ترند " مقطع متداول " فتاة توثق تنسيقها لجمعة جيرانها ❤️🤩!

جمعة جيران !!؟ كأنها مناسبة والله ماخربنا وقطع علاقتنا الاذا التكلف

بعدين يقولون وشفيهم الناس قطعو ببعض ، من التكلف والمبالغه .. تقدرين تقولين يا هلا ومرحبا نورتونا وطلاقه وجه وابتسامه بدل هاللوحه ، انا اذا ابي انبسط ونتقابل دايم يكفيني الوجه البشوش والسوالف الحلوه ، هالأشياء مو دايم تملى عيني صراحه الا تخليني استصعب زيارتها مره ثانيه و استثقلها

اتمنى يبطلون حركة البطاقات ذي لحجيه .. وحتى المشروب الترحيبي مايناسب عزايمنا ! الضيوف يشربون قهوه وشاي ونعناع ! وفوقها تقدمون لهم عصير ! فقعتوا بطونهم

ليش لازم كل شي في البيت يسولف الباب مكتوب عليه والطاوله والصحون والحلا ودله القهوة اهلا وسهلا نورتونا مرحبا شدعوووه !

أكثر هبه تغثني ومالها داعي المشروب الترحيبي كنا نستقبل الضيف بالقهوه ألحين تنفخ جبده بموهيتو بارد

صعبتوا المسيار والجمعات والتكاليف والله ماعاد فيه شي له طعم تتقهوى الوجده وتفكر كيف تسوي زي ذا الحريم الله يشغلهم الله يسقى ايام زمان والحياه والسوالف وثلاجه القهوه وصحن بسبوسه وبيتزا وشاهي واقوى واحلى مسيار بين الحارات الله يرحم امهاتنا ياكريم يارب 🤲🏻🌹

ما قدرت أتقبل فكرة المشروب الترحيبي أبداً سواء كنت على خطأ او صواب برأيي ، القهوة أول شي يتقدم اذا قعدو الضيوف مباشرة أحس فيها حفاوة و تقدير أكثر .

هذا الكرت الي يكتبون عليه عجزت اتقبله

ليش صاروا يكتبون على الاشياء هل انتي عازمة بقر ماتفهم ( مشروب ترحبي - نورتوا ) 🙂

كلافة واسراف ونخشى ان يدخلها حب المباهاة الله يرحم ايام البساطة

باقي هذي الله يسعدكم

احس اللي يحطون زبرقة فصول المدرسه البطاقات ذي فارغات وفاضيات بعد حتى الاستنادات باسم المولود وقراشيعه للاستقبالات وكلش خرابيطططط وكتابات وملصقات واشياء مالها داعي 🤷‍♀️

احتاج مثل ذي التباسي ما لقيت مثلها😭😭

انيقه جداً تبارك الله

حلو التنسيق بس العبارات مالها داعي خاصة مشروب ترحيبي

السعوديات هبلو الليبيات فالتقديم ،،وغلو علينا الأسعار 🤣🤣🤣💔

التمر مرا كثير

ياويلكم من الله اثقلتم كاهل الازواج لان خفيفات العقل تبغى تسوي نفس ذا وتكبر المشاكل وتوصل للطلاق بسبب المظاهر الكذابة والتباهي اللي مالهداعي

هذا سبّب قطاعة الجيران والقرابة التكاليف الكثيره تهز الميزانيه

شوي بيتركونك الجارات خلوا البساط احمدي ليه هالتكلفه صحيح بتتكلفين وبيبتعدون عنك الجارات لانهم ماراح يقدرون يجارونك ويبسون مثلك قفلتوا علينا الابواب والسبب هالفشخره مافي احسن من البساطه

بالف هنا وعافيه .. واحنا الشباب مافي الا شاهي وقهوة لين يجينا حرقان مافي اي حركات

الله يرزقني فضاوتهن😓

هذي فراشه ملونه ام الأميرات ذربه وفنانه وذووووووق وأنيقه 👌🏻الفطور الي تنزله دايم من اجمل مارأيت تبارك الله .

يــا مــحـبًــا للـخـيـر أقـبِـل 👇 رقــم الـفـاتــورة/2543951703 رمـــز السـداد169

@QNNNA كلها خزعبلات وحركات الهدف منها التصوير التافهه الذي اصاب الناس جميعهم ودفعهم للتفاخر والتباهي الكاذب وصرف الأموال

أعــيــنـــــوها ولـكم الآجــر💔 رقــم الـفـاتــورة/25252186934 رمـــز السـداد169

تسلم يدها و يد العامله اللي معاها وكثر الله خيرها تصوير حلو ماشا الله ضيوفها كلهم قاصين المعده و طاقين منقارو وعندهم سوء تغذيه يشربون بس قهوة v60 وماتشا و قاطعين السكر و قاطعين الملح هذي ضيوف هالزمن اغلبهم يسدون النفس و يقطعون الرزق شاي قهوه مويه مكسرات معجنات وشوكليت سمول

ســاعــدوها🙏 رقـــم الـفـاتــورة| 25220468975 رمـــز الســداد) 169

@iiQNNNA من وين الحامل الي على شكل وردة

خابرته اسمه عصير 😂😂كيف غير اسمه

كلها طلبيات على حساب المسكين وللاسف يقولون ماسوا شي ههههههه

هذا الطبيعي السعوديات دايماً ذوق وانتكه وذرابه وفوقها كرم ماله حد ماشاءالله

يازين جمعة الجيران على قهوة مغربية والبساط أحمدي التكلفة تبعد الألفة وتجيب التكة والقطيعة والتنافر

يجنن تنسيقها ماشاءالله 😍 ياليتها جارتي تعزمني🩵