاءة السيارة وطول عمر ناقل الحركة، وضمان سلامة الأداء على المدى الطويل تحياتي لكم

انا لوني محله اسوي قفل للكبوت وارميه مهوب لازم نغير شي في السيارة لانها مصممة تعيش للابد 😂😂😂😂 عموماً هذا الخبراليقين👇لمن يقول زيت الجير لايجب تغييره ..

والله العظيم .. ماغيرت زيت القير نهائيا وموتري الان ماشي تقريبا مليون الا 6 الف 👌 سوناتا 2011 من موديلها معاي لحد الان وماشاء الله العظيم

يا اخوان التجارب تختلف و الرصيد البنكي مختلف يمكن الرجال ما يطول الموتر معه ٢٠٠ الف وهوبا على السوق أنا لو أنا مبسوط مادياً و اعرف اني بمشي ٢٠٠ الف إلى 300 يمكن ما اغير زيت القير نصيحتي ومن تجاربي غير بانتظام كل ٦٠ الف مع الفلاتر ووجه الكارتير إذا تبغى قير موترك يدوم معك سنوات

من واقع تجربة ، السياره ماشيه مع اخوي 300 موديل 2015 و عليها و قبل يومين راح يغيره للمره الثالثة و امورة الحمدلله تمام ، لكن ما تغير الزيت على طول ، نقص علبتين و زيد علبتين و بعدها امش 1000 كيلو و ارجع نقص علبتين و زيد علبتين و هكذا

ياخي الكريم ،، الله يحفظك كتيب المصنع الموجود بالسيارة يوصي بتغيير جميع السوائل والزيوت بالسيارة .!! لا تشتتون الناس ✋🏻

الي يبي يغير زيت القير نصيحه لكم مني ان يغير في الوكاله حقت السياره وامشي علا الكتلوج الي موجودبسياره اخصر مبلغ 1000ريال ولا تخصر مبلغ قيمت قير مستورد 7000ريال غير بالوكاله فقط هذي نصيحتي لكم واذا السياره ماشت فوق 100الف كيلو لا تغير الافضل راح يضرب معاك القير

السؤال هل هذا الرجل مختص والا مو مختص ..

كلام فاضي مع كل احترامي للشخص استدل بصعوبة التغيير انه مايغير على كلامك المكينه ماراح تخبط واذا خبطت امش لان تغييرها صعب الله يهديه ، الصواب اللي صنع السيارة هو ادرى بها و ما صنع السيارة والمكينه والقير إلا اذكياء الهندسة والفيزياء والكيمياء وكلهم يقولون تغير بالوقت المطلوب فقط

ما عنده ما عند جدتي انا كل بداية صيف ابدله لا تكن ضحيه عقبها تعال دور لك قير