ترند " مقطع متداول " زوجة توثق تجهيزات العزيمة في بيتها 😍👏🏻!

عشان كذا صرت اكره العزايم صار مبالغ فيها وتكاليف وكلن يناظر الثاني وش حط وش جاب .. يا زين اول بس العزيمه قهوه وتمر وكبسه ونعمه

عزيمة بـ حب مو غصب وزواج بـ حب مو كذب وبيت بـ حب مو اقساط ودين الله يبارك لهم

ماشاءالله تبارك الله عليها انا انسانه كنسلت اي شي من البيت كل شي من برا بس اسوي قهوه وشاهي اريح ليش اتعب نفسي ابغا اقعد مع الناس وانا مرتاحه مو يروحون وانا متكسره من الشغل

ولفتني تجهيز الحشوة، في شي اتوقع تعرفوه ولكن اللي مايعرف ترا حشوة الورق عنب وحشوة الباشميل كمان واي حشوه مشواار لما تقطعي ع يدك حطوها بالمفرمة اسرع ونفس النتيجه شوفو هنا الصور اخر مره سويت الورق عنب بثواني جهزت الحشوة وحتى حشوة مكرونة الباشميل

ماشاءالله انا لو عندنا عزيمه مايمدي اشرب مويه هي كيف امدها تصور 😂

بنات ليش صرتو انتو اللي تجيبون أغراض البيت فوق الطبخ والنفخ أنا اللي اجيب المقاضي سلامات

كمية نقد عجيبة بالمنشن !! مع ان الفديو مره جميل

لو اسوي هذي كلها المواعين بتوصل الحوش😂😂😂

سنع السعوديات وكرمهم يُدرّس 💟

مستحيل كل هالاصناف تتصلح بوقت واحد ،،

تبارك الله هذي تستاهل من يهديها اجهزة كهربائية تسرع لها الشغل .. ذكرتني بنفسي فترة من الزمن .. بس الحين صرت اذا حد بيجيني كل شيء من بره بس اسوي القهوة وانظف البيت واتزين واستقبل ضيوفي ويادوبك يكفيني الوقت

الله يوفقها ويعافيها أعطوني حسابها احب الناس اللي تنعشك وتحييك

اكثر شي ينرفز ان الوحده تنظف وتغسل وتطبخ لابسه خواتم

ماشاءالله مستحيل مامعاها مساعدات! المحشي يبغاله يوم لحاله مو بسوي كل هذه الأصناف معاه 😫

تنسيق جميل لكن كيف تقطعين بصل ودجاج بدون قفاز ولابسه خواتم اذا مضطره وماعندك قفاز شيلي الخواتم وبالنسبه للحلا ،الكريمه في التراميسو تختلف عنها في التشيز تماما ، ومن المقطع واضح كلهم دخلتهم الثلاجه والتشيز يحتاج فرن كريمة الطبخ في صينية البطاطس خليط ماتكون ساده ولا خفيفه كذا

انا احب كذا اجهز كل شي بنفسي الحلويات و الموالح والعشا وارتب المكان .. ما اجيب شي من برا 👏👏💜 تبارك الله ربي يديم عليها الصحة والعافية ويجعل منزلها مبارك بوجودها و بضيوفها 💜💜

اكره التكلف الي ماله لازم صرنا نخاف نروح لا ننعزم عند ناس يتكلفون نبي العزايم البسيطه المبهجة والعلوم الزينه مانبي بروتوكلات عزايم وتكاليف مانزل الله بها من سلطان

والله كلنا حبيبتي نحب التنسيق والترتيب بس الفلوس هي اللي تقصر علينا والله يهنيك فيما رزقك ويبارك فيك

ما شاء الله التصوير وشغل وطبخ وحوسه واحنا بالبيت نتراكض ع الاغراض لين يجوون الضيوف ومرات م نخلص بعد

ماشاء الله عليك تبارك الله ظفرة وراعيت مطبخ ومضيافه ومحتو مرة ممتاز ومفيد ومحافظه الله يوفقك ويسعدك سعادة الدارين

اكتشفت اللي كذا رايقين تحصلينهم متعودين على العزايم والطبخ بعكس اللي فالسنة مره يسوون عزيمة يخافون من رفالتهم 😂 انا وكل عزايمي اكلها من برا لاني اتوتر واحوس المكان كامل لو طبخت لاني مو متعوده على العزايم بصراحه يادوبك اجهز البيت والضيافة فقط

شطوره والله ومرتبه وشغلها ذوق رغم انه فيه ملاحظات كثير بس جزاها الله خير عالجهد اللي بذلته والله يااغلب حريم وبنات هالزمن كسولات واستغلاليات وكل شي من برا نعمه ان مازال بعضهم كذا فيهم خير وفيهم رجا لكني مازال عندي امل القى بنات اسنع اسنع من اهل اول واكلهم جوده وصحي واصلي

هذي تبارك الله ما شاء الله تزوجت رجال كفو موب سلتوح يصرف على ق7باته ويطارد وراهم

كثير نساء زيها بارك الله لها تكون متعوده وعزمها قوي وتبدأ من بدري.

ليه ستاربكس يامسلمه ؟؟؟!!!!!!👎

سبحان الله يرهقون انفسهم بأفعالهم ولازم البسطاء يقلدون الأثرياء حتى في تحضيراتهم

يا حلوك ماشاءلله ❤️هذا كله في يوم العزيمة ممكن إذا مو لحالك لانه شبه مستحيل تقنيا و حسابيا ما يمدي تخلصي الأطباق بعد تحضيرها و شراءه و بعدها تنطين فوق البوتجاز تغسلين و تنطين الحوش !! و أطباق حركات مو قدر يتقفل و خلاص بس يعطيك العافيه 😊 اعزميني

ماشاء الله تبارك الله

شغل اسبوع حطته بفديو واحد مستحيل تسوي كل ذي الطبخات بنفس يوم العزيمه وتنظف الفرن وتتظف الحوش مستحيل لحد يصدق نطبخ ونعرف المحشي لحاله تقطيع وغسيل البقدونس والنعناع والكزبره ياخذ يوم لحاله حشي الخضار يوم كامل تنظيف المواعين بعد هذي الاطباق يوم كامل مستحيل امداها

دام مافيه مقليات ومعجنات الموضوع بسيط الحلويات من الليل والترتيب من الليل والصواني من الظهر وتكشخ المغرب والضيوف بعد العشاء

بيجيها ضيوف وتشوف مسلسلها ؟ لأن مبين لحالها ما عندها مساعد و بعض الناس ما يعرفون القلفزات شلون تروح ريحة البصل والثوم من يدينها؟

ماشاء الله تبارك الله يازين السنع والذوق الأثاث والترتيب والأطباق كل شيء ازين من الثاني ♥️♥️♥️

انا ماعاد صرت اصدق المقاطع او المشاهير .. وحدة مشهورة عندها كوكش اطفال وتصور انها هي تعملهم كل شيء بنفسها من الالف للياء وبيوم شفتها صدفة بمطعم طلع معها اربع شغالات خلف الكواليس ما يطلع طرفهم في التصوير فهمت وقتها انه اللي يطلع للناس بالتصوير كله كذب بكذب ومبالغات

تبارك الله الله يعطيها الصحه والعافيه بس ليه ماجهزت بعض الاصناف من اليوم اللي قبله كذا تعب مره كله بنفس اليوم

انا ما ادري ليش هالناس يدورون احد يعطيهم عين اعجاب والا عين حسد ويجلسون يراجعون عند الشيوخ وتتعب الوحده ويتعبوا عيالها ومشاكل زوجيه لا حول ولا قوة الا بالله من هالحريم اللي عقولهم صغيره