تفضلوا 325 ريال راتبك ممكن تعيش منه وتدخر وتستثمر!! سمعتوا الناس اللي تفهم. آآآآآه لو بس منك اثنتان لكانت عمان بألف خير.

لو حسبنا اللي في المشهد هذا المكياج الرموش الاصطناعية الفيلر البوتكس الابتسامة الهوليدية اعتقد بيعدي 325ريال

تكبير ✌🏻 هذي الاستراتيجية يجب أستغلالها ونتمنى للأخت المدربة ان يتم ترقيتها إلى راتب 200 ريال لانها تمتلك خبره نادره ، حيث انها تستثمر وتدخر من 325 ولا بعد تستمتع .. لله درك

هلا أف أم للأسف لما تستضيف مثل هذي الأمور بكذا الفقير تزيدوه غم وقهر بهذا الكلام للأسف رحموا الفقير والمسرح والباحث وأصحاب الدخل المحدود ما زين عليكم ترفعوا ضغطهم زيادة

مضحكين خلق الله علينا بلد نفط وغاز وكل شي تاخذة ب مقابل كهرباء وماي حتى ورقه من اي وزارة عليها فلوس وعدد سكان بين شايب وطفل ٣ مليون وبطاله عاليه ورواتب تستحي تذكرها قدام العالم وتطلعوهم في الإعلام بس من الطنازه

هذي المكياج مالها في الصالون ما يقل عن 70 ريال حال نص يوم كأنها لابوبو🤣بدء مسلسل الكلام الفاضي مع العقول الغبية يا بنت الناس لو كان راتبك 325 ريال وأنتي لا تصرفي منه شي وعائشه في البيت تأكلين و تمسحين يدك في الجدار ولا تدفيعين فواتير ولا عندك مسؤولية هنا اكيد إنه يكفي حالك🤣

الإستهزاء بالمواطنين في نظر هؤلاء حرية شخصية والله المستعان

كلامها صحيح للاسف، الاغلبية مو فاهم هي تتكلم عن من....!!! تتكلم عن فرد وليس عائلة. وكل مره تعيد الكلمة (الشخص ) اذا عائلة اكيد ما تكفى. لو 5 افراد اضرب 5×325 =1625 ريال للعائلة بكذا تقدر تدخر وتستثمر وتستمتع.

اول مره اتفق بطرحك اريد اعرف تفاصيل أكثر بالاكل اليومي والمصاريف واجار البيت وغيرها شكلها ساكنه بخيمة يمكن ونظام الاكل المتبع (نظام الضب) انا عندي 3 اطفال وزوجة وبيت وبنك وهاتف وسياره قسط لو اصرف 700 ما يكفن رغم انه اغلب وقت عملي بالرياض وأختفي سبوعين وثلاثه عن البيت🤕

مثل هذا الكلام هو استفزاز للمواطن اللي رواتبهم الف ريال ما قادرين يوفروا شي ويصرخوا من المصاريف الله يعين الفقير واللي ما يشتغل

٣٢٥؟؟! قسط سياره ١٣٠ ريال فاتورة كهرباء ٣٦ ريال فاتورة ماء ٢٠ ريال اجار شقه ١٣٠ ريال انترنت ٢٧ ريال وش اللي تبقى للمصروف والترفيه والادخار؟! ارحموا من ف الارض 😩